Test: Mzz 囍事篇

顯示具有 Mzz 囍事篇 標籤的文章。顯示所有文章

2013年1月2日星期三

我們的一週年

27/12/2012, 唔經唔覺同mpp結左婚一年鳥~~~ 幸福快樂地做左一年林C9, 希望mpp都有同感 (big grin)

27/12星期四, 同mpp一齊放假一天出街go go go~~

原本行程係去番結婚酒店既酒樓飲茶, 可惜當日瞓晏左... 所以去左屋企樓下既東海嘆茶!

食飽後開車出發~~ 出邊??!!?? 重遊我地註冊場地玻璃教堂!! sweeeeeeeeet~~~
好在2011年12月27日無落雨 (whew!)

d雨越落越大... 無哂mood.... 唯有取消原有行程... 改去左Element行街街!!

行左個幾鐘... 無收獲後......... 太陽伯伯出來, 可以去番我地原本plan既行程 (big hug)

又去邊??!!?? 入元朗食B仔涼粉, 好大碗呀, 兩個人真係食唔哂 (surprise)

元朗D野真係好平, 濕平完後, 去勝利食牛丸同牛腩, 坦白講, 味道好一般, 無嘜驚喜 ! (sigh)

4點幾食完大碗涼粉, 6點幾食牛丸, 實在太飽了...... 原本想去大榮華食飯都要無奈地告吹~~~ 攞車前食埋串勁好味既 "元朗燒賣天后" 後就回家了!!

多謝MPP細心安排, 太太好開心呢~~ (love struck)

2012年1月19日星期四

我們的婚禮 @ 婚紗篇 (Part 2)

行禮過後, 我地既婚禮cocktail隨即展開 !!

台上有我同mpp既backdrop, 咁靚既環境下, 當然要同d sisters影番張相啦 :)

查實小妹無嘜相係手, 攝影師d相要過年後先有, 所以遲d再post相吧!!

全程1.5小時註冊加cocktail好趕急下順利完結, 都唔明點解d人可以係原有1小時內完成註冊加cocktail?? 小妹已經加長半小時, 比多$5000... 但都要趕先可以完成 ??!!??

除左時間係d有趕之外, 小妹真係好滿意我地既婚禮.... 而家就同大家分享吓...

** 我地既簽名冊位置, 配上小妹精心設計既花花簽名筆, 絕配呀, 哈哈~~

** 玻璃教堂外有我同mpp既油畫, 我晝架同我地幅油畫都係金色, 絕配呀, 哈哈~~

** 玻璃教堂門口有welcome board, 小妹好滿意~~

** 玻璃教堂外仲有我地既banner, good good good呀~~

** cocktail內既deco.好靚呢~~

呢排好忙, 好忙... 要過年後至再寫blog, 預祝大家龍年新年快樂!!!

2012年1月18日星期三

27/12/2011 , mpp當日都算準時係8:15am到達, 由於當日行程緊湊, 我地只安排左45分鐘玩遊戲, mpp不敵姊妹們既攻勢, 最後加多左1000大元至接到新娘!!

係屋企敬完茶比d長輩後, 就過左男家敬茶!! 約11:30回程返女家後, 我地連同預先約好回門燒豬既師傅一齊返屋企!! 呢個時侯, 大部份家人同兄弟姊妹們去酒樓食飯, 而我就極速換上婚紗, 之後MUA馬上幫我換妝!!

小妹真係超鐘意我呢個婚紗look, 再次多謝我個MUA - Maggie!!

由於註冊場地約1:45開始, 儀式開始時, 我對花仔花女(即係我既姨甥仔女)灑花辦開路, 小妹就由爸爸帶領下入玻璃教堂~~

爸爸將我交比mpp時, 小妹又忍唔住喊左出黎, 好感動既一刻!!

上台宣讀既一刻~~

交換介指既一刻~~

簽名儀式後, 我的名字你的姓氏了 ^^

儀式後有切餅同拋花球環節, 好開心好難忘~~

聽日再講cocktail情況~~

2012年1月17日星期二

我們的婚禮 @ 掛篇

結婚前一晚, 靚靚二家姐陪我返媽咪屋企瞓, 當晚小妹唔理其他人, 約12點就上床, 希望有充足睡眠做個靚靚新娘... 但我呢個超超超緊張既人又點會瞓得著吖, 結果全晚眼光光到天光 >.<

由於mpp 8:15am黎接新娘, 我約左個MUA同伴娘6:15am到我屋企, 姊妹們就分別係7點左右到達!

好左媽咪屋企有張大餐檯, 可以比MUA做臨時化妝檯, 而小妹N年前係舊公司抽獎得黎既化妝箱亦大派用場, 即時變身做化妝鏡, 哈哈~~

MUA技術好好, 知道小妹前額高兼唔夠頭髮, 加左d假髮後, 突然多左好多好多頭髮, good good good呀~~

訂花球既舖頭好好, 送比我既鮮花好靚, 好多都係外國進口~~

MUA - Maggie好快手就幫我化好個掛妝, 小妹非常非常滿意呢, 真係多謝Maggie!!

