錯有錯著?? 還是傻有傻福呢??

擒晚同mpp約好左去睇戲食飯! 以往mpp會一早買定飛 (早兩日去戲院買 or 上網預訂), 不過一個突如其來既meeting... mpp就叫我放工去買定戲飛等佢!! 結果攪到我"lei"咁"hea"....

話說小妹一到六點已經即閃, 由於戲院位置較接受巴士站, 所以我無搭地鐵, 改搭巴士..........原本全程車約需25分鐘, 正常6:40pm前一定到達, 睇7:30pm實無問題!!

巴士準時6:15pm到達, 當我上車用八達通一"do"之後, "嘭"的一聲已令我心知不妙........ 巴士抽頭時撞向前面架巴士度, 司機急忙落車視察, 然後攞住"舊野"上車, 原來車上既側鏡比佢成個撞甩左...... 結果我要等巴士公司安排架"吉"車黎接, 所以睇唔成戲!!!

但錯有錯著, mpp開會開遲左, 就算我買到飛, 佢都要成7:45pm到..... 既然會遲, 又睇唔到開頭, 真係唔睇好過睇!!!

 

                          

 

睇唔成戲, 而mpp又未到, 小妹唯有周圍行下..... 我未試過同mpp單獨去食pizza, 所以我就去"Peter Hut"攞定飛等位兼等mpp喇.

而家食pizza平過以前好多, 成餐晚只需$100左右, 好抵食! (不過, 呢d單人餐味道麻麻)

 <加一個迷你pizza, 不過唔記得影相>

 

話說, 當我同mpp食哂d野時, 好奇怪個pizza仲未黎, 我地咪問吓個waiter囉.... 隔左一段時間, 個pizza仍然未到, 咁我地又問吓個waiter (事先聲明: 我同mpp好禮貌呀, 絕無黑面) .....

兩次問個waiter時, 佢都好禮貌咁答我地會幫我地追單... 不過, 攪笑地個waiter最後答我地係話廚房焗燶左我地個pizza, 家下要重焗......我地要再7-8分鐘 @_@

哈哈, 呢個答案我都係第一次聽, 不過, 唔緊要啦, 反正我同mpp都唔急.... 但隔左唔夠2分鐘, 個watier竟然攞左個蒜茸包比我地, 佢話唔好意思, 所以送個蒜茸包比我地食住黎等個pizza...

就係咁, 我地又多個包食喇!!

 

以上兩個事件, 你話呢d係屬於: 錯有錯著吖?? 還是傻有傻福呢??  mpp一定會答後者!! 因為佢成日都話我係傻婆.... 又或者我係傻傻地....等等......

如果傻人真係有傻福, 咁.... 我唔介意做傻人囉, 哈哈哈哈