有人自己唔記得野,
永遠唔會覺得係自己唔記得野....
每次只會都認為係我無話比佢知!
當我remind時,
就比面色我睇...
自問自己說話既語氣已經好話氣,
完全無怪責,
反之然仲要比人黑面對住...
令我好難堪!!
一切事都好似係我做錯,
心情好難堪......
好難堪......
心情欠佳中,
生人勿近!!
2010年9月27日 星期一
媽咪麵
小妹個靚靚媽咪係一個好傳統媽咪, 除左對仔女好好之外, 佢不論身體狀況好與壞, 每日都會煮飯比我地食, 風雨不改, 真係一個超好媽咪!!!
細個時, 一般周日下午, 媽咪最鐘意煮湯米粉比我地食.... 上星期突然想起呢個湯米, 即刻買材料煮!
見屋企有盒清雞湯就到期, 唔好side, 放埋入去煮! 另外加入菜同秀珍菇, 咁一碗"媽咪麵"就齊菜同肉, 豐富好多~~
呢個"媽咪麵"煮法超簡單, 先爆香乾蔥同蝦米, 加入肉片炒熟.... 放入菜絲同秀珍菇同炒..... 最後加清雞湯同水, 滾起後加後已煮好既麵條同鹽調味, 唔使半個鐘攪掂!!
媽咪原有食譜係用米粉, 不過我就改左用北京拉麵, 由"媽咪米"演變成為我既"媽咪麵"喇, 哈哈!!
2010年9月26日 星期日
2010年9月21日 星期二
愛心樹 @ 中秋佳節
最近好驚咁發現, 原來屋企浴室既磨砂窗原來係遮唔到野...
話說上星期, 小妹係廚房見到對面屋浴室個窗, 見到有個女人個shape係浴缸沖完涼行出黎, 仲見到佢搵毛巾包個頭...... 個shape都算非常清楚.... 好驚... 好驚....
小妹即時話比mpp聽, 見佢黎睇吓.... 我地唔係想裝人沖涼, 而係想確定係咪塊磨砂玻璃有問題, 因為我都好驚比人裝.....
確定後, 我地即刻搵布遮住個窗... 之後既幾日, 每次沖涼都心驚驚....
上星期六, 小妹靈機一觸, 花左成兩個鐘頭後既偉大傑作!!!
登..... 登..... 登..... 登.....
係油畫一幅... 名為"愛心樹 "!!! 雖然出黎效果好似幼稚左少少, 不過, 我都滿意呢!!
放上窗之後, 家下沖涼安心好多.... 入廁所wee wee時, 亦都開心舒暢好多, 哈哈!!!
後話:
個衰佬mpp誤改呢幅畫叫"花心樹"..... 小妹畫咁多個心, 係因為我想同mpp既愛, 好似d心心一樣, 開得好燦爛!! 而我地既人生亦都好似d心心一樣, 充滿色彩 ... 咁有心思既一幅畫居然比人誤解, mpp, 我真係比你激死!!
今日中秋, 祝大家中秋節快樂!!!
2010年9月20日 星期一
2010年9月19日 星期日
《全城熱爆搞大佢》Dr. Tim Ding's Factory
上星期五同mpp去左上環文娛中心, 因為mpp又買左話劇飛, 今次睇香港話劇團既 《全城熱爆搞大佢》!
故事:
熟女演員 潘璧雲黑箱作業
令你夢想成真添丁夢工場
一對抑鬱詩人及前舉重冠軍夫婦
一對遠古天神教忠實信徒
一對寵物迷夫妻
一名神秘單身艷女郎
齊齊走進「二十天令你夢想成真添丁夢工場」為成功造人而奮戰!
小妹感想:
呢個劇都幾特別, 我地一入場時, 演員都已經出左黎, 成個佈局好似去左家計會聽生仔d野咁... 例如點解d人不育呀, 精子卵子點樣結合呀, 等等..... 攪笑得黎 又幾啱我同mpp喎, 哈哈~~~
香港人有好多唔同既問題而不育, 呢個劇就引用呢樣野而帶出唔少大家既設身問題, 而且當中仲有好多笑位!!
