今次又時光倒流, 帶大家返番去上星期.......
10/4/2009 ~~ 第一日既復活節假期, 由於mpp唔係香港, 小妹全日都"牛"係屋企無出街... 由於第二日一早會同屋企人出發去玩, 所以小妹就準備定一d曲奇比屋企人食.
今次一樣係整燕曲奇, 材料同做法同之前一樣, 上次因為無黃糖而懶醒咁用左片糖...... 今次特登買左黃糖去整!! 不過, 小妹覺得呢個食譜分量太甜, 下次會試吓減少三份一糖再整!!
<-- 今次曲奇既look比上次好得多!! 不過仍然唔夠脆口, 有待改善!!
<-- 分左兩小包, 一包比媽咪, 一包比自己食, 嘻嘻!!
11/4/2009 ~~ 今朝一早7點幾起身, 先同屋企人飲茶, 然後去中港城搭船去中山!!
查實今次主要旅遊點係去番禺野生動物世界, 之所以我地先去中山既原因, 係因為我地人太多, 姐夫特別準備好兩部車帶我地周圍去玩!! 而且經中山過關無咁多人, 姐夫認真細心!! << 抵我將個家姐嫁比你... 吖.....唔係!! 應該話抵呀爸同呀媽, 將個女嫁比你, 哈哈~~ 
不過坐船去中山一D都唔平, 成$195一張飛, 仲貴過去澳門!!! 但講真一句, 咁樣上大陸又真係幾舒服方便, 坐個半鐘就到, 唔使迫人, 爽呀!!
中午時候, 終於到達中山港, 我地兩部車直往番禺, 行程約一小時!! 入場前, 我地先去食午飯, 呢餐都好豐富, 其中比較特別既有大煎堆!!
<-- 睇電視就見過呢個大煎堆, 今次都係第一次食.... 味道唔甜, 唔太多油, 而且仲好脆添, yummy!!!
<-- 加三十五蚊, 就有個咁靚既生果盤, 香港真係食唔到!!!
(待續.......)
沒有留言:
張貼留言