接二連三

上星期五雖然唔係13號, 但對好多人黎講, 已經覺得係黑色星期五!!

 

中午時, 先有日本九級大地震報導..... 呢幾日係電視上見到, 因為地震而引發既海嘯, 場面真係好恐怖, 好令人不安!!  美麗既家園可以係一秒間化為烏有... 香港人喜愛既日本, 好多地方一秒間可以變成人間煉獄!

 

晚上同mpp食過飯後, 收到舊同事LU電話, 閒談一番後就提到另一舊同事"高小小",  原來"高小小"因為個心有事而入左醫院已經差唔多成個星期.... 呀"高小小", 我知你有睇我個卜, 見字速電!! 我好擔心你呀!!!!!!

 

到晚上時, 電視播出Kelly 5個月既雙胞胎BB無左.... 記得N年前係舊公司, 有個舊同事懷有6個月雙胞胎, 醫生先話比佢知其中一個女無左呼吸, 為免影響另一個無問題既BB, 醫生建議佢生左個已經無呼吸既BB出黎... 可惜, 當佢生左個無呼吸既BB後, 另一個BB都唔得!!  小妹對當年既事好深刻, 所以完全想像到Kelly會有幾傷心...

 

人真係好渺小, 幸福唔係必然!! 小妹當晚為以上既事情禱告.... 祝福所有人, 希望人人開心健康快樂!!