《大顛世界》

上星期五, mpp last一晚係香港, 佢帶左我去沙田大會堂睇舞台劇 - 《大顛世界》.

mpp一般會自己買定飛, 然後約我, 而佢一般只會同我講去邊度睇, 睇咩野劇, 又或者邊個做....

由於小妹所得既資料唔多, 所以未睇之前, 有時都會憑自己既幻想, 諗吓套劇講嘜東東, 又或者好唔好睇? 等等....

今次, mpp一早已經同我講有唐寧做, 查實好早之前, 小妹同mpp去睇舞台劇時, 都撞過佢, 當時佢同我地一樣, 都係觀眾.... 佢比我既印象係低調得黎又無嘜明星架子咁.....  而且, 小妹一向都係"無記"忠實fans,  唐寧做電視都好ok, 又咁靚女, 而家做舞台劇, 小妹緊係支持!

呢套劇主要講述一個外孫, 因為知道外公定左個遺囑, 就係死後先會將所有家產分比佢.... 由於孫仔希望預支遺產, 所以佢扮鬼扮馬咁, 想預支外公份遺產。至於唐寧, 佢就飾演一個老舉, 想埋街食井水.... 最初係外公個私家菜.... 最後呃左孫仔, 做左佢老婆.....

坦白講, 小妹覺得成個故事都唔錯, 唯一係成個劇講野講得太多太長, 加上又用左大量舊時個d用語, 而且有時又玩"壓"韻... 有d演員既對白真係聽得唔係好清楚..... 故事後期比較順暢, 而且仲有唔少笑位.... 小妹對魯文傑色誘無知少妻既一part就最為深刻, 幾好笑!

 

今次mpp又買第一行飛比我睇, 可以近距離咁睇, thank you ar mpp!!

 

丫.... 今次睇劇又見到好多人... 特別一提就係......Jason 陳智燊!!

睇明珠台Dolce Vita時, 已經好鐘意佢, 估唔到去洗手間時, 係廁所門外見到佢.... 好靚仔呀!!!! 嘻嘻....  (Photo copy from his blog: http://hk.myblog.yahoo.com/mr_jasonchan)