降膽固醇茶 - 大力推介

星期二無返工, 咁啱係屋企睇到都市閒情, 當日既話題係心臟病!

而咁啱係有一名中醫師介紹一d湯水, 其中一款叫 "白背木耳紅棗茶"!  個中醫師話呢個茶對心臟好, 而且仲有助降低膽固醇!

小好一聽到話"仲有助降低膽固醇", 就嗱嗱聲記低d份量, 擒晚煲左比mpp飲!




白背木耳紅棗茶:
材料:
白背木耳 3朵
紅棗 5粒 (去核)
冬菇 2個
生薑 2片 (切絲)
水 4碗
鹽 適量
 

做法:
煮滾水後放材料, 煲45分鐘, 熄火落鹽調味即成!!

小妹打算每星期煲一次比mpp, 希望可以快d控制到佢既膽固醇, 回復正常水平啦 ~~

開心FIVE~~

擒日突發請左日假....


星期一寫BLOG時話 "一億六合彩中唔到...... Iphone5又抽唔到..... 小妹條命都係要努力工作.... >.<"


言猶在耳, 星期一晚我同mpp突然係到message, 我地係電訊公司排既Iphone5有貨, 可以係星期二去攞貨..... 


為免人多排隊"side"時間, 小妹請左假一早去拎, 晨早排第二個, 約1個鐘左右已經拎到手!!  由於出機時間長, 人手又不足, 小妹走既時候已經有成10個人排緊隊.... 場面恐怖!

mpp好多野做請唔到假, 夜晚陪佢去拎, 結果排左成個幾鐘先攞到... 奉勸準備攞機既朋友, 如果可以既話, 最好一早去!

有營晚餐 - 牛肉炒韮菜花 + 勝瓜肉片湯

一億六合彩中唔到...... Iphone5又抽唔到..... 小妹條命都係要努力工作.... >.<


又post番早之既晚餐:
牛肉炒韮菜花 + 勝瓜肉片湯

小妹唔多識煮海鮮, 一般只會煮普通菜式... 兩口子係屋企食飯平好多之餘, 仲健康好多!!


話你知~~
韮菜花營養豐富，除了護眼外，對皮膚粗糙與有便秘都有紓困功效，有類似困擾的人，在產季時，不妨多予攝取。

驚喜宵夜

今日I-phone5開始有貨, 朋友一早已經抽到今日第一日就可以出機, 加上今日係佢生日, 真係好好彩呢~~  小妹要等下... 因為遲鈍左係早幾日先登記 >.<


擒日既舊曆生日, mpp唔知係咪內疚佢有應酬, 同唔到我食飯....  擒日傻佬揸車黎接我放工.  因為mpp晚上係大坑食飯, 所以我地就去左大坑, 我同mpp食小小野後就走先, mpp跟住趕去應酬食飯.

mpp算係個乖老公, 出街好多時都唔會夜返, 擒晚十點就返到    打開門見到mpp拎住個白色膠袋, 估唔到堂堂大男人會打包野食比我, 呢個算係生日禮物嗎?? 


鹽焗奄仔蟹 ---- 隻蟹超多膏, yummy yummy~~~ 

Thank you honey ~~

有營晚餐 @ 雜錦炒花膠 @ 蕃茄薯仔湯

擒晚同D舊同學去左ELEMENT食飯, 同學為我補祝生日, 開心既一個晚上, 可惜開心得滯唔記得影相   ELEMENT食飯好方便, 有free parking, 可以慳番d泊車錢 :)


今日係小妹舊曆生日, 可惜mpp今晚有應酬同唔到我食飯, 不過mpp呢個傻佬一朝早已經whats app左一首祝壽歌比我, 算你啦 


又post番早前既相先, 呢日又整花膠, 花膠好多骨膠原, 男女都啱食, 正呀~~


雜錦炒花膠 @ 蕃茄薯仔湯




雜錦炒花膠 - 今次用木耳, 甘荀絲, 西柳, 椰菜花去炒, yummy~~



蕃茄薯仔湯 -- 小妹飲呢個湯大既, 不過媽咪好多時都會加埋大眼雞去煲... 小妹比媽咪懶, 所以無加 :)

話你知....

http://hk.knowledge.yahoo.com/question/question?qid=7006092101587

豉油王雜錦炒意粉 (附食譜)

成日食飯會好悶, 所以小妹耐唔耐就會煮下其他野比mpp食, 意粉係我既首選 :)

擒既煮左個"豉油王雜錦炒意粉", 呢個炒意粉看似好簡單, 但係入面有好多材料ga~~
 

 

材料全部係雪櫃既存貨, 呢餐偷懶唔使買餸!!   

