又一年

眨吓眼, 又過左 一年....

 

曾幾何時, 好怕面對自己生日, 因為知道自己又大一年...  不過年復一年, 家下已經面對到自己真實年齡...   時間真係唔會等人, 一定要好好珍惜每一分每一秒, 特別係同mpp一齊既快樂時間~~

 

好期待今晚同mpp既節目, mpp會為我大顯身手....

 

聽日係小妹正日生日, 我地會去我最愛既地方玩~~ 諗起都開心呀!!

 

生日願望同往年一樣, 希望我同mpp, 我地既家人, 我地既朋友全部都身體健康, 快快樂樂!!  同埋快d做幸福林太太, 哈哈哈哈~~

 

下星期見~~

 

 

 

 

特濃朱古力慕斯凍餅 chocolate mousse cake (附食譜)

自小已經好錫可愛姨甥女, 唔經唔覺, 呢位小妹妹已經十歲女~~

 

可愛姨甥女好為食, 不過佢好得意, 佢唔鐘意食蛋糕... 上星期佢生日, 特別要小妹為佢做一個無蛋糕既生日蛋糕, 仲要指定要朱古力味!!

 

小妹未整過朱古力慕斯凍餅, 返到屋企即刻上網搵食譜, 幸運地, 小妹搵到一個簡單食譜!!  (嗚謝: http://hk.myblog.yahoo.com/jw!yHmn1peXFRsdqBRN6N8XUxs-/article?mid=1171)

 

 

特濃朱古力慕斯凍餅 6”

 

餅底: -

消化餅碎        70g

無鹽牛油        35g

 

慕斯: -

蛋黃                        2隻

朱古力奶                50毫升

可可粉                    5g (約一茶匙)

糖                            10g

淡忌廉                    200g

魚膠粉                    6g

凍開水                    50g (約3湯匙)

55%濃度朱古力     100g

 

裝飾: -

可可粉                     適量

 

做法: -

1. 將牛油用熱水坐溶, 倒入消化餅碎攪拌, 平均放入餅模內, 用匙羹將餅碎壓實放入雪櫃備用.

2. 淡忌廉打至6成後放入雪櫃備用.

3. 55%濃度朱古力用熱水坐溶; 魚膠粉與水開勻後用熱水坐溶.

4. 朱古力奶加糖和可可粉慢火煮至溶解, 撞入已拂勻蛋黃中. (分2-3次加入, 拌勻).

5. 加入魚膠水 (分2-3次加入, 拌勻), 用篩將混合物過濾, 再加入朱古力漿拌勻.

6. 然後與淡忌廉拌勻.

7. 將慕斯漿倒入餅模中放入雪櫃雪最少6小時.  雪凍後用篩將可可粉平均篩在餅面上.

 Tips 貼士: -

1. 餅碎可用Oreo朱古力餅碎, 配合朱古力慕斯顏色.

2. 每加一樣材料, 要完全拌勻好後才加另一樣.  3. 淡忌廉最好打至6成(有紋有軟勾), 慕斯才會細滑.

4. 熱朱古力奶撞入蛋黃中要不斷拌勻, 不要讓蛋黃受熱凝固起粒.

5. 要確保魚膠粉完全溶解入水中., 要確保魚膠水完全拌勻入慕斯糊中, 否則魚膠水會凝固出現魚膠粒.

6. 脫模時可用熱毛巾包圍模邊, 或用風筒沿模邊吹, 使外層慕斯略溶, 方便脫模.

 

 

個mousse cake好香濃朱古力味, mousse夠幼滑!! 我用左Oreo做餅底, 不過按呢個份量 (消化餅碎 70g, 無鹽牛油 35g) 做出黎既餅底太實, 一定要改善吓!!

 

睇吓, 可愛姨甥女見到呢個蛋糕幾開心, 見到咁, 我呢個呀姨都好開心呢~~ 再祝可愛姨甥女生日快樂, 永遠健健康康, 快快樂樂!!

 

 

 

 

廈門三日之旅

公司攪左個trip, 免費三日兩夜去廈門旅遊, 上星期五坐港龍機早機去, 擒晚坐夜機返, 旅途好愉快!! 

 

廈門天氣超熱, 可以話係可以熱死人咁... 好難頂!  去國內旅遊都係差唔多... 都係觀光+ 購物.... 跟住觀光+ 購物,.... 再黎觀光+ 購物,.....   

 

剩低honey一個係香港, 好掛住佢... 所以不時用whats app同honey傾吓計, 又 send d 相比佢睇吓! 

 

福建土樓 -- 睇電影見過呢度

 

以上全屬mpp上星期五, 六, 日既經歷, 與小妹完全無關

 

小妹一個人係香港等個傻佬返... 身為公司高層既mpp, 應該同公司反映一下, 旅遊呢家野, 點解唔可以帶埋家屬去呀??!! 

 

 

 

我的嫁衣

上星期約埋家姐, 第二次去揀婚紗!

