祝福

從來, 都覺得自己好渺小... 覺得自己唔夠能力, 事事都需要人幫忙!

 

擒日分別同兩個朋友傾電話, 不幸地兩位朋友身體都出現問題... 兩位朋友都知道小妹信主, 不約而同都要求小妹為佢地祈禱 !!

 

雖然知道朋友身體唔好, 小妹心情好難受... 不過, 因為呢件事上, 感謝神比我知道, 原來我有力量可以透過禱告要幫人!

 

** 高小小

- 好開心擒日終於聽到你既聲音, 我已經為了你大大力咁同天父禱告...

- 除左希望慈愛既天父伸出佢全能既手去醫治你心臟既問題! 同時我亦為牛仔禱告, 相信佢一定會為左你身體既問題而困擾煩惱!!  祝福高小小你快D好番 !!

 

** 小小酥

- 相比起小小酥, 小妹絕對係新丁基督徒!  擒日同小小酥既對話, 或者係因為身體唔舒服所影響, 小妹覺得小小酥未免過份自責自己!

- 首先, 希望你知道, 身體唔舒服去睇醫生, 你絕對係正常做法!! 藥物令係身體出現毛病, 呢個係意外!

- 無論點, 毫無疑問, 我地既父一定會醫治你, 好快會令你好番!! 比多D信心自己吧!!

 

** 小妹

- 過多幾日, 小妹就要入手術室! 膽小既我實在無法想像自己到時會有幾害怕.....

- 不過無論點, 小妹知道自己一定會盡能力勇敢面對, 因為我知道身邊有愛我既mpp, 永遠十卜我!!

 

祝福身體所有人, 人人開心, 永遠身體健康!!!