雞柳兩條
腸仔兩條
蟹柳兩條
蝦 6件
椰菜 半個
洋蔥 半個
甘荀 半條
意粉 大半包




做法:

1) 雞柳切絲, 用豉油, 老抽, 糖, 鹽, 豆炒略醃
2) 蝦解凍後, 用少少鹽 + 胡椒粉略醃
3) 腸仔, 蟹柳切片備用
4) 椰菜 / 洋蔥 / 甘荀 全部切絲備用

- 先將意粉按包裝袋上時間煮好
- 熱油炒香洋蔥 / 甘荀後備用
- 熱油炒香雞柳後, 加入蝦同炒, 之後再加入腸仔同蟹柳炒香備用
- 熱油炒意粉, 落豉油, 老抽, 再加入少少糖到自己合適味道及顏色後, 加入椰菜同炒
- 之後加入已炒熟既洋蔥 / 甘荀絲, 以及雞柳, 蝦腸仔同蟹柳, 兜均成即成!!

自家煮 @ 咕嚕肉 + 瑤柱冬瓜湯

為左令mpp開心番d, 上星期六煮左佢鐘意既咕嚕肉比佢食, 呢個餸我唔prefer成日煮, 因為我唔想mpp食太多煎炸野...


咕嚕肉 + 瑤柱冬瓜湯!



食左呢味酸酸甜甜既咕嚕肉, mpp你有無開心番小小呢??!!

黑色星期天

mpp係新工作project底下,  壓力好大... 好大!!   小妹見佢為工作日煩夜煩, 真係好心痛!!


呢幾個星期, 小妹盡量都唔煩住mpp, 好好照顧自己, 好好打理屋企, 等佢可以返到屋企舒舒服服!  擒日出街時發生左一單事, 不幸地為mpp再添煩惱... 小妹好自責... 好果我唔係硬要mpp出街就唔會出事...  雖然mpp無怪我, 仲反過黎安慰我, 但小妹真係好內疚!!!!!!!!!!!!!!!!!!!!!!!!!  希望事件可以化險為夷, 大事化小, 小事化無!!!!!!!!!!!!!!!!!!!!!!!!


早兩日同mpp係屋企傾計, 佢問我知唔知佢最大心願係嘜?  我答: &lt;&lt; 我開心, 你就開心囉!!&gt;&gt;  呢個答案唔係mpp心目中原有答案, 但呢個答案絕對有小妹心中既model answer!   老公只要你開心, 老婆我都會開心ga, 知無!!! 


擒日返屋企後, 小妹盡自己努力, 煮左一餐兩餸一老火湯比mpp食!!  希望mpp煩惱盡失!!!

桑枝野葛湯

成份：老桑枝、乾葛片、赤小豆、熟薏、米南豆、蜜棗

功效：生津解渴、清熱除煩、祛風通絡之功效。

特快拿破崙肉醬意粉 之 變奏

呢幾日繼續做無飯主婦, 努力post番之前既傑作


上次係759, 除左買左樽拿破崙醬, 仲買左幾款唔同意粉!  意粉有幾種類, 有普通啦, 有粗麵條啦, 仲有蝴蝶粉等等...


呢日就用左蝴蝶粉煮, 加埋個罐頭忌廉磨菇湯, 簡直係快! 靚!  正呀!!! 

配上可愛既mini甘荀, 意粉上面灑上芝士碎, 成碟意粉活潑哂~~~

有營晚餐 @ 香煎三文魚 + 聖瓜肉片湯

9月生日打後, 偷懶左成兩個星期都無煮過飯... 好在mpp無"炸型"!

又post番早前既晚餐, 今次買既三文魚(唔記得叫咩野部位??), 呢部份多肉又無骨, 啱哂mpp呢個懶人, 哈哈~~





話你知 :
http://hk.knowledge.yahoo.com/question/question?qid=7008090600430

**勝瓜
絲瓜（粵語因「絲」與「輸」諧音，或稱勝瓜；學名：Luffa cylindrica）是原產於印度的一種瓜科植物，又稱菜瓜。果實形狀如黃瓜，成熟后逐漸乾燥，種子周圍的部分仍由纖維支撐而形成空洞。此時果實末端可以像蓋子一樣打開，隨風飄動，種子借離心力散出。一般在7月至9月，果實中的纖維尚未發達成熟，此時可作為蔬菜食用。之後果實成熟形成的絲瓜絡可以用來刷碗、洗澡。有一個近緣品種，稱八角瓜（學名：Luffa acutangula），主要作為蔬菜食用。

《性味》性涼味甘

《成分分析》水分９0％、蛋白質１．５％、脂肪０．１％、醣類 7．5％、維他命Ｂ、維他命Ｃ、鐵(Fe)、鈉(Na)。

《功效》濕熱解毒、通經絡、消腫脹、化痰。

《主治》熱病身熱煩渴、痰喘咳嗽、咽喉腫痛、崩帶血淋、疔痞、乳汁不通、癰腫等。

《注意事項》
1.絲瓜所含皂甘有止咳袪痰作用，對肺炎球菌有抑制作用。

2.用絲瓜絡(絲瓜老熟後，果實內有強紉的網狀纖維)擦拭皮膚，可使毛孔通暢，有助於排出廢物，既潔膚護膚又減緩皮膚老化。

3.本品性寒滑:過食能滑腸致涼藥，脾胃陽虛、大腸不固者慣用。

七八九酵素

上次浸既酵素老七八九, 早於兩星期前已經浸好了!!

