爆笑

同d客開左半日會, 真係好攰, 好攰.....

不過咁, 有邊個出黎做野唔辛苦吖... 好在, 小妹有班都算幾可愛既客人, 比我可以苦中作樂!

呢班係小妹其中既一班客人!

 

呢班嘩鬼好好玩, 無時停!! 從某supplier攞左一個假髮後.... 呢班嘩鬼又開始變喪..... they are crazy but funny, that's why I'm quite enjoy to work with them, hahahaha.

 <-- It's me...... TERRIBLE!!  >.<

MR.豬

今日終於返左香港.... 整個trip比想像中容易handle, 亦無想像中咁辛苦, Thanks GOD!!

從新聞中知道世界各地都有"豬流感", 而且不斷播出各處既"豬流感"數字, 擴散程度真係有點可怕!!!!  走左一個恐怖既"沙士", 點會知道又黎一個"豬流感"......

想起"沙士"年代, 當時已經人心惶惶!!! MR.豬會係點呢?? 小妹從今日各海關中略知一二!!!

小妹眼見各海關都好緊張, 所有體溫探測器突然好似搬哂出黎咁, 全部放哂係D勁當眼既位置 (可能之前我無為以)....

拖住行李搭的士期間, 我係度諗.. 究竟我可以做d嘜?? 答案係同海關一樣, 小妹覺得自己而家唯一可以做就係, 同預防沙士一樣, 做足各樣預防準備!!

- 我要....... mask (我仲未買, 唔知有無斷貨呢?????) **  UPDATE:今朝已經買到喇, 日本貸 $65 有 55張 **

- 我要....... 消毒濕紙巾 (又係未買, 希望仲有貨啦.....) ** UPDATE: 買左盒 $45 有 200張, 不過好細張..... **

- 我要...... 用1比99既漂白水清潔屋企 (好耐都無做, 不過啱啱已經攪完衛生, 家吓屋企勁大陣漂白水味, 嘻嘻!!)

 

大家千其唔好話我"蛇 guard", 皆因小妹剛從外地回港.... 而且只會短停香港一日, 後日早上又要帶客上深圳半day..... 之後weekend又再出trip!!  去咁多地方, 又唔知而家確實嘜野環境... 都係穩陣d好!!!!!!

 

希望大家都唔好掉以輕心, 希望世界和平!!! 大家身體健康!!!!!

努力!

下午就要同發, 帶埋d客一齊出trip.... 今次分兩個trip, 一個六日, 另一個五日....今次小妹真係要加把勁, 努力咁去完成呢個trip!!!

同mpp又要分開, 自己好唔捨得...... 未走已經開始掛住個衰佬..... (唉.... 情毒中得太深, 哈哈哈哈~~ )  不過, 我諗mpp同我一樣, 因為由上星期四開始, 我地已經開始日日見面, 嘻嘻~

啱啱mpp又過黎陪我食lunch, 我地又去老地方"順"食日本野!

<-- mpp既天婦羅定食

<-- mzz既鹽燒鲭魚定食

 

mpp, 比你放住六日假先啦~~~ 等我返黎喇, honey!!!!!

 

文化推介

擒晚, 小妹約埋同事"大舊", 去睇blog友呀Kit(紙藝者)既紙雕展覽!

http://hk.promo.yahoo.com/sme/content.php?cat_id=4&subcat_id=20&read=4c0b0a33c252d46702f02f32cf0bd9bf

http://kitsiu.sinahappy.com/

 

呢次既展覽係一間餐廳入面, 睇呀Kit既blog時就見得多佢d作品, 今次都係第一次親眼見, 作品實在令我大開眼界! 佢既紙雕技術實在太高超, 好仔細!!! 值得推介!!

一入餐廳就見到部份作品

有好可愛既一對貓貓!

好靚既韓國娃娃!

最鐘意都係呢對公公婆婆, 感覺好sweet!!

 

有本guest book係度, 小妹同"大舊"緊係要簽名喇~~ (呀Kit, 我終於到左喇, 哈哈~~)

 

入到餐廳, 牆身全部都係紙雕作品, 係度食飯, 真係比佢D藝術佈置感染, 突然覺得自己好有文化FEEL呢, 哈哈!!

呢幅貓頭鷹勁"得"!!!

可愛既稻草人!

一對sweet sweet既雪人!

 

坐低食飯前, 我同"大舊"忍唔住, 又要影相留念, 因為d紙雕作品實在好靚, 點可以相信咁靚既作品係徙手做出, 佩服!!! 佩服!!!!!!

 

要開餐喇.....

忌廉磨菇湯 (配蒜茸包)

鹽酥雞飯

焗肉醬意粉

 

餐廳食品只屬一般, 但服務卻稱得上十萬個"好"!!!! 佢地個個服務員都好nice, 仲幫埋呀Kit宣傳, 同d食客講今日有紙雕展!!  當佢知道我係呀Kit既blog友時, 個watiress仲比左九折我添!!! (呀Kit, 你好有face呢!!!!!!!!!!!!!!!)

 

大家有時間, 不妨去睇吓呢個展覽!!

展覽日期：09年4月1號至30號

展覽時間：12:00pm – 11:00pm

展覽地點：Les Artistes Café 香港天后電氣道98號萬愷大廈1樓

Café 網站：http://www.lesartistes.com.hk/index.htm

 

心廣體胖............

入伙時買既小盆栽同我一樣, 唔知係咪係屋住得勁舒適關係, 正所謂心廣體胖, 佢同我一樣都肥左好多!! 好多!!!

 

主人我呢, 就比mpp養到肥肥白白, 而家成個水桶身型咁, 好大鑊!!<< 徵求有效健康減肥餐單, 有無人幫到手, 急用.....  (廣告免問!!)

 

而小盆栽呢, 佢就物似主人形, 由原本既嬌小玲瓏身材, 變為豬圓肉潤咁.....

 

(原貌)

 

(近況)

 

** 好開心得到大家回覆!!!

    但好抱歉, 小妹並無打算花錢減肥,

    請傳銷既朋友們另覓其他對象吧!

    我呢篇blog, 只想得到一d健康減肥/瘦身食譜,

    靠自己去減肥!!!  唔該哂!!!!