朝朝食蕉蕉

香港地, 十個女仔有十個都應該試過減肥... 唔好話女仔, 我諗好多男仔都有試過..

係外國人眼中, 小妹實在屬於瘦型... 當我一講減肥時, 佢地好似當我痴左線咁, 仲話咁瘦使嘜減....

但香港人既standard就完全唔同..... 之前未同mpp一齊時都仲幾ok, 可以"mount"車邊叫自己係瘦人.... 但而家.... 嗚嗚嗚嗚~~ 簡直肥到慘不忍睹.... 仲成日都比同事笑.... 真係勁唔開心呀!!!!!!!!!!!!!

最近, 坊間勁流行一種減肥方法, 就係食香蕉喇.... 只需每朝早餐食一條香蕉(小妹再加一杯溫水), 午餐同晚餐一切如常, 唔使挨餓, 咁就可以輕輕鬆鬆減肥....

我同事個朋友試左差唔多一個月, 每星期約減二至三磅, 而家total減左八磅, 好好成績呢!!

早兩日睇娛樂台, 啱啱見到樂基兒做訪問, 原來佢而家都食緊呢個香蕉餐, 哈哈~~ 簡直係"全民皆蕉"呀, 哈哈哈哈哈哈哈哈哈哈.

小妹正進入"朝蕉第8日", 由於之前無刻意磅重, 所以唔知有無效用.... 但條腰好似瘦左dd..... 不過唔係好sure...... 今朝已上磅, 希望下星期會有成績就好喇!!!!!

香蕉營養價值好高, 對身體好有益gar!! 就算減唔到肥, 每日一條蕉, 起碼當中已經可以吸收到唔少既營養. (參考: http://boanson.e-hosting.com.hk/cyw/XiangJiao.htm)