 

好順利地已經揀好婚紗, 晚裝同裙掛... 不過, 小妹對於婚紗款式有d困擾....

 

mpp鐘意呢款, 現場出黎效果好grand~ 尊重未來老公仔既我, 所以當場confirm左呢款!

 

不過, 小妹個人喜歡呢款, 青春又收腰一d.... 擒日打比間公司say sorry, 叫佢地幫個hold住呢條, 9月中再re-confirm!! 

 

比過同事同朋友睇, 答案係50/50.... 點好呢??

 

自學西廚 @ 吉列雞扒

小妹好鐘意睇飲食節目, 近日超鐘意睇明珠台既天才小廚神, d小朋友只得8-12歲, 小小年紀已經可以煮出好多美食, 勁過好多大人.

 

上星期有一集教煮吉列雞扒, 小妹見唔係好難, 擒晚試煮左... 簡單又yummy~~

 

材料超簡單, 唔使20分鐘就食得!!

- 雞胸一大塊 (斜切三至四片, 視乎雞胸大細)

- 蛋一隻

- 麵包糠

 

1) 用小鎚拍薄雞胸 (雞胸肉必須平均厚度)

2) 雞胸洗淨, 用鹽+糖+雞粉+胡椒粉略醃

3) 將雞胸兩邊拍上豆粉

4) 上蛋槳

5) 然後將雞胸兩邊拍上麵包糠

6) 燒熱oilver oil(多少少), 以煎既方法將雞胸兩邊煎香, 攪掂~~~

 

我們的花車公仔

貶眼間, 仲有4個月就到我同mpp既婚禮... 心情確實有d緊張!

 

上星期已經訂左花車公仔!!  之前一心想買Monchhichi, 不過由於原裝Monchhichi結婚公仔太細隻, 放上車上唔好睇... 後來見到金都有間舖專做Monchhichi結婚公仔, 佢地會用大隻既公仔, 自己加上禮服, 效果好靚.... mpp知道我鐘意Monchhichi, 都有話叫我揸主意話買, 不過, 價錢太貴喇, 小妹覺得唔係好值, 最後做個精明林太太, 決定唔買! 

 

我地既結婚公仔係Forever friends, 呢對公仔睇落去肥嘟嘟咁, 都幾似我同mpp呀, 哈哈~~

 

 

心思

自問自己算係一個有心思既好女仔 (又係度自己讚自己), 送比mpp既每一份禮物, 小妹都好花心思去諗去買... 不過, 有d禮物好似無見過mpp用過, 就知0個份mpp麻麻地鐘意!

 

近呢兩年, 送比mpp好多都係D.I.Y.既禮物...  原因係一係唔整, 整整下, 發覺自己原來都幾有藝術氣質, 而且mpp都好鐘意~~ (我又讚自己喇...)

 

上個月同mpp週年紀念, 小妹就做左一張"相紙加油畫"集一身既結婚相比mpp做禮物!

 

材料有畫板, 同晝框! 

 

小妹先張晝板上色, 晝上自己鐘意既圖案....

 

上次整結婚簽名筆時, 絲花用剩好多葉同小白花, 用熱溶槍將葉片同小白花一片一片咁"痴"上去, 加埋d紅豆做裝飾, 效果都唔錯呢~~

 

最後將8R大相貼上去, 完成一幅我同mpp獨一無二既結婚相!!  第二朝起身發現, 陽光下晝框圍邊恰巧有透光效果, 真係好靚~~~

 

 

婚照

三月影既婚紗相, 上星期終於收到!!

 

由day one join法國婚紗(FB)既一刻, 一直到揀相, 我同mpp都好開心同滿意!!

 

先有join packaging時既呀銀... 之後有揀衫既Emma.... 到化妝既Bonny, 攝影Frankie同助手呀Lip.... 直到揀相時既Clara, 每一位既職員都好nice, 我地對每一個印象好好!!

 

最開心係睇相揀相, 大部份相都影得我好靚, 唯一美中不足係影得mpp有d肥 << 但確實mpp本人都有d肥, 哈哈~~ >>

 

等左幾個月, 卒之等到收相... 送貨職員好準時送來二大盒既相... 小妹同mpp一一將佢地打開, 好心急呢!!

 

我地有一張大油畫, 四個相架, 一本大相薄, 兩本細相薄 + 1張簽名布!

 

先打開簽名布, 效果唔錯, 由於呢張簽名布係免費既, 好似細左d... 不過無問題, 因為我地係黎比約100人既cocktail用, 應該足夠!

 

之後再睇相架, ok, 效果都唔錯!

 

跟住睇相薄.... 幣喇!!!!!!!!!!!!!!!!!!!!!! 小妹d相全部都好靚.... 但係mpp有幾張相好怪... mpp塊相既膚色好怪... 佢地將mpp面珠"登"既健康膚色執得超白超滑, 但就無將陰影顏色較淡....  顏色相比太大, 出黎既效果好似好病咁!!

 

最後睇埋張大油畫.... 好彩, 呢張相效果都ok.

