虎年最後一個工作日, 聽日休息準備迎接兔年!!
期待既兔年, 2011年(兔年)係屬於我同mpp既一年, 因為我會做兔年新娘!! :)
去虎迎兔, 先同大家報個小小既喜訊........ 小妹由十二月到而家, 兩個月內已經成功減左十磅!!! 無錯, 無花無假, 足足減左十磅, 好開心!!
朋友同事們對我好好, 個個都叮囑我要小心身體!! 大家放心啦, 我會好好take care自己, 減多五磅我就會收手!!!
預祝大家兔年身體健康, 得心應手, 財源廣進, 恭喜發財!!!!! 兔年再見 :)
2011年1月30日 星期日
《再見別離時》
星期日同mpp去左上環文娛中心睇《再見別離時》!
呢個劇由歐錦棠兩公婆擔正演出, 亦係歐錦棠成立既劇團第一套劇!
故事簡介﹕
“是甜是苦是經歷 是福是禍是人生”
歐錦棠繼《死佬日記》笑撼過萬人，再以真情撼動人心。
現代人，一句緣盡了便分手，「性格不合」更成為離婚的最好理由；同居比結婚更方便處理感情的離散，比財務公司更易借易還。Alex與Sarah同樣走到愛情的終點，二人一同回首過去，作最後一次對質，才驚覺往事並不如煙，儘管無法掌握未來，卻興幸共同擁有過去。緣來緣去，原是人生！
小妹感想﹕
前半部份有d悶, 不過前面所有伏線係為左帶出下半部份... 一個傷感既結局! 唔少人都眼濕濕離場!
每個人既命運都唔一樣, 有人先苦後甜, 有人先甜後苦....
我屬前者, 苦盡甘來! 感恩小妹而家生命中有mpp, 再一次要警醒自己係一個好幸福既人!! 珍惜現在, 珍惜將來!!!
2011年1月26日 星期三
天生一對
呢幾日忙爆.... 忙到連擒日要去洗牙都唔記得..... 痴左線!!
我同mpp可謂"天生一對"!!! 皆因個傻佬擒日本應要去醫院做boby check.. 不過, 佢又係咁啱唔記得左..... 兩個慒人起埋一齊都幾有趣, 哈哈~~
講番上星期日, mpp同我去左金都睇結婚d野... mpp唔係一個有耐性既人, 佢唔鐘意煩!!! 不過結婚真係好多鎖碎野, 有d事想簡單都簡單唔黎! 為左令佢唔覺得好煩, 唯有盡量分階段同佢出去睇野, 費時一次過煩死佢! 哈哈~~~
我地係金都主力睇左:
1) 花車公仔 ---- 已經睇中左個公仔, 不過之前睇blog時見到好似平少少, 所以未買住!
2) 婚禮攝影+DV --- 個度好多唔同公司, 真係花多眼亂, 我地仲未confirm用邊間好....
3) 租衫 --- 金都租衫packaging好平, 暫時仲未決定到底係法國婚紗租, 定係金都.... 等影完結婚相先算!
4) 過大禮 ---- 見到單張上既野都頭痛, 呢個偉大既任務會交比家姐處理, 哈哈~~
2011年1月20日 星期四
2011年1月19日 星期三
心情低落
呢期心情低落, 工作量太多太多, 超乎我既極限, 壓力好大, 但無法舒解... 係時候要諗清楚自己既去向.... >.<
呢個星期開始, 小妹要全力進行減肥, 介食澱粉質!! 目標係要瘦十磅 (如果可以的話....哈哈~~)!! mpp聽我講"減肥"已經聽到麻木哂....
查實上兩個月都係咁減過肥, 當時兩個星期已經瘦左6-7磅... 可惜當時突然發現身體有毛病, 要入醫院, 所以先至停左落黎!
anyway, 今次真真真真真係好想keep落去, 時間無多喇... 我要做個靚靚新娘~
上星期, 趁未開始減肥計劃, 先消滅屋企既高卡食品. --- 煙肉!!
小妹既一人晚餐 "洋蔥煙肉炒螺絲粉"!