伴娘同姊妹們都換好衫, 化好妝, 呢張5美圖好靚, 真心多謝我d sisters, I love you all~~

好鐘意呢件掛, 著左後, 人都young d~~

聽日再講婚紗look ^__^

2012年1月16日星期一

婚前篇

25/12當日, mpp又做柴可夫, 車埋我地兩位媽咪一齊去佐敦攞衫!! 唔知係咪聖誕食多左少少野, 攪到件婚紗唔係好啱, 要即場叫師傅放大少少... >.<

26/12當日, 由於婚前一日唔可以同mpp見面, 所以我地要分開一日, 唔見個傻佬成日, 真係有d唔慣, 哈哈~~ 黃昏時同mpp前後腳去花店攞花, mpp攞花球, 我就攞掛頭用既鮮花同姊妹襟花, 之後就上左媽咪屋企ready!

當晚家姐呀哥都返哂屋企幫手, 一齊食過飯後, 未開始執屋, 我地就走去開檯打麻雀, 真攪笑!!! mpp早一個鐘上頭, 到差唔多十點左右, mpp就打電話比我, 輪到我上頭, 好緊張呢~~

媽媽為我既準備真唔少啊, 真係辛苦哂 (big grin)

上頭進行中~~
上頭期間, 屋企人走哂出門口, 為既係貼好對聯, 真係非常認真啊~~

上好頭了, 一身紅檔檔, 準新娘子好開心, 成家人都為我緊張同開心, 小妹真幸福!!

單單係貼一個囍字既位置, 屋企人都攪左好耐, 我既家人認真起上黎真係唔講得笑呀, 哈哈~~

聽日再講結婚日情況~~

2012年1月12日星期四

林太太返來了 ^__^

好耐無見了, 今日開始, 小妹會以林太太身份同大家見面, 哈哈~~~

先簡單會報吓呢兩三個星期狀況:
27/12 -- 順利成為林太
29/12 -- 出發去歐洲honeymoon
5/1/2012 -- 結束2年honeymoon返香港
9/1/2012 -- 係屋企過左幾日林太生活, 9/1/2012重投工作!!

有幾個歐洲客人黎左香港, 小妹呢個星期日日忙於服侍呢班客, 日日做到成十一,二點先返到屋企... 感覺由honeymoon既天堂, 趺落客人既地獄世界咁..... 不過苦中有樂, 有一個客擒日突然買左支香檳同小妹慶祝結婚, 真係多謝哂!

下星期會努力update番結婚同honeymoon既blog!!!

2011年12月22日星期四

真的緊張了@ 緊張真的了

今朝好早起左身, 突然心情好緊張.... 呢d應該係準新娘子應有既感覺吧!!! (tongue)

原來聽日要返多一日工, 不過小妹仲有好多鎖碎事要做, 加上跟本無心情返工, 所以索性攞多日假!! 聽日開始, 全面努力迎接做林太既新生活 (love struck)

擒晚做完冬返屋企, 見到屋苑既聖誕佈置, 忍唔住叫mpp幫我同薑餅人一家合照!!

祝大家聖誕快樂, 2012年再見~~ (big hug)

冬至驚喜

今日冬至, 好多驚喜發生~~

先有零晨時份, 一位已離職既舊同事突然whatsapp我, 估唔到佢仲記得我既婚期... 由於同個位同事無嘜聯絡, 小妹唔好意思打擾人, 所以無派帖比佢!! 好開心呢位同事完全唔介意, 小妹當時歡迎佢黎我同mpp既婚禮啦 ~~

中午時, 收到秘書小姐既一份神秘禮物, 好surprise~~~

驚喜一浪接一浪, 啱啱又收到一份禮!! 話說有一新同事搬左黎小妹住緊既屋苑, 早兩個星期我地大家吹水時, 不約而同覺得我地住緊個區好凍, 就算唔開窗, 仍然超凍!!! 估唔到同事好有心, 佢夾左幾個同事一齊送左部暖爐比我, 小妹真係暖在心!!!

真心多謝哂大家, 小妹真係一個幸福既人!!!

2011年12月20日星期二

進度篇

唔夠一星期就出嫁了... 心情無之前想像中咁緊張!! 不過, 近排心情非常煩躁, 好多牟騷發, 辛苦左mpp... >.<

擒日off左一日, 一早去左做facial.... 小妹好勤力呀, 一星期一次, 希望當日皮膚好d, 易上妝一d !!

呢幾日馬不停蹄, 日日有豐富節目!!!
- 星期一, 返工後去左fitting (好不幸地小妹呢次既減肥無不進行, 條腰同手擘依舊係咁粗.... >.<), 之後去左攝影公司攞banner!
- 星期二, 去左玻璃教堂睇場 + 試cd 及成長片
- 星期三, 幫爸爸改褲後交比家姐帶番屋企!
- 星期四, 是日做冬!
- 星期五, 到化妝師公司揀accessories
- 星期六, 去mpp屋企執屋
- 星期日, 去攞婚紗
- 星期一, 安床, 下午返媽咪屋企執屋, 晚上取鮮花頭飾!
- 星期二, 做林太太了 ^0^

擒日係玻璃教堂試播成長片, 第一次睇成長片時發覺首歌有d慢, 效果唔係幾好....... 不過, 擒日係靚音響底下, 第一次睇片feel到有感動既感覺!! 緣份真係好奇妙, 將我同mpp係兩個唔同世界拉在一起!!