擒日同mpp去左旺角睇 <殺神特工 (Wanted)>, 一路睇戲, 我應該講左大約五次Impossible!! + 一次 Unbelieveable!!!, 實在太多無嘜可能既事係套戲度..... 而劇中主角所講 "F U X K" 既次數, 真係uncountable呀 ...... 雖則係咁, 呢套戲既特技同音響效果, 認真出色, 而且結局都唔錯, 值得一看!!
擒日條街簡直熱"屎"人
2008年6月29日 星期日
殺神特工 (Wanted)>
週年紀念!
呢兩日心情好開心... 原因係同mpp係呢幾日, 有d週年紀念慶祝!
因為mpp工作擋期非常緊密, 為左唔影響佢既工作, 我地唯有提早左係上星期三慶祝.... 對我黎講, 提早慶祝我都ok gar... 皆因我係一個非常稱職既 wonderful girl friend 麻.... 
係上星期五, mpp帶左我去睇一套舞台劇《離留記》... 自從上次睇完《靚太作死》後, 我對魏綺珊同陳文剛既演出好難忘..... 加上上次我坐係第一行時, 比陳文剛玩過.... 係我心目中, 佢既演技同攪笑本色, 我絕對唔會懷疑..... 今次佢地都無令我失望.... 好戲連埸, 仲加入唔少既攪笑元素放入呢套古裝愛情劇度.... 真係值得推介!!
好! 比d花絮大家欣賞吓先....
今次, mpp又買左貴飛, 仲係第二行中間靚位tim.... 佢話呢個係週年紀念既一連串安排之一..... ( 車! 都唔知係咪吹水既!!
查實黎緊7月份, 我地仲有一個好重要.....好重要....好重要既週年紀念..... 為左呢個日子, 我早係六月初, 已經開始準備緊一份好特別既禮物... 呢份禮物我從未送過比人, 查詢身邊既朋友, 都無一個人整過..... 所以我都做左好多research去準備, 但呢份禮物, 而家都仲未成型..... 小妹而家真係好緊張同擔心!!!!!
2008年6月27日 星期五
2008年6月26日 星期四
祂...他...牠....
大約兩年前, 我同兩個挪威客人出差, 係食飯期間同兩個客傾開d心事, 佢地知我唔開心, 其中一個客人講左一句說話"FOLLOW YOUR HEART".... 呢句說話非常打動我, 亦令我鼓起好大勇氣行出我一直認為好難行既路, 因為呢句說話, 我改變左好多! 好多!!
我有一個朋友(簡稱朋友F), 大約一年前既某一個星期六, 佢突然同我傾心事.... 佢話比我聽原來佢同男友之間出現問題....
當時我有兩種感覺:
1) 開心 -- 其實之前同朋友F唔稱得上勁friend, 或者我之前既經歷同佢而家好d近似, 所以佢覺得我會明白佢既感受.... 我好開心佢同我傾訴, 雖則有云: "寧教人打仔, 莫教人分妻"..... 但我亦希望佢會明白"FOLLOW YOUR HEART"既道理...... 做人只有短短幾十年, 父母生我地出黎, 絕對係希望我地活得開開心心, 只要你開心, 一切"隨心"去做吧!!
2) 唔開心 -- 唔開心係原來係我眼中非常恩愛既情侶, 原來係有問題既.... 正所謂"家家有本難諗的經"..... 好無奈, 但我絕對明白!
朋友F, 我知道你而家既感受, 呢個過程絕對難受及痛苦.... 或者當你遇到退縮時, 你可以諗吓我丫... 我呢個咁懦弱既Zoe都能夠做得到, 你無可能唔得!! 最緊要你開心, 無論你最後作出嘜野決定, 我都一樣會百分百支持你gar!!!
另外, 好想話你知, 除了你而家身邊既一個他之外, 其實你仲有好多個"他"係你身邊:
(A) 祂 -- 開心又好, 唔開心都好, 多d同祈禱, 天主會為你分憂... 佢會幫你選一條啱你行既路, 絕對唔會離棄你.
