難忘中山遊

星期六陪左mpp去中山, 今次係小妹第一次踏足中山!!

坐左差唔多兩個鐘船, 然後再坐大半個鐘頭車, 終於到達目的地.... 真係坐到腰骨到luen哂..... >.<

 

今次係做"跟得女友", 陪mpp上大陸傾野..... 今次仲好多第一次啊....

第一次: 去中山

第一次: 同mpp一齊返大陸

第一次: 同政府官員食飯

第一次: 係咁比人"隊"白蘭地..... (今次係我第二次飲, 第一次飲左一啖咁多.... 所以飲個時都好驚會醉, 好在無事, heeeheee )

第一次: 食雀仔......  (正確名稱係夜"遊" --> <<正確寫法(上面)尢(下面)鳥>>

第一次: 連食飯都要比人"隊".... 勁飽!!

第一次: 夜晚係皇崗過關, 嘩~~ 簡直人頭湧湧.... 好多年輕人呢!!

 

查實餐飯好好食, 雖然只有四個人, 唔計支藍帶, 我諗埋單應該要二三千蚊.... 係大陸黎講, 都算幾貴!!

- 爉味炒慈菇 (慈菇我麻麻地, 但味道ok)

- 炆"鉗"魚 (超超超超好味!! 呢條魚貴過東星斑gar)

- 煎唔記得咩魚 (食左一啖, 不過好多骨)

- 清蒸膏蟹兩大隻 (唉..... 只得兩個半人去食, 雖則我對蟹麻麻, 但都比人係咁夾餸, 最後食左差唔多一隻蟹.......)

- 夜"遊"三大隻 (size比乳鴒略大, 味道似鴨翼, 講真味道真係好ok....... 不過一向膽少既我, 一路食一路諗起d雀仔, 好想反胃........... 最後, 我總共要食三件..... 嘔嘔嘔嘔.......   某人更想我食個雀仔頭..............oh!!! NO WAY!!!!!

- 鹽水浸菜

- 魚頭羹 (個羹足夠十二人食, so crazy! 不過個羹好好味, 因為佢地將魚頭全部拆肉, 我諗香港唔係間間酒樓會幫你咁煮)

- 白飯兩碗 (某人話蒸蟹剩低既汁好好味, 叫左兩碗飯撈埋一齊, 但佢自己又唔食......)

 

食完呢餐, 某人話下次可以黎食鱷魚肉, 水曱甴..... 同其他特別香港無既食物..... 嘩~~~ 真係唔好再攪我喇, 想嚇死我咩!!!

由於搭唔到尾班船, 我地坐左差唔多兩個鐘頭車去皇崗過關.... 個時已經成十一點, 但仲有好多人進進出出, 因為個日係星期六, 而家皇崗又24小時通關.... 少出街既我真係好OUTDATE!!!! 成日都係度大驚小怪, 認真失禮......