老七同老九 係奇異果酵素, 唔知係咪奇異果帶酸, 浸既初期已經狂嘔白泡, 場面震撼!





老八龍眼酵素比較含蓄, 佢無奇異果既大情大性咁嘔白泡, 佢只有細少既氣泡, 含蓄咁包住自己!

今次又浸左好多, 不過近日飲中藥唔敢飲酵素住... 不過, 小妹唔會"side"哂, 一早已經比左d同事, 同佢地分享lu~~

又食!

早兩年前, 小妹成日叫MPP陪我去食haagen-dazs既雪榚火鍋, 不過無奈地MPP以前食過, 但佢覺得麻麻地, 所以小妹一直都未有機會試過 >.<

7月底時, MPP睇雜誌時見到朗廷酒店有tea buffet, 價錢好抵之餘, 個tea buffet仲包haagen-dazs雪榚火鍋!!!  所以當時我地已經決定會食!

撞啱家人gathering時, 小妹問家人有無興趣一齊去食時, 家人反應勁熱烈!!  mpp更豪氣地話請客.... 結果... 當然一呼百應!! 

由於tea buffet只有星期六同日, 加上我家人數眾多, 我地d時間一推再推, 直至上星期日(9/9)confirm去食.... 可惜mpp當日要監察助選活動黎唔到, 最後我地一行13人(無mpp份)去食tea buffet.

 一心以為tea buffet只有甜品, 小點食... 估都估唔到呢度勁多野食.... 真係同lunch buffet差唔多... 有熱盤, 冷盤, 魚生, 壽司, 沙律, 粥粉麵飯, 甜品樣樣有, 而且呢度仲有鮮搾果汁, yummy~~

 

小妹第一次見自動pancake機, 好得意~~

tea buffect由3:15至4:45pm, 雪榚火鍋4點送上, 大家(特別係小朋友)好開心~~


小妹代mpp請客, 13人(11大兩細)埋單唔使二千蚊, 超抵呀~~

tea buffet好似做到9月底 (HSBC卡有7折), 有興趣既朋友可以快D試試, 因為真係超抵食啊!!!

慶生 @ 舊同學 (part 1)

小妹開呢個blog係想記低同mpp既每一點每一滴, 但點都估唔到係呢度可以搵番失去聯絡已久既舊同學 :)


呢位舊同學好幸福, 佢而家係家庭主婦, 有個錫佢既老公, 仲有兩個可愛既囡囡, 好幸福呢~~


舊同學好有小妹心, 大家已經無聯絡十幾年, 佢居然仲記得小妹生日!! 八月底時已經買定禮物比我, 真係好感動! 


3/9/2012星期一, 小妹當日休息一天, 朝早約左呢位幸福媽媽食早餐, 收到我至愛既Moncchichi, thank you~~~


舊同學知小妹比較注重健康, 佢仲好細心買左樽岩鹽比我, 能夠重遇番你, 我地真係好有緣呢~~~ 

回禮

mpp呢排工作好辛苦, 早兩月個月開始面對新project, 到而家正式執行都花左佢唔少心血!

新project上無時無刻有好多挑戰, 既要掌管好多員工, 每日仲要面對不同既問題... mpp呢排都殘左好多....

小妹工作上幫唔到老公手, 唯有係其他方面支持佢... 例如幫佢睇住頭家, 哈哈~~

生日當晚食飯前, 我地去左sogo行, 小妹送左份禮物比mpp!

係嘜東東 ???  早兩個月小妹同家姐買左呢份禮物送比嫂嫂做生日禮物, 知道mpp想買, 小妹梗係識做啦 ~~

熱石小枕頭+按摩背墊 組合

呢套組合可以同時按摩頸, 膊, 背同大睥, 好正!  不過我地要灰色, 暫時只拎左小枕頭, 背墊要十月中至有貨!!

慶生 @ 老公篇 (Part 2)

1/9/2012 晚上係酒店食完蛋糕後, 約11點多, mpp又準備左餘慶節目比我.... 就係去誠品視察!


當晚係星期六, 時間已經接近12點, 但仍然人頭湧湧, 好恐怖!!!  相比台北誠品, 香港完全無左寧靜既閱讀環境, 行左差唔多一個鐘, mpp呢個書痴一本書都無買, 原因係實在太多人, 佢完全無mood!!

2/9/2012, mpp book左左酒店既lunch buffet!!  我地坐窗口位, 天氣同我心情一樣, 超好呀, 哈哈~~



準備開大餐~~

呢間酒店食過N咁多次夜晚buffet, 反而lunch buffet就未食過!!  大部份食物無嘜分別, lunch buffet無生蠔食, 不過就多左弼食, 個弼好綿好好食呢~~

甜品時間, looks good but not very yummy *__*

好在有至愛補償!!

最後黎杯熱檸蜜, sweet !!




食飽後就check-out, 酒店職員最後一句係 " 多謝哂林生林太, byebye~~", 小妹甜在心呢~~


林太好開心林太既細心安排,  多謝老公!!!!