(B) 他/她 -- 一個開朗活潑既你, 我知你身邊有好多好朋友, 多d同佢地傾吓心事, 人都開心d gar (仲記得麻, 我話過如果你真係須要幫手搬屋, 我同mpp都會幫你 ^__^)
(C) 牠 -- 有養竉物既你, 你d心肝寶貝會feel到主人開唔開心, 但無論點, 我知佢地都會支持你gar.
加油呀, 朋友!!!
2008年6月25日 星期三
珍惜眼前人
昨晚過了一個簡單但甜蜜的晚上, 穿上同一條裙, 相約在同一個地點, 在同一個餐廳吃晚飯...... 感覺非常特別!!
有一篇文章好想同大家分享.... 希望大家都會珍惜眼前人!
1,真正愛你的男孩，一下子說不出真正愛你的理由，只知道自己顧不上注意別人。
2,真正愛你的男孩，其實總惹你生氣，卻發覺不了他到底做錯了什麼。
3,真正愛你的男孩，很少當面讚美你，可是心裡肯定你是他最棒的。
4,真正愛你的男孩，會在你忘記回復他短信時狠狠地的說你一頓。
5,真正愛你的男孩，只可能在你一個人的面前流眼淚，當你觸摸到它們時，也觸摸到了那顆只為你跳動的心。
6,真正愛你的男孩，會默默地記住你不經意說過的話，在某時某刻重復它們。
7,真正愛你的男孩，不會輕易做出承諾，因為他想讓自己成為你心中說話最算話的男子漢，只想給你最可靠最安全的幸福。
8,真正愛你的男孩，總告訴你不要胡思亂想，因為其實他在為你們謀劃著最美麗真實的未來。同時讓你無憂無慮地等待他要給你的驚喜。
9,真正愛你的男孩，可能不像你一樣清楚的記得某些紀念日，他覺得愛你是每時每刻的，並不是靠這幾天簡單的日子。
10,真正愛你的男孩，不會輕易對你當面說“我愛你”，因為他為你做過的每件事都已經這麼說了。除非在非常時刻，為了不讓你無端地誤解他。
11,真正愛你的男孩，總覺得有些話只說一遍就夠了，因為你已經了解他的心。說得多了，他會覺得不珍貴。
12,真正愛你的男孩， 如果他去機場接你，不會像你期望的那樣捧著玫瑰大聲叫“親愛的”，只是自然的提過你的行李，然後想用眼睛抱緊你似的心疼地說，怎麼瘦得像豆芽菜了？
13,真正愛你的男孩，當你發脾氣時，只會不做聲地聽你把火發完，然後慢慢地說，你明天有課嗎？早點睡吧。
14,真正愛你的男孩，不懂當你生氣掛掉電話後應該立即打來，過了若幹小時後會發條短信問你消氣了沒有？如果你質問他為何這麼久才打來，他會理直氣壯地說，你生氣時我的解釋一定沒有用，等你的火消了，我的解釋才有效果。
15,真正愛你的男孩，總是叫你小姑娘，可是每次他做什麼重大的決定，卻總想先聽聽你的建議。
16,真正愛你的男孩，不喜歡玩具小毛熊，卻一直把你送他的小熊放在床頭。
17,真正愛你的男孩，當和你發生爭執時，總是控制不了地先妥協，先承認“我錯了”，過後發來短信以“神經病”開頭，以“寶貝”結尾。事實上你也清楚，這次是你有點無理取鬧。
18,真正愛你的男孩，很想很想你時，也會買玫瑰送你，傻傻地等著你，卻不知道自己捧的是月季。沒關系，他的心裡送的是玫瑰。
19,真正愛你的男孩，嘴巴都不甜，但是他的吻能傳遞他所有的熱情。
20,真正愛你的男孩，當聽到你對他講很“酸”的話時，他反而會裝地很正經，其實心裡很甜很甜。
21,真正愛你的男孩，如果不能經常見到你，他會讓自己忙碌起來，為了不去想你，因為他知道一想你將會一發不可收拾。
2008年6月24日 星期二
風神
八號風球做d嘜好呢?? 我個人認為如果屋企人多既話, 打馬吊就最好喇!! 難得有假放丫麻, 可以趁呢個機會賺吓外快之餘, 仲可以促進吓同家人既感情麻.... 唔錯......唔錯..... (咦.... 有d手痕tim......
