Easter holiday 2009 - Part 3

    ** Easter holiday 2009 - Part 3 **    

睇完動物已經成五點, 姐夫個伙記好鬼醒目, 佢即刻走去幫我地去買定馬戲表演既門票!!

由於表演七點至開始, 為食既哥哥趁有時間, 買左大量既零食比我地 (包括有雞翼, 珍寶腸同粟米)!!! 咁食法..... 你地話我有嘜理由唔肥吖.....

約六點左右, 開始比觀眾入場, 入場費RMB150一位!!  由於家姐同姐夫之前已經睇過三次, 佢地建議加多一百, 買VIP主席位!! 結果我地坐係第一排睇表演!!

我地比較早入場, 望上去時仲有大量吉位!

差唔多開場時再望上去, 嘩~~ 全場爆滿, 好墟坎呀!!!!!!  (我個可愛助手"寶拎豬"當日都有去, 佢同老公仔跟團去, 佢話佢地坐左上角超級山頂位喎, 個位當然無我地咁好feel啦, heehee)

 

由於仍然有好多人無位坐, 大部份人居然坐滿哂樓梯位, 實在有損市容...... 唉~~ CHINA!!! ............... 好在我地買主席位, 有指定位坐, 而且坐位寬敞得黎, 又有閘欄住... 如果唔係, 肯定佢地會衝哂入黎!!! 仲分分鐘坐埋我地前排既空位........

 

其中最鐘意一個環節係呢個... 原本由四個外國人, 係一個好大既四環內表演既節目, 驚險得黎又帶點攪笑, 觀眾們(包括小妹)已經拍爛掌聲!!! 點知表演之後, 有三隻馬騮仔連同一個MINI三環突然出現, 佢地挑戰人類, 做出相同既動作, 場面極之好笑又抵死, 真係笑到我眼水都標埋出黎, so funny!!!!

 

成個show真係好好睇, 我地坐既位置極好, 極力推介朋友仔如果真係去長隆睇show, 千其唔好慳一舊水, 坐前排主席位真係好feel好多, 睇得又勁清楚!!!

完show已經成九點, 臨走時見到麥玲玲, 我地同佢打招呼, 佢都好有禮貌同我地微笑!!!

之後, 我地揸車出去雅居樂附近食晚飯, 係飯店內又撞到才子陶傑, 哈~ 似乎好多香港人 (包括名人), 係呢個復活節假期, 都平平地回祖國消費喎!!