特別一提, 劇中既有一part鋼管舞, 呢part睇到mpp眼都唔貶.... 女演員跳得非常野火, 但我見mpp係咁望住個女演員時我仲火呀!! 哈哈~~ 不過呢個女演員又真係跳得幾出危... 睇番佢d資料, 原來佢都有d來頭:
陳雅珊
| 畢業於香港演藝學院舞蹈學院高級文憑，主修音樂劇舞系。並考獲英國皇家舞蹈教師協會踢躂舞高級證書。曾演出音樂劇作品包括《最佳百老匯》、《相約啡音棧》、《危情遊戲》、《Leaving》、《霓賞派對》、《雌雄莫辨》選段及《時刻》。並為葉氏兒童音樂劇《Jungle Book》、《潘迪華演唱會》擔任編舞。現為舞蹈員、編舞、演員及舞蹈教師。 |
引述【明報專訊】
生理時鐘使然，生仔不生仔，是很多30多歲女人男人反覆思考的人生問題。坊間流傳千奇百怪的生仔秘方，由拍膊頭叫好姊妹預留頭啖薑醋，到在所不惜入實驗室製造試管嬰兒，不少人望生仔望到發癲是不爭的事實。雖說傳宗接代是女人的天職，但在這個時代，能否成為媽媽，其實更要看天意。
藉生仔自我發現
「現代人愈來愈遲婚，婚後又擔心不育，男男女女因此四出尋方問藥。他們苦惱過也努力過，無論結果是得是失，那段求子過程經歷的心理起伏，不足為外人道。」被稱為香港話劇團熟女演員的潘璧雲坦言，自己也曾親身經歷。「可是，這樣子搞來搞去，老實說，這班人可有認真想過為何生仔？人生中我們不斷追求，但這些那些，是否皆是我們的真正需要？」
對於某些人，結生仔組織一個幸福美滿的家庭，等於擁有一個童話般的美滿人生。然而在潘璧雲眼中，現代人生育，經歷最多的是沒完沒了的檢查，心理生理甚至感情生活遭徹底起底，說穿了，其實是一次藉生仔的自我大發現。
於是，她借生仔過橋，創作了9個背景性格迥異，但同樣異常執著的孤寂男女，既有宗教狂熱者，也有神秘單身艷女，為求產子進入「夢想成真添丁夢工場」，在煮下飯仔傾下偈的工作坊中，有意無意挑出了許多個人與伴侶的問題，打開那道塵封的心窗。「劇中很多問題，其實也是向觀眾提問，他們認識自己嗎？」
潘璧雲演戲20多年，執筆寫劇本是近兩年的事。她表示，自己不是一個容易開心的人，因此之前寫的幾個作品，氣氛總是沉重得令觀眾窒息。這次180度轉變寫起喜劇來，似乎有意突破自己。「也沒有怎樣想過，但生小朋友嘛，應該是一件開心事。說到新嘗試，當導演倒真的是第一次。」潘璧雲找了同樣是第一次為話劇做布景與服裝設計的伍宇烈幫手，處女處男結伴下海，幾尺厚的履歷幸好沒成為包袱。
童心砌起積木家
「雖然同樣是舞台，但舞蹈與話劇的要求，可以是南轅北轍。為了方便舞動，舞者服飾統統要輕，但話劇演員的扮相，則要幫助營造性格。」伍宇烈這次越界，就是要嘗試了解並滿足一個話劇導演的要求。他抓住了全劇的最中心——小朋友為出發點，然後以積木搭建出一個童心洋溢的布景，並且用現成的玩具，如煮飯仔和磁石貼，左砌右砌組合成不同的道具。「成年人執住玩具，不是貪玩，而是他們的確相信，煮飯仔真的可以煮飯。這班人思想單純，希望生孩子，只因相信有了孩子就有一個完美的家。所以，他們也砌積木，只要最後在積木堆放上一個三角屋頂，就建立到心目中的家了。」
《全城熱爆搞大佢》安排在實驗性偏強的黑盒劇場上演，儘管初試啼聲，他們都說沒甚壓力。畢竟「搞大佢」由此至終只是噱頭，細細地搞好佢，讓看與被看的都感動，這才是真。
2010年9月16日 星期四
2010年9月15日 星期三
風花雪月夜
前助手"小小蘇"約左小妹擒晚食飯, 小妹提議去銅鑼灣既"風月堂"!
"小小蘇"(中間個位妹妹仔)以前好幫得我手, 家下佢已經係一位好出色既MISS, 專教d老外國語... 小妹真係老懷安慰, 哈哈~~
mpp之前帶過我黎"風月堂"食野, 今次介紹番比d朋友仔, 佢地會話好味! 套餐只係$118, 值得推介!!
周打魚湯 + 餐飽
主菜我要"大蝦拼牛扒伴薯菜"... 好味道!!
小小蘇要"帶子魚柳火腿伴意粉"
甜品有"窩夫雪榚", 個窩夫超超超好味, 夠熱夠新鮮, 而且仲好有蛋香味, 正呀!!
最鐘意呢度既熱飲, 感覺好有呀太high tea feel, 哈哈~~
同朋友仔一邊食飯, 一邊傾吓女人心事, 仲一邊玩我部 I-phone添... 越黎越鐘意部I-phone, 因為真係好多野玩呀~~~
好開心既一個晚上, 短短兩個鐘, 我地三個女仔已經有講唔完既話題, 期待再同d姊妹們風花雪月!! ^0^
2010年9月14日 星期二
《背叛》
上星期五同mpp去左演藝學院, 睇劉雅麗演出既《背叛》!
《背叛》Betrayal
最傷的，不是背叛，是要當作沒有背叛這回事。
原著：哈洛‧品特 Harold Pinter
導演：鄧偉傑 翻譯：莊梅岩
主演：鄧偉傑、劉雅麗、李鎮洲
Emma背叛丈夫Robert，對方正是Robert的好友Jerry；
同時，Jerry與Robert也背叛了他們妻子；
三個關係親密的人，在不知情下互相背叛。
全劇以倒序手法交代一段婚外情中的男女關係；由兩人分手後的會面開始，最後回到多年前，兩人相愛的起點，亦是背叛的開始。
《背叛》一劇中，愛瑪背叛丈夫羅拔，愛瑪的情人正是羅拔的好友佐利；而佐利也背叛了妻子祖迪；但原來羅拔也有數次外遇，劇中三人互相背叛。戲的第一場是1977年，一對偷情七年卻已分手兩年的戀人，愛瑪與佐利的會面。全劇九場以倒序的形式進行，直至最後一場是1968年，一切的開始，愛瑪與佐利開始相戀。
在翻譯的過程裡，將非常講究用字，目的在於保留原劇本的威脅性與荒謬性，但亦要配合廣東話的特性，以引起觀眾共鳴。
mpp今次又買貴飛, 我地坐第二行位!!
或者... 可能.... 應該係.... 自己睇劇唔夠深度, 呢套劇我完全覺得好悶!
套劇八點十分開始, 一路做到九點四十分左右, 主角們就走出黎謝幕.... 嘩~~~ 我當時仲以為係中場休息, 估唔到係做完, 感覺有d無厘頭!!
呢套劇$300一張飛..... 我真係覺得唔值呀!!!!!!!!!!!!!!!
訂閱：
文章 (Atom)