法國婚紗 @ 試衫篇

星期日一早, 約埋靚靚二家姐陪我同mpp去法國婚紗(FB)試衫!

 

由於一早上網已經選好哂d衫, 去到FB比單職員後, 好快就可以開始試衫!

 

緊張派既我, 一早已經remind家姐同mpp, 當小妹著婚紗出黎時, 一定唔準笑我肥..... (小妹既自專心超級薄弱....  ) 哈哈~~ 佢地真係好有"口得", 家姐 / mpp同個職員都話我唔係好肥... 不過算啦, 暫且先忘記自己實際真係"周身肉", 反正影完都會執相!! 家下主力選好所須既婚紗同晚裝!! 

 

著上婚紗既一刻, 真真正正感受到自己係新娘子....  我知道"幸福"已經係我身邊!!

 

法國婚紗個女職員都算唔錯, 除左我預早選好既衫外, 佢仲搵多幾件唔同style既婚紛同晚裝比我試!!

 

當小妹做完model比家姐同mpp點評後... 就到mpp show time!  mpp選左兩套燕尾服, 一黑一白, mpp著上燕尾服好靚仔呀(係我心目中! ) 好期待白馬王子mpp同皇后mzz既結婚相片呀, 哈哈~~

 

我同mpp都好怕煩, 所以我地係法國婚紗order埋影相個日所用既花球! 雖然價錢會比外面貴d, 不過我地可以煩少樣野! 

 

呢個花球既顏色好sharp, 拍出黎既效果應該會好靚!

 

三月中就會影相, 希望當日天公造美, 同埋希望我地預早book既攝影師同化妝師可以得閒幫我地啦!!!