十級受驚夜!

生仔既陣痛可分成十級, 但擒既小妹受驚既程度一樣達到十級..... 超超超超驚!!!

話說擒晚差唔多十點時, 突然行雷閃電落大雨, 我一早已經將d窗全部關好開冷氣, 點知突然發現有隻"野"飛入屋, 一隻疑似飛蛾既昆蟲, 不過扁身好多.....

由於屋企只得我一個人, 一向勁怕昆蟲既我, 係無辦法之下, 拿起五六張紙巾去同佢死過....... 小妹好驚但好快就將佢攪掂左!!!

跟住小妹再坐定定睇電視, 點知.... 嘩~~~ 我又發現同一樣昆蟲, 我唔sure到底呢隻係第二隻同類??  定係啱啱係我失手而走甩既個隻......

哎呀..... 我唯有又做同一個動作,  拿起五六張紙巾去同佢死過....... bye bye!!

***********************************************************************

之後, 滿以為一切可以回復正常之際, 驚心動魄既事要發生喇.... 原來以上兩隻昆蟲只不過係頭盤..... 主菜要出埸喇............. 嘩~~~ 飛曱甴呀!!!!

Oh my god!!!! 嚇死我喇..... 好驚.... 好驚.... 我係個廳度係咁走(避開隻飛曱甴), 又係度尖叫...... 點算好呀!!!!!!!!!!!!!!!

與此同時, 隻可惡既飛曱甴飛左入廁所...... 哎呀, 我又唯有硬著頭皮去拿至少十張紙巾打算同佢死過.... 當我係廁所門外觀察呀小強到底身處何方之時...... 嗚嗚嗚嗚..... 嚇死我喇.... 隻飛曱甴原來正係個門框上爬行緊...........(即係係我個頭附近) 嘩~~~ 我大聲尖叫後, 成個人彈出黎......

死喇... 死喇..... 點好呀...... 個心不停"博博跳"...... 今次真係唔係你死, 就係我亡....... 雖然勁驚, 但我都鼓起勇氣, 走出廳拿起一份報紙後, 直衝入廁所!!

經過一輪激鬥及尖叫聲之後, 我終於...... 我終於攪掂左佢...........

***********************************************************************

之後, 我緊係九秒九清潔我雙滅蟲之手, 然後打電話比mpp, 當時個心仲跳得好厲害.... mpp估計個d昆蟲係由抽氣扇飛入屋..... 收線後我緊係嗱嗱聲連抽氣扇個葉都關上................

擒晚瞓得好差, 因為好驚仲有其他昆蟲已經飛左入屋, oh shit!!