食飽飯時已經十點有多, 之後我地開車向珠海出發, 因為姐夫一早book左"珠海德翰大酒店" (http://www.cnicc.com/index.php?Locale=en-us).
由番禺到珠海車程約一小時多d, 晚上珠海既情侶路同公共巴士亭都勁靚, 可惜今次無帶相機, 而部電話又無嘜電, 所以無影到相..........>.<
我地差唔多成十一點半到達酒店, 環境都唔錯!! 房價盛惠RMB600一晚 (king size bed, 好舒服呢, 嘻嘻~~)!
12/4/2009 --- 晨早十點鐘比家姐morning call叫醒, 我同mpp嗱嗱聲起身執野/梳洗後, 去酒店三樓飲早茶!!
呢間酒樓環繞住成間酒店, 環境唔錯, 不過可惜呢度太大, 空調極之不足, 攪到我地食食吓野, 都要叫waiter幫我地set一把風扇吹吓!!
又食飽飽後, 我地開車去拱北過關! 當日過關勁多人, 途中有兩個海關人員同我地講, 而家入面大排長龍, 只要我地比RMB500, 便可以協助我地, 會安排車送我地過去澳門!!!
小妹心諗 "痴線咩!!! 行兩步就到澳門囉喎..... 五舊水, 你比我啦!!!!" 最後我地當然係自己海關啦!! 當日過關, 的而且確好多人, 不過, 我地只係用左大約十五分鐘, 已經到達澳門!!! 某D人真係以為我地香港人係水魚, 正所謂你精我地都唔笨, 哼!!!!
之後, 我地打的去酒店放低行李 (姐夫識人攞房, 所以今次住財神酒店唔使錢 
話說, 我同mpp講明只玩二日, 係今晚會返香港..... 其他屋企人會多玩一日, 總共三日兩夜!! 點知我同mpp最後被迫要滯留................. 詳情下篇再講!!
沒有留言:
張貼留言