星期日(June 28), 我同mpp出左街食飯, 去慶祝我地 "N" 咁多個記念日當中既其中一個....
當晚, 同mpp去返當年我地去過既餐廳食晚飯.... 我地已經連續幾年, 係呢一晚, 差唔多同一個時間, 去中環呢間餐廳食飯...... 呢度環境同情調都唔錯gar..... 希望, 呢個記念日可以永遠持續落去!!
小妹當晚選擇飲周打魚湯
原本係mpp既雜扒 (配意粉) --> 最後比我食左, heehee
原本係小妹既豬扒蝴蝶蝦 (配薯菜), mpp幫我梗左!!
大家有無發現, 以上所謂既"配薯菜" 同 "配意粉"有嘜分別???
配意粉既一碟 --> 除左有意粉, 仲有西蘭花同紅蘿蔔仔!!
配薯菜既一碟 --> 只有有兩條露荀, 加兩粒車厘茄, 再加一開二既薯仔..... 仲要個presentation成隻曱甴咁.... 感覺有d搵苯!!
由於小妹唔係咁鐘意食白烚薯仔, mpp好細心又夠義氣咁... 將佢份雜扒同我對調黎食............ mpp.... 你真抵錫!!!
小妹上星期六又身痕, 係屋企又有新攪作, 今次整藍莓果醬!!!
為左令到收果醬既mpp, 屋企人, 以及同事們開心, 小妹特別四出搵不同既玻璃樽, 仲print埋label..... 係咪好pro, 好有heart呢!!! 哈哈~~
自家品牌 ""Zoe's Lovely Jam"", 大家第日可能會係各大超市入面見到, 嘩哈哈哈哈~~ (發夢中......
食譜參考 : http://hk.myblog.yahoo.com/T-mug/article?mid=672
藍莓果醬
材料：
藍苺 250 g
三溫糖 60 g（如愛吃較甜的話，可把糖份量增加至 80g）
<< 我買唔到三溫糖, 用左總共70g普通白沙糖 >>
果膠 1 茶匙（隨意可省）<< 我無用到, 果醬唔覺有嘜問題 >>
檸檬汁 1湯匙＋1/2 茶匙
方法：
1. 把藍苺洗淨、瀝乾，把其中的 50 g 糖<< 我用55g >>和檸檬汁與藍苺拌勻，並置於雪櫃一個晚上（如想即日製成，可放置 2 小時）
2. 翌日，用篩把藍苺果汁隔出，果肉連皮盛起備用
3. 把餘下的 10g 糖與果膠混合<< 我只用15g, 無用果膠 >>，備用
4. 把果汁倒入平底鍋中，用慢火加熱，並用木匙不停攪拌
5. 當果汁煮沸（有泡不停冒出）後，加入糖和果膠，並拌勻直至與果汁完全混合
6. 混合後，即時加入果肉（如有果汁剩下，一同加入），並不停攪拌
7. 待果醬至合適的濃稠程度後，熄火，用已消毒的樽盛起，放涼後置於雪櫃中冷藏
** 注意：果醬在加熱中變得濃稠，其實已經加熱過度，果醬冷凍後會變成果糕！所以，過程中可以不停將平底鍋左右搖擺，如看到果醬的滑動速度下降 - 即稍為變得濃稠，其實已經到達凝固點，已可熄火了！ **
果醬入樽前, d樽一定要先清毒乾淨, 風乾備用!!
果醬入樽後, 一定要放涼後先好放入雪櫃!!
呢個果醬認真好味, 雖然味道同現成買既差唔多(即係一樣咁好味, 嘻嘻~~), 而且制作成本比起現成果醬貴....... 不過homemade既好處係可以自行調較甜味之餘, 又不含防腐劑!! 有益好多!!!!
最近小妹迷上打機, 部NDS係mpp兩年前生日送既...
仲記得當時mpp帶左我去Park Lane既RIVA度食生日飯, 一間既浪漫又高級既餐廳, 有維港靚景之餘, d野仲好好味添!!!!