用盡雪櫃既食材, 十五分鐘左右就有得食, yeah~~
首先煮熟螺絲粉 (約5-8分鐘)
洋蔥, 甘荀洗淨切絲, 煙肉切絲, 蒜茸備用
先煎香煙肉, 再落洋蔥,甘荀同蒜茸同炒, 所以材料炒香後落螺絲粉, 最後加鹽調味, Done!!!
2011年1月17日 星期一
2011年1月13日 星期四
我的身心....
好幾日無寫blog... 唔係因為我懶... 亦唔係因為我無野寫...
呢幾日好忙... 好忙... 多得我d客人又黎左香港! 過去既呢三日, 小妹撤底地比d客完完全全咁摧殘左.... 勁深黑眼圈/眼肚, 肩頸勁痛, 額頭勁爆瘡, 雙腳攰到已經好似唔屬於自己咁.... 苦不堪言!!
原本擒日要同d客去上海三日, 由於可愛助手身體仍然唔穩定, 小妹同老闆相量後, 佢比我留番係香港, 不過就難為左我另一位同事, 因為佢幫我follow!!
唔使出trip, 對我黎講應該係好消息, 如果唔係, 相信我一定頂唔順 ...
Work hard Play hard!! 係小妹一向既作風... 同客人工作期間見到個可愛公仔... 梗係relax吓... 影番張相留念啦啦啦啦啦 ~~~
2011年1月9日 星期日
給未婚夫的湯 :)
上星期同某同事一齊放工, 言談間講起小妹今年結婚, 某同事恭喜我之餘, 就問起mpp, 有趣既係佢稱呼mpp做"未婚夫"!
小妹當時好大反應, 從來都未諗過未婚夫呢個team係自己身上... 不過, mpp確實已經同我求婚, 而我地又訂好左日子, 事實上mpp真係我既未婚夫!!!
突然間, 小妹覺得好開心, 因為自己將會成為mpp太太既日子越黎越近.... 平時自問自己已經做足100分女友角色!!! 不過, 講到做人太太, 我應該仲有好多不足之處!
慨然身為mpp未婚妻, 小妹當然希望老公仔健健康康..... 上星期六, 小妹就煲老火湯比呀未婚夫飲, 一路切材料時, 覺得自己越黎越幸福.... 雖然天氣好凍, 洗材料時凍到對手痺哂, 不過感覺真係好sweet, 哈哈~~
赤小豆扁豆粉葛甘荀煲西施骨湯
煲左2個半鐘後, 老火煲攪掂!!
食物小百科
粉 葛 ： 含 蛋 白 質 、 纖 維 素 等 ， 可 止 渴 除 煩 ， 有 治 頭 痛 ， 發 熱 ， 項 背 拘 急 及 高 血 壓 的 功 效 。
瘦 肉 ： 滋 陰 健 體 ， 補 中 益 氣 ， 可 增 加 人 體 的 體 液 ， 對 人 體 的 各 個 組 織 有 可 生 護 養 的 功 效 。
赤 小 豆 ： 含 蛋 白 質 、 碳 水 化 合 物 、 鈣 、 鐵 、 磷 、 維 他 命 Ａ 、 Ｂ 及 Ｃ ， 可 健 脾 止 瀉 ， 利 小 便 去 水 腫 ， 除 煩 熱 ， 止 渴 ， 解 酒 濕 等 。
扁 豆 ： 能 調 肝 和 胃 ， 清 濕 去 暑 ， 止 渴 止 瀉 ， 更 有 寧 靜 頭 腦 ， 調 理 消 化 系 統 的 作 用 ， 還 可 預 防 經 常 喝 酒 引 起 的 酒 濕 酒 患 。
蜜 棗 ： 功 能 益 氣 生 津 , 補 脾 和 胃 , 並 有 止 咳 潤 肺 , 化 痰 平 喘 功 效 。
2011年1月5日 星期三
2011年1月4日 星期二
Year 2011 TO DO LIST
踏入2011年, 工作仍然無停手... 不過, 無論幾忙, 都要準備好我同mpp婚禮所有細節!
雖然我地想婚禮盡量以簡單進行, 不過父母始終係傳統既中國人, 所以好多野想簡單化都唔得!
傳統過大禮既細節有家姐幫手, 所以暫時可以唔使理住! 小妹同mpp主要集中攪大project....
呢度就係我地既註冊場地, 價錢雖然貴少少, 但係我同mpp都好鐘意! Thanks God!!