 

由於mpp既相入面, 個別效果實在不能按受, 小妹係唔好意思下, 唯有打電話比FB投訴! 

 

係星期日中午, 我同mpp攞番d有問題既相薄上去, 開頭職員都話呢d係正常處理, 話唔覺d相有嘜問題... 後來佢地見我同mpp堅持, 以及個別相片的而且確係有問題... 最後, 佢地答應幫我地重新番執有問題既相片!!

 

約三星期可以再上去先睇番執既相片, ok後一個月內比番修改既相薄比我地!!!  好彩我地既婚期係12月, 仲有時候, Thanks God!!

 

小妹有小小心得:  " 奉勸影婚紗相既朋友仔, 一定要request婚紗公司, 新郎只係需要輕輕執淡鬚根位同皺紋, 膚色唔需要點執... 否則男仔睇落好似化左妝咁, 感覺怪怪的 !! "

中女解毒

星期日做左好多野....

 

早上, 先同mpp去左九龍灣處理事務 (詳情聽日再講)...

 

跟住就陪mpp媽咪飲茶!

 

之後, 就同mpp去左上環文娛中心, 我地去睇話劇 <<中女解毒>>!

 

 

 

話明 <<中女解毒>>, 好明顯就梗係講中女... 開頭都唔錯, 可惜每part所講既野都好似唔係幾連貫!  一part請現場男士上台玩..... 一part講感性......  一part好低能....... 一part無端端播片, 講女性泰北長頸族,  非洲女性割陰, 中國女性紮腳.... 呢個劇到底係講中女..., 定係講女性呢? 劇情好唔鮮明, 對我個人黎講, 真係有d九唔搭八, sorry!!

 

Wedding logo 鋼印

小妹一早已經design好自己同mpp既wedding logo...

 

拖左一排, 擒日終於的起心肝落booking做鋼印!!  http://www.ablestamp.com/

 

呢間公司既職員好好nice, 小妹擒日中午send個logo比佢地, 唔使一個鐘已經收到佢地send番個稿比我對!!  今日仲送埋個鋼印比我, 效率非常高, 值得推介!! 真係要比十個like佢地!!

 

 

好開心又完成一件結婚想做既事

減減減

仲有4個月左右, 就到小妹既大日子, 心情開始有d緊張... 因為數數埋埋, 仲有好多野未攪!! ( 煩!! )

 

又係時候開始我個瘦身計劃, 開始左成十日, 已經瘦左4磅!  由於十月又要出trip, 每次出trip總會食好多肥膩野, 所以到時一定肥硬!! 有見及此, 小妹會減多一個星期, 希望三個星期total可以減到6-8磅, 咁就very good喇!!

 

今日有同事問我係咪瘦左.... 哈哈~~ 最最最最開心就係有人問呢個問題, 証明人地都見到我瘦左, yeah~~~

 

小妹無嘜特別減肥餐單, 主要係唔食澱粉質..... 早餐會食生果盒, 午餐同晚餐淨食餸!   為免身體缺乏澱粉質, 所以每隔一兩日, 我會食一個蘋果!!  減肥期間每星期游一次水, 每晚會轉呼拉圈, 以平時零運動既我, 都算非常健康呀, 嘻嘻~~   << 請注意, 以上係本人自行研發既減肥餐單, 對本人係work既, 不過唔擔保其他人身體可唔可以負荷 !! >>

 

小妹係一名食肉獸, 無肉不歡!! 每餐必定要有肉食!!! 今餐有魚, 有菜, 又有肉...

南瓜炒肉片

蒜茸炒娃娃菜+魚片

 

 

最近見到web-site見有人寫 "連自己既體重都控制唔到 ,仲點能夠掌握自己既人生", 本人覺得好有point !!! mpp, 你係時候要正視一下喇!! 

 

姊妹聚

由於小妹既婚姊團多左一位新成員, 上星期約埋部份姊妹一齊同阿新成員去左百利揀姊妹裙裙!

 

之後, 我地一行四人去左K11食飯, 今次去"大叻越式料理"食!

 

第一次黎呢間餐廳食, 環境都唔錯!! 

 

食物好有水準, 好味道!!

 

沙律 -- 牙車快!!  (呢個超好味呀~~)

 

豬肉蝦人凍卷

 

蒸粉包

 

咖喱牛腩煲

 

椒絲腐乳炒唐生菜

 

蝦醬炒通菜

 

拼盤

 

 

最後腐竹意米糖水! (呢個糖水有一個攪笑故事.... 話說我地ORDER一個二人套餐, 再散叫食物!  個SET入面只包兩個糖水, 咁我就同個WAITER講可唔可以送多兩個比我地, WAITER好好人一口答應左... 點知當呢四碗糖水上檯時, 我地四個女仔係度狂笑... 皆因每碗糖水都係得一半, 好似比人"二開四"咁... so funny ~~)

 

 

好開心有一班同我一樣傻更更既好朋友, 小妹既婚禮就有賴你地既幫手喇~~~