但對於我呢d獨居老人黎講, 打風多出黎既時間實好有點無聊..... 無奈地, 瞓覺我又唔瞓得太晏..... 一早起身, 唯有聽吓903, 聽歌之餘, 又可以聽吓風暴消息....
唉! 晏晝就要返工喇...... 而家唯有增取吓時間, 上吓網, 寫吓blog.....
唔.........突然覺得自己有d偷得浮生平日閒既感覺, 成個人仲好似有d高尚feel tim呀, 哈哈....
在迷茫的一天出發
今日請左一日病假, 食左一日醫生開d藥比我, 燒雖然係退左, 但以我讀左咁多年E 既經驗(abcde個e呀), 我懷疑醫生開錯藥!!! 呢d藥並唔係感冒藥, 正確學名應該叫做"矇仔藥"!!!
d朦仔藥完全發揮左極大既功效, 我今日成個人都好迷.......好迷.......好迷.......好迷.......好迷.......
係屋企已經瞓左成日, 依然仲好鬼"屎"眼瞓......坐係廳度睇電視, 都會"中吓中吓"釣魚咁...... 同mpp食晚飯時, 我仲嚴重到語無倫次......似乎我個腦已經嚴重到控制唔到我條脷.........幣喇! 點算好呀)))))))))))))))))))))))))))))))))))))
嗚嗚....嗚嗚..... 
平時已經比mpp話我傻傻地, 低低地, 家吓仲"迷"埋tim, OH MY GOD!!
2008年6月22日 星期日
小病是福
近呢一年, 唔知點解耐唔耐就會發燒, 我諗左好耐, 有以下既可能性:
1) 我間屋唔利我!
2) 我實在太有福氣喇! (正所謂"小病是福"麻, 哈哈...)
3) 我個人太小氣! (我知.. 我知..... mpp你而家實係點哂頭話"係"......你實話我成日自己無啦啦搵野黎嬲, 攪到嬲壞左腦仲發埋燒丫麻.... 哼!)
查實, 小妹絕對知道自己係小氣左d.... (大家唔好誤會我係勁小氣, 只係dd小氣)所以係三月時, 當我同mpp係台灣機埸時見到一個寫住"莫生氣"既掛飾, 我即刻走去同mpp講我好想買, 希望可以提醒吓自己作出改善.... mpp見到呢掛飾時, 梗係舉腳話買啦!!
買左呢個掛飾都好幾個月, 但我依然耐唔耐就發吓顛, 可憐既mpp, 辛苦你喇...... 不過咁, 查實有時女人小氣吓, 都係想向對方撒吓嬌之麻......哈哈.....
2008年6月21日 星期六
最近....
這兩日天氣已經好轉, 由陰轉晴, 理應心情愉快..... 但我的內心卻有點悶悶不樂......
我家中最小的我, 或許是被寵壞了.... 小時侯的我, 往往只會用淚水來解決問題, 可說是家中一名"大喊包".... 開心時便笑, 不開心時便放聲大哭, 哭得久了便呼呼大睡, 睡醒了又是一個新開始...... 從不真正去了解問題.
愛哭的我, 長大後好像沒有什麼大變化, 唯一改變的, 似乎是我的淚水, 大部份時候都會在我被窩內出現.... 過去, 我哭出的淚水似乎多得異於常人.... 我曾禱告, 希望天父能賜予我多點"絕情", 讓我可以決絕點去解決事情.....
從來, 我往往也希望所有事情可以簡單點, 生活態度本應是這樣! 奈何, 很多事情我們實在控制不來..... 現在, 或許我是時候, 真正地去面對現實, 問問自己... 我到底須要什麼 !!??
生活 - 我從不太奢望有富裕的生活, 實際點吧.....足夠的便可 !
