我的牛一

小妹今日牛一呀, 擒晚瞓得異常既好, 連夜晚收到幾個sms都唔知 ... sleeping so sweet!!!

擒日mpp帶左我去期待已久既深井食燒鵝, 我地當然去老字號既裕記啦... mpp知道一入夜就要勁排長龍, 所以我地差唔多六點就入去, 果然即刻就有位 (mpp, 你真醒呀!!)

我地當然order出名既燒鵝, 嘩, 真係皮脆肉滑喎....

再黎一個椒鹽豆腐, yummy....

最後黎一個京都肉排, 真係勁飽!!!

 

食完出黎時, 嘩)))) 真係勁多人係外面等位, 天時暑熱, 企係街度真係汗流夾背!! 奉勸大家如果入去深井食野, 一定要早小小!

返屋企途中, mpp不斷唱"邊個話我傻! 我請你食燒鵝!!!" 哈哈..... 我有時真係會叫佢傻仔, 唔怪得佢請我食燒鵝啦, 哈哈哈哈...... (出blog無耐, mpp就打電話黎, 佢澄清話唱呢首歌時, 係代我唱.... 咁即係話我係傻婆....  豈有此理丫! 呀姐我今日牛一, 你仲串我...... 哼!! )

今晚, 個傻佬會同我去食buffet, 查實佢早兩日已經送左份禮物去我屋企, 但又唔比我打開, 哎呀! 好心急呀!!!! 究竟係嘜東東黎gar???