傻佬mpp就係呢個咁好feel既環境下, 傻更更咁送左部NDS比我.... 而家諗番起都幾sweet!!! 小妹睇雜誌介紹過, 原來呢間係熱門求婚餐廳... 唔知第日mpp會唔會再帶我去呢度"咩咩呢"???????? 哈哈~~~
********************************************************
講番正題, 話說部NDS有成兩大歲, 近日小妹發現有好多新game都玩唔到, 擒晚就上網搵資料睇下有嘜問題......
一向比較"鈍"既我 (無錯, 我對d電子野真係超鈍!!!), 居然比我搵到資料攪掂部機, download左新既version去support新game!!!! 雖然前後攪左成個幾鐘, 不過... 好開心呢!!
R4
* 第一步: 首先將SD卡內所有資料做backup
* 第二步: upgrade 你的 r4 內核( r4-v1.18)
中文版綱頁 ( http://www.r4ds.cn/soft/r4-v1.18.htm )
英文版綱頁 ( http://www.r4ds.cn/download/r4_v1.18_kernel.html )
* 第三步: download後, 要先解壓檔案, R4 v1.18內核裡面有4個資料夾:
- _DS_MENU.DAT
- _DS_MSHL.NDS
- _system_
- moonshl
* 第四步: 將以上4個files拖入張記憶卡, cover舊有既file, 咁就攪掂哂!!!
上星期五臨收工前, 姐夫突然吹雞約食晚, 我地去左銅鑼灣"泰簡單"食飯!
呢間餐廳勁多人等位, 諗住打電話去預約, 多人到連電話booking都full哂, 一定要walk-in!!
姐夫一家先去到, waitress講明要等至少45分鐘....... >.< ........... 耐.... 又真係耐左d..... 不過, 呢度仍然大把人等位.......... 為嘜??? 緊係有好野食啦!! "泰簡單"... 你真係"泰"唔簡單!!!! 結果, 我地前後等左差唔多成個鐘至有位!
餐廳有分indoor & outdoor兩部份, outdoor可以食煙, 而且會快d有位........... 不過, 天氣熱"屎"辣辣, 我地寧願等耐少少, 都要坐indoor!!
咁啱個晚, 小妹送左個bb公仔比可愛姨甥女, 露點bb公仔配上我呢杯黃色既"芒果菠蘿特飲", 又幾matching同趣緻喎, 哈哈~~
呢碟炸蝦片係送既, 好味!!
炸牛腩............. YUMMY!!
炸芋頭餅... GOOD!!
蝦多士.... OK!
酸辣湯...... 呢個唔係我個"飛佛", 姐夫就話呢個湯VERY GOOD!! 小妹被迫試左兩啖, 又真係好酸辣...
炒貴刁......唔錯!!
羊........... NO COMMENT, 因為我唔食羊!!
呢碟唔記得嘜野名堂...... 中間全部都係蟹粉, 有勁多蟹肉!! 旁邊既食材配上中間既蟹肉sauce........... 嘩~~~ 真係好食到震呀~~
三個大人加一個八歲既小朋友, 根本無可能食得哂以上既食物........ 每次同姐夫出街食野, 總有呢個情況出現, 就係食淨好多野........... 實在太浪費!! 不過, 每次姐夫總會order好多好野比我地食..... 美食當前, 小妹都唔理得咁多, 嘻嘻~~
礙於自己既面型,
小妹既髮型長期保持住留海狀態!!
髮型變化唔會好大!
認識mpp時, 小妹係曲髮既....
mpp一句說話: "想睇吓你直髮個look"....
小妹嗱嗱聲走去整直d頭髮!!
直髮一排後,
mpp不以為意咁又話: "查實曲髮都幾襯你"....
小妹又走去整"luen"佢!!
上年, mpp睇小妹d舊相時,
見到小妹早前某一張直髮相,
佢話: "呢個髮型都幾靚, 幾襯你".....
ok, 小妹又整直d頭髮!
前前後後, 為了我既mpp哥哥,
小妹既美髮不段又直吓... 又"luen"吓好幾次!!.
早前頭髮嚴重受損到....
連髮型師都叫我停一停, 唔好攪住!
我d頭髮好死........
噢.!!??!!??!!
上兩個星期某日,
mpp話: "你直頭髮影得你塊面削D"...
吓.........
大家都應該知道我點做啦!~~~~
""" 女為悅己者容 """
真係無錯
honey, 你喜歡嗎??
