Mzz餐廳@一人晚餐

靚女媽咪小住我家四日後, 就同靚仔爸爸返左屋企.... 可能頂唔順我屋企又無中式大鑊... 又無呢樣, 又無個樣..... 唔多習慣...... heehee..

媽咪搬走後, 我家最大收穫, 莫過於我個雪櫃... 成個雪櫃真係滿到爆....

- 大量生果.... (遺傳黎gar.... 我地成家都好鐘意食生果.... haha)

- 大量蔬菜.... (靚仔爸爸越老就越唔鐘意食肉... 所以靚女媽咪入定大量蔬菜)

- 大量豬肉..... (靚女媽咪成日都煲老火靚湯... 而且一日三餐都煮飯..... 查實我個媽媽真係好有美得gar... 百份百好老婆... 好媽媽... 好嫲嫲..... 好婆婆..... 真係VERY GOOD!!)

 

呢幾日, 由於小妹唔想"side"左d食物, 所以黎一個纖滅食物大行動.... 而家雪櫃剩番小量蔬菜同生果就clear哂, yeah!!!

星期六晚:.....

南北杏青紅蘿蔔湯 ((搞掂大半豬肉))

 

星期日晚....... <由於mpp要去飲, 小妹就黎一個一人晚餐:>

蒜茸炒韮菜花 + 蝦醬蒸肉片 ((搞掂四份一豬肉同部份蔬菜))

呢樽蝦醬係長洲買gar, 見呀蘇教煮蝦醬蒸豬肉咁易煮, 小妹先有興趣買樽黎試下, 不過.... 小妹唔係咁鐘意蝦醬個陣味.....

 

 

星期一晚(擒晚).... <又係一人晚餐>

薯仔炆排骨 ((已經清哂所有豬肉+部份蔬菜))

 

一向知慳識儉既我, 如果夜晚煮飯既話, 一般我第二日都會帶飯盒返公司當lunch食... 今日, 我特登帶多左小小餸返黎比同事食... 哈哈.... 同事們都有讚我... 好開心呢.....