除左book左註冊場地, 我地都book左影婚紗相... 三月就要影喇, 係時候又要作戰 ---- 要努力減肥!!!
之後, 我地仲有好多野要做:
1) body check
2) 買花車公仔
3) book 化妝 & set頭
4) book車
5) book酒樓
6) 租婚紗 & 掛
7) 買唐餅 & 禮餅
8) 過大禮 (家姐幫手)
................................................................
不論過程有幾煩, 呢d都會成為我同mpp甜美既回憶, 期待+ing
2011年1月3日 星期一
除夕美食
31/12/10, 一早起身準備除夕PARTY美食!
先整朱古力脆脆, 放上呢個咁靚既盤上面, 好有high tea feel 呀, 哈哈~~
(做法超簡單, 先熱溶朱古力, 然後mix埋脆脆入面, 雪凍就攪掂!)
香草焗雞槌
(早兩日已經醃定雞槌, 用牛油炒香香草同鹽, 然後平均咁掃勻雞槌
預熱焗爐200度, 每邊焗15分鐘, 之後掃上蜜糖, 將每邊焗10分鐘, done!!
用錫紙包好雞槌, 方便客人, 我真係好細心呀, 哈哈哈哈~~~)
韓式牛仔骨
(將大量薑粒, 蒜粒, 乾蔥粒, 另加豉油, 糖同燒酒略醃牛仔骨,
先煎香兩邊牛仔骨, 然後放入所有醃料, 收乾汁就攪掂,
唔使15分鐘做好, 超方便又好食!!)
海鮮焗扇貝
(做法都好簡單, 扇貝起肉, 將扇貝殼洗乾淨備用,
炒香洋蔥粒, 然後加入扇貝肉粒, 蟹肉及磨菇粒, 加鹽調味!
另打散一隻雞蛋, mix以上材料後放入扇貝殼內, 灑上麵包糠,
放入180度焗爐, 焗15分鐘便可!)
招牌白汁大蝦意粉
(小妹既得意之作, 做法簡單又包好味道 ^__^
先用少少鹽同胡椒粉醃好大蝦,
炒香洋蔥粒, 煙肉同磨菇粒, 放入大蝦煮熟後, 加入淡忌廉, 加鹽調味後,
放入意粉, 攪掂!!)
酥皮忌廉湯
(先煲好磨菇忌廉湯, 放入碗內 <6-7成滿>,
碗邊掃上牛油溶液後, 放上酥皮, 輕輕按壓在碗邊上,
酥皮面掃上蛋黃漿, 放入200度焗爐焗15分鐘, 又攪掂!)
以上美食雖然做法簡單, 不過足以令我花上一日時間去準備, 見屋企人同mpp食得開心, 嘜都值得啦, 哈哈~~
大食會上, 仲有靚靚二家姐準備既美食:
有勁豐富既雜果沙律!
有mpp喜愛既啫喱糖!
同埋有家姐第一次整既桂花糕!!
2009同2010年, 為mpp同屋企人做左兩年除夕大食會.... 2011年既除夕應該會暫停, 因為今年除夕係小妹同mpp新婚後既第一日除夕, 應該到時會同老公仔一齊過, 感覺應該會浪漫d, 嘻嘻~~
2011年1月2日 星期日
Happy 2011
Happy 2011~~ 祝大家新一年快快樂樂, 開開心心, 身體健康!!
等左好耐, 真係等左好耐..... 終於黎到2011年, 超期待我同mpp既大日子!!!
2010年有開心, 亦有唔開心! 最開心莫過於係mpp同我求婚... 唔開心係小妹發現身體既小毛病... 身體受左小小痛楚... 好在足以彌補既係mpp對我不離不棄, mpp有你真好呀~~~
2010年既除夕夜, 小妹邀請左屋企人黎我樹開P, 請左一日假, 由朝早做到七點, 終於煮哂D野, 感恩大家都覺得我有進步, 好開心!!
可愛助手身體有毛病, 繼上星期請左兩日假後, 今日又請多三日假.... 希望佢身體無事, 平平安安!!!
小妹家下要一個人頂兩個人既工作.... 好忙.... 真係好忙.... 詳細美食資料聽日再講!!
訂閱：
文章 (Atom)