為左一連五日既假期, 小妹今日係公司全日除左去過三次廁所同用左15分鐘食飯外, 直踩十一小時non-stop工作, 做到爬係度!!
好, 又講番聖誕先, 今年好開心, 因為收到一份恨左好耐既禮物, 一直好希望mpp送比我既禮物.... see~~~
*
*
*
*
*
*
*
*
哈哈, 呢份唔係真係介指, 係介指鎖匙扣..... (可能mpp驚我等唔切, 送住呢份禮物比我止止渴先.... 哈哈.....
仲有呢盒好味古古力.... 多謝哂呀honey~~ (某人成日一邊係度暗示人地肥, 又一邊咁成日同人地去食buffet.... 又食甜品.... 家下仲送埋古古力比人食...... 唔知某人係咪想儲肥我, 等我肥到無人要個時, 佢就要左我呢..... 嘩哈哈哈哈~~
聽日開始放假, 小妹會係屋企開"除夕大食會"... 好緊張呀!!! 因為要準備成十幾人既食物, 今次不容有失!!
預祝大家HAPPY NEW YEAR, HAPPY 2010!!!
呢個聖誕節假期, 雖然日日都有同mpp見面, 不過.... 小妹無一日可以完完整整咁同mpp一齊, 有d失望.....
25號聖誕當日, 小妹先請mpp媽咪同妹妹飲茶, 然後當然又係例牌節目 ----- "竹戰"!! 今次mpp一家嬴三家.... 嘜唔係"三娘教子"既咩... 點解今次掉番轉呀.... >.<
打到下畫五點左右, mpp就同我去左尖沙咀, 因為mpp一早買左PARK HOTEL既buffet飛... 無錯, 我地又食buffet喇, 哈哈~~
酒店有一份聖誕禮物包, 除左有party小玩具外, 仲有聖誕帽..... 我梗係叫埋mpp陪我一齊戴啦, 咁先有feel d嘛.... 睇吓, 配埋個superman頭幾靚仔, 哈哈~~
先有酒店送既芝士焗龍蝦! 大隻又多肉, 好味!!
魚生勁新鮮好味!
呢度有好多唔同種類既美食, 不過好多人, 而且小妹食量有限, 食完兩碟野都差唔多要宣佈certify....
雜果pancake一般, 都係L HOTEL係雪榚pancake好食得多!!
甜品時間, 有必食既雪榚 同 我最喜愛既豆腐花!!
食飽飽後, 我同mpp去尖東影燈飾..... 呢個位置唔錯, 先影單人相.......
在旁有個年青人楂住大機好PRO咁影相, 小妹見大家影既方面一樣, 而且佢又好似好PRO咁, 小妹就好有禮貌咁叫佢幫我同男友影啦..... 點知....
see.... 有嘜奶油咁影呀..... 燈飾影唔到之餘, 仲要影埋碌燈柱..... 燈柱上仲要有通渠電話......小妹認真氣忿....... 人人都知聖誕出黎梗係影燈飾, 真係X交叉Y你個Z!!!! @%^&@#!(@*)!)@
今年幾特別, 係尖東有個許願樹.... 小妹寫上希望係張許願咭上, 希望願望好快會實現啦!!
平安夜當日, 小妹跟左靚女家姐去教會, 今次係小妹第二次參加佢地教會既聖誕party.... 教會係一間小小幼稚園內, 弟兄姊妹們都比較簡樸, 感覺溫馨!!
先同靚女家姐影番張相先~~
教會要求每人要買一份二十蚊以下既禮物作為抽獎, 另外, 呢度有個大食會, 每人只需夾60蚊, 認真抵食又好玩, 而且係聖誕節身處教會內渡過, 真係好有意思!
party開始時, 有王牧師同師母為我地祈禱! 之後開始大食會, 小朋友同長者可以先攞野食, 場面都幾震撼, 哈哈~~
唔好以為60蚊無嘜野會, 大食會入面有好正野, 魚生, 壽司, 煙三文魚, 大蝦沙律, 串燒, 焗飯, 意粉, 甜品嘜都有!!
mpp當晚有節目(無我份... >.<), 不過, 佢都好識做, 完左function後就趕黎教會同我會合! mpp第一次黎呢度, 居然比佢遇上朋友....
此友是誰?? 王牧師是也!!! 原來mpp細個時所返既教會, 正是王牧師事奉!! mpp一見到王牧師, 已經問小妹佢叫咩名... 我仲以為個傻佬認錯人.... 估唔到係神係安排下, 比我認識mpp... 又係神既安排下, 比我帶mpp重遇王牧師... 今年聖誕真係意思!!
