婚前憂慮症

新年後, 小妹開始全速籌備我同mpp既婚禮!

 

我地唔擺酒, 但會有cocktail party, 慶幸有兩個家姐幫手, 所以要籌備既野唔算太多! 不過新年打後, 小妹開始瞓唔到..................

 

每晚瞓落床, 個腦自動波就會諗好多有關結婚既事... 又驚自己做漏野.... 又驚自己做得唔好.... 大喊包既我又驚到時控制唔到自己既眼淚, 喊花個妝..... 又諗吓當日既流程..... 又諗吓如果當日天氣唔好, 要點安排.... 等等等等!!!!!  十點半瞓落床, 到一點幾都未瞓得著!!!!  到瞓得著時, 又狂發夢發醒... 跟住又瞓唔番..... 

十二先結婚, 家下仲有成十個月, 點算??!!??!!??!!?! mpp不斷叫我RELAX d.... 試過瞓唔到時, 想起mpp既話, 叫自己relax...... 點知仲慘, 又諗吓mpp個傻樣 (哈哈)... 又諗吓佢會叫邊個朋友做兄弟............... 又諗吓佢黎接新娘時, 我d姊妹會點玩佢.... 又諗吓佢到時同我講既結婚誓詞.... 等等等等..............

 

慘喇.... 慘喇... 再係咁我真係會痴線!!!!!!!!!!!!!!!

  嚴重患上婚前憂慮症, 小妹已經到達左控制唔到自己個腦階段..... 呢期個樣超殘, 黑眼圈超深, 眼袋超大..... 日日做mask都唔掂.....

 

黎緊星期六又會去試婚紗, 今次係for結婚當日既款式, 希望到時可以選到鐘意既婚紗, 晚裝同掛呢!

 

今晚瞓覺前會祈禱, 希望可以瞓好d啦.....