慳家的我

小妹一向慳家, "慳妹"呢個名, 可謂當之無慚! (除左買鞋之外.....  )

話說, 小妹N年前第一次買電腦, 當人人已經用緊寬頻時, 小妹仲用緊56k.... (事源係小妹有個IT朋友, 佢係某大型電訊公司工作, 佢好好人, 仲比埋佢公司offer比佢個56k account我用, 咁我緊係唔好"side"啦, 一直好貪心咁免費享用....) 

個時成日比d舊同事/朋友笑我out, 仲用56k! 不過我都無理過佢地.... 但直至某一日 << 都有成兩年....>>, 小妹終於頂唔住56k既速度, 最後自己"um"荷包, 轉用寬頻!!

另外, 小妹都算耐力驚人... 屋企一直用緊大舊mon, 而且部電腦一用就用左成十年有多....雖則部電腦慢係慢d, 又有時"hang"吓機咁..... 不過我見仲用得, 又無壞.... 咪一直咁用落去!  不幸地, 我部古董電腦上個月終於宣佈certify!!! 死因無可疑, 而且仲死得非常自然 (哈哈哈哈~~).......

由於小妹部電腦只用作簡單上網 (有時係屋企check吓公司e-mail咁), 所以買部電腦唔使好複雜... 另外, 呢部機係識人買既, 總共平左成三百蚊 (老細好好人平左$200比我, 再加上部機係半個月內趺價$100).... 而家成部機連19吋mon四千蚊都唔使, 真係好抵!!!!

睇吓我部新機啦.... 配上可愛既Bebichhichi wallpaper, 成部機變得勁可愛呀, 哈哈~~