聽日就係聖誕, 預祝大家聖誕[快樂~~
上星期同屋企人出去食飯慶祝冬至, 由於姐夫係冬至生日, 小妹特別做個生日蛋糕比佢! 得到屋企人激讚話蛋糕好靚同好味, 小妹真係好開心到飛起呀~~~
小妹有好多姪仔同姨甥, 今年特別準備左好多禮物送比佢地, 個個收到都好開心... 哈哈~~ 見到人開心, 自己都開心呀~~~~
每份禮物外面貼多個公仔, 大人小朋友見到都實開心啦~~ yeah~~~
mpp, 我唔會大細超gar..... 你個honey我一早已經預備好禮物比你喇.... 今晚送比你啦~~
MERRY CHRISTMAS!!!
仲剩番幾日大假, 所以
擒日中午, mpp帶左我入元朗睇話劇, 成件事本來係"完美"gar.... 我知mpp一早買飛時, 一定諗好可以同我去元朗度睇劇+食野 (因為我之前成日都話想去大榮華食飯...), 但可惜....
可惜一:
可惜係屋企人決定擒晚做冬, 花個個幾鐘入元朗.... 又花哂個幾鐘趕返屋企攞野再去酒樓...... 成件事好趕.... 好匆忙.....
可惜二:
有兩個應該唔係睇開話劇既師奶坐係我地隔離, 佢兩個講哂大聲不特止, 仲攞埋包話梅出黎share食, 經典.... 都未算............. 最經典係當主角陳文剛出場時, 其中一位師奶大大聲咁問另一位師奶... "咦.... 呢個咪係詹瑞文!!".................. OH..... 簡直攞命!!! MPP都忍唔住"咮"左佢地一聲!!
可惜三:
最最最最可惜係...... 擒日小妹嬲緊mpp, 成大半日我地都唔瞅唔睬.... 好無癮..
講番套劇, 小妹一向鐘意睇陳文剛+魏綺珊 (小妹唔係扮細, 魏小姐係小妹兒時偶像, 我真係睇佢報新聞大gar...哈哈) 相信亦因為咁, mpp會成日買佢地既飛, 比我去捧場! << thanks honey~~ >>
故事內容:
故事講述美國荷里活情慾血腥片大導演 Steven（魯文傑飾）在奧斯卡獲獎夜，搭上美艷的成人雜誌名模（唐寧飾），正欲共享雲雨，兩名連環殺人狂（陳文剛及魏綺珊飾）卻在此時潛入大宅要進行密室殺人，還通知所有傳媒，誓要進行殺人直播，槍林彈雨下收視瘋狂飆升！
劇中男殺人狂 Jackal (陳文剛)深信電影文化令自己走上歪路而連環殺人，並誓死迫 Steven 承認責任。至於女殺人狂 Simone(魏綺珊)，深信愛情至上，甘願為愛犧牲
小妹意見: ^0^
呢套劇有大量粗口, 以及人體器官用語.... 雖則小妹覺得某d粗口好似多左d, 不過都幾好笑!
劇中佢地用上真槍(無彈頭), 每當開槍時, 小妹真係比佢嚇親....
特別一提係唐寧, 佢仲係無線拍劇個時, 我都已經幾鐘意佢... 估唔到佢做話劇都一樣ok, 而且呢個劇既做型仲勁靚添.... 不過, 劇中佢要做sexy既誘人姿態就差dd, 不過假以時日, 相信佢一定能夠獨當一面!!
小妹有兩個家姐, 而家大家都住得好近, 可惜我地唔會成日見, 可能一兩個月先見一次面.... (不過唔使擔心, 我地好姊妹情深 ^__^)
前日約左二家姐出街, 因為係我地一年一度洗牙日子, 洗靚排牙後, 我地去左食壽司, yummy~~~
擒晚放工後就去shopping, 因為想買一d聖誕禮物比屋企人, 點知大家姐吹雞... 姐夫揸車過黎接埋我去食飯!
我地去左Mega box度食泰國野, 呢度係"泰蘭花"....
姐夫一向點菜都好瘋狂, 每次order既野例必食唔哂, 今次都唔例外!! 三個大人加一個小朋友, 點左7樣野.....
個waitress姐姐好好人, 送左個甜品比我地!
姐夫請食飯之餘, 仲車埋我返屋企.... 你咁錫我呢個姨仔, 抵我咁鍚你個女, 哈哈!!
