有營晚餐 - 花膠湯 + 小炒皇

擒日做左一日乖女, 請左一日假晨早陪媽咪入院覆診, 下個月媽媽就要入院做白內障手術, 希望一切順利!!

下晝原本打算去salon整頭, 可惜個髮型師off....  ....

唯有買餸返屋企煲湯等老公返黎食飯

是日林宅晚餐
- 淮山杞子響螺花膠西施骨煲雞湯
- 小炒皇 (蓮藕+甘荀+西芹+雜菇)



淮山杞子響螺花膠西施骨煲雞湯 (呢個湯煲足3個鐘, 一大煲水煲剩3碗湯, 超好味 )

小炒皇 (蓮藕+甘荀+西芹+雜菇) -- 查實小妹細個時係完全唔食菜... 唔鐘意食菜既原因係好似食草咁, 覺得d菜好似草, 唔好味!! 但當自己長大後, 知道菜有纖維, 對身體好好, 所以迫自己慢慢去接受!!

不過, 小妹而家仍然未能接受哂所有菜 (好似菜心, 芥蘭, 始終唔係咁鐘意食)... 對我黎講, 單食一款菜實在太單調, 如果大家有留意, 基本上小妹煮既菜大多係雜炒, 即係嘜都有, 啱哂我貪心既一面



話你知.....

蓮藕含有澱粉、蛋白質、天門冬素、維生素C以及氧化酶成分，含糖量也很高，生吃鮮藕能清熱解煩，解渴止嘔；如將鮮藕壓榨取汁，其功效更甚，煮熟的藕性味甘溫，能健脾開胃，益血補心，故主補五臟，有消食、止洩、生肌的功效。