話劇 @ 爆谷殺人狂 Popcorn

仲剩番幾日大假, 所以

今日day off係屋企hea~~

 

擒日中午, mpp帶左我入元朗睇話劇, 成件事本來係"完美"gar.... 我知mpp一早買飛時, 一定諗好可以同我去元朗度睇劇+食野 (因為我之前成日都話想去大榮華食飯...), 但可惜....

 

可惜一:

可惜係屋企人決定擒晚做冬, 花個個幾鐘入元朗.... 又花哂個幾鐘趕返屋企攞野再去酒樓...... 成件事好趕.... 好匆忙.....

 

可惜二:

有兩個應該唔係睇開話劇既師奶坐係我地隔離, 佢兩個講哂大聲不特止, 仲攞埋包話梅出黎share食, 經典.... 都未算............. 最經典係當主角陳文剛出場時, 其中一位師奶大大聲咁問另一位師奶... "咦.... 呢個咪係詹瑞文!!".................. OH..... 簡直攞命!!!  MPP都忍唔住"咮"左佢地一聲!! 

 

可惜三:

最最最最可惜係...... 擒日小妹嬲緊mpp, 成大半日我地都唔瞅唔睬.... 好無癮..

 

 

講番套劇, 小妹一向鐘意睇陳文剛+魏綺珊 (小妹唔係扮細, 魏小姐係小妹兒時偶像, 我真係睇佢報新聞大gar...哈哈)  相信亦因為咁, mpp會成日買佢地既飛, 比我去捧場!  << thanks honey~~ >>

 

故事內容:

故事講述美國荷里活情慾血腥片大導演 Steven（魯文傑飾）在奧斯卡獲獎夜，搭上美艷的成人雜誌名模（唐寧飾），正欲共享雲雨，兩名連環殺人狂（陳文剛及魏綺珊飾）卻在此時潛入大宅要進行密室殺人，還通知所有傳媒，誓要進行殺人直播，槍林彈雨下收視瘋狂飆升！

劇中男殺人狂 Jackal (陳文剛)深信電影文化令自己走上歪路而連環殺人，並誓死迫 Steven 承認責任。至於女殺人狂 Simone(魏綺珊)，深信愛情至上，甘願為愛犧牲

 

小妹意見: ^0^

呢套劇有大量粗口, 以及人體器官用語.... 雖則小妹覺得某d粗口好似多左d, 不過都幾好笑!

劇中佢地用上真槍(無彈頭), 每當開槍時, 小妹真係比佢嚇親....

特別一提係唐寧, 佢仲係無線拍劇個時, 我都已經幾鐘意佢... 估唔到佢做話劇都一樣ok, 而且呢個劇既做型仲勁靚添.... 不過, 劇中佢要做sexy既誘人姿態就差dd, 不過假以時日, 相信佢一定能夠獨當一面!!