婚享 @ 影婚紗相

3月17日(星期四), 一個超級開心, 興奮, 愉快, 甜蜜, 浪漫既一天!!  因為, 終於等到呢一日, 同mpp影婚紗相!!

 

十二月係會展join法國婚紗時, 個職員好好人, 除左送左好多野比我地外, 仲應我既要求, 幫我hold左佢地最top既化妝師Bonny同攝影師Frankie!  如果一定要用最top既化妝師同攝影師, 基本上每位要比$500!! 不過, 我同mpp無加錢, 諗住隨緣.... 不過, 職員話佢地會盡量安排!

 

一向係緊張大師既我, 早一晚完全瞓唔著!!!! 係真係"完全"瞓唔到個隻... 朝早好多擔心.... 早一晚mpp好頭痛, 好擔心傻佬唔舒服....  又驚自己個look勁殘唔好睇... 又驚個日好涷同落雨...  又驚唔係Bonny同Frankie幫我地..... !! 

 

不過, 感謝主呀!!!!!! 當日一切順利, mpp第二朝瞓醒已經好好多.... 而且, 我同mpp真係超級lucky, 我地hold既化妝師Bonny, 同攝影師Frankie都可以安排幫我地!! 我地覺得一開始已經成功左一半, 真係好開心!

 

小妹當日有4套衫, 有4個造型!

 

第一個look..... 嘩嘩嘩)))))))))))))))))))) 唔好意思都要講句: "我覺得自己好靚!!"  成個人young哂...... 當mpp見到我時, 一向唔口花花既佢, 都忍唔住讚Bonny!

 

第二個look, mpp唔記得偷影, 所以無相睇!!

 

第三個look... 前兩個髮型都同我平時一樣 -- 留海!!   第三個look我同Bonny講, 我想試吓斜陰, 因為要出海拍攝, 留海既髮型好唔方便...... 而Bonny知我額高, 特別將d鮮花放係斜陰位, 幫我遮左少少額頭, 效果都唔錯呢~~~

 

林生林太, 好登對呢~~ 哈哈~~~~~~~~~~~~~~~~~

 

最後一個look, 係晚裝造型!  Bonny就用左BABY用過既蝴蝶做頭飾... 一開始好擔心呢個紅蝴蝶, 驚有d誇, 又驚mpp唔鐘意, 所以即時叫mpp過黎睇吓得唔得... 最後, 我地都信Bonny既idea, 一生人一次, 嘜都要試吓, 哈哈~~

 

我地當日既流程:

 

- 早上先係九龍塘拍室內景, 有兩個造型!

 

- 中午食過lunch後, 就出發去西貢上遊艇影相!!  先有車送我地去西貢, 然後, 我地就坐呢架"大飛"上遊艇!! 第一次上"大飛", 梗係影番張相留念啦, 哈哈~~

 

- 影完遊艇後, 我地又上"大飛", 去小島影相.... 影完已經成五點鐘.... 跟住我地又去北潭涌影相!  小學之後, 都好似無去過北潭涌, 真係估唔到香港有咁靚既風景!!

 

- 之後, 我地就回程返九龍塘, 影埋最後一個晚裝造型, 攪到成八點幾先走得!!

 

 

雖然當日我同mpp只係負責擺post同笑, 不過, 已經令我地感到超級攰!!   月尾可以睇相辦, 暫時未知d相拍成點.... 不過, 我同mpp都覺得好開心, 好enjoy個日, 因為, 我地有一個黃金組合, 令到我地好放心!!

 

多謝:

化妝師 -- Bonny (眼見其化新娘子既化妝同髮型, Bonny既水準真係高幾班!!)

攝影師 -- Frankie (星級師傅, 對佢絕對有信心!! 我地同Frankie好好傾, 成個場d新人都走哂, Frankie仲幫我地影多一個特色景, 攪到我地好有VIP既感覺, 哈哈~~)

攝影助手 -- Lip (呢個小妹妹新入行, 我同mpp絕對唔介意!! 正正因為佢好green, 所以佢好落力好有heart去做!! 呢個小妹好仲幫mpp攞鞋攞襪, 攪到我地都有小小唔好意思!)

化妝助手 -- 呀銀 (我地好有緣, 呀銀就係當日我地既會展個位職員!!) 呀銀仲好貼身幫我補妝, thank you!!

  

P.S.:

開心難忘愉快既一天, 恨左好耐同mpp行沙灘, 今次終於得賞所願! YEAH~~