今早收到朋友以下e-mail, 是真是假?? 閣下自己判斷!!
從今天到28號，請大家不要淋到雨。
冰島火山噴發，火山灰 越過工業污染嚴重的西歐，即將飄到中國，導致750年一次的酸雨，被淋到后患皮膚癌的幾率很高。
請大家注意，把這個信息轉發給身邊的人，做一個有情的人!
冰島事件, 小妹要早一日出差, 如無意外, 聽日就要出發... 無奈 x 100000000000000000 !!!!!!!!!!!!!
不過最受影響都係d客人, 北歐個客前日走唔到, 改為今日出發, 家下要經北京過黎.... 希望佢今日真係可以上到機, 一切順利!!
東歐個客暫時按原定schedule, 不過, 佢個同事就要改行程, 原本經德國, 家下要改經莫斯科..... 無計!!
相信以上兩個情況只屬冰山一角, 睇怕而家歐洲所有機場都塞滿人!!! 大混亂!!!
過多兩日, 小妹又要同客人出差, 不過, 因為冰島火山爆發事件, 到而家都未知d客人黎唔黎到!!
北歐客人原定擒晚出發, 可惜當地既機場到而家仍然未開... 小妹暫時仲未