感情 - 選擇伴侶時, 樣貌/家底從不是我首要條件.... 首要條件還是看看對方能否讓我快樂吧! 一個愛我的人, 相信他絕不會讓我哭!! 要哭的, 也理應只會是快樂的眼淚吧!!! 愛情可以很簡單, 亦可以很複雜!! 說到底, 這是必須要相方一起走的漫長道路, 缺少了一方也無法繼續前行..... 女人好簡單, 大概總也希望身邊的一個"他", 會多愛錫/珍惜及關心自己吧........
感謝主, 讓我有非常愛我的家人, 他們總會無私地張開雙手來保護我.....
感謝主, 讓我有一份穩定的工作及健康的身體, 讓我能自給自足.....
感謝主, 讓我遇上"他".... 所有的事就交托全能的你, 因為將來的事, 就只有你知道.
2008年6月19日 星期四
太陽出來了!
落左超過三個禮拜既"超級長命雨"今日終於結束喇 !!!
而我亦可以宣佈, 同我把"姐"正式分手....
黃雨.... 紅雨.... 黑雨....
雷暴警告.....山泥傾瀉警告.... 水浸警告....
呢幾星期輪流咁出哂黎!!
家住港島區既我, 當中有幾晚仲經歷過non stop既雷雨,
成晚不停咁行雷.....直頭好似"五雷轟頂"咁..... 跟本無覺好瞓.........
港島區北角至中環一帶, 星期六一朝早會交通嚴重癱瘓......???
商業區既灣仔軒尼詩道有嚴重水浸....????
山泥傾瀉活埋兩個人.....????
有邊個會諗到, 呢d野仲會出現係今時今日既香港.........無奈 !!
天災人禍.... 傷亡數字..... 呢兩個月多到令人有窒息感覺......
簡直痴哂線!!!!!!!!!! 真係"火"到黎埋!!!!!!!!
今日......太陽伯伯終於返黎lor.......陽光普照, 天朗氣清 !!
仲有埋而家香港好少見到既藍天白雲tim, yeah yeah yeah.....
從公司望出去, 今日既天空實在......太wonderful喇!!!!!!!!!!!!!!!!!!!!!!!
咁好天, BB熊都話要出黎哂太陽呀, 哈哈....
希望慈愛既天父, 隨著太陽伯伯既出現, 保守我地每一位.........
2008年6月18日 星期三
我既頭號粉絲
我呢個blog開業無耐, 承蒙大家支持及意見, 我會盡量去滿足大家gar la...... 其中有遠在粉嶺既朋友--牛仔, 佢就好想我係個blog度講多d私人野, 好啦! 就寫d野滿足吓你啦, 哈哈...
擒日講到我既好朋友同學呀LO, 我係時候要講吓我呢個blog既頭號粉絲mpp喇....(你係咪好開心呢, 嘻嘻..... )
mpp好鐘意睇話劇同睇戲, 單係話劇, 我地大大話話已經睇左廿幾三十套........ 最初, 我都幾擔心睇話劇會唔會好悶gar? 但原來睇話劇同睇戲完全兩個feel.... 特別係d歌舞劇, 我就特別喜愛喇!! 你地咪睇小我呀..... 查實小妹以前都入過兩年香港學生舞蹈團, 雖則係N咁耐年前既事, 但我有既係咩呀.....藝術天份麻, hehe....
另外, mpp都好鐘意書gar.... 最近, 佢就比左本書我睇, 叫"男女大不同"... 主要係講男人同女人本身係來自兩個唔同既星球, 所以男人本身既特質,性格同思想, 同女人既根本唔一樣...
作為一個女人仔, 我都幾認同呢點... 如果對方強迫要你去順從佢, 你都唔開心啦, 係咪? 正所謂"勉強無幸福"麻!!!. 相識係一種緣份, 可以相愛係好難得, 要維繫一斷真摰既感情就更加唔容易!!!
雖則我同mpp一齊唔算好耐, 但感覺就好似一齊左好耐咁........ mpp, 我會好珍惜我地而家既感情........(唔好意思大家, 有d骨痺tim, hehe....)
希望我身邊既"你", 或大家既他(OR 她)都會懂得珍惜身邊個位願意同你"同甘共苦"既情人知己啦.....
訂閱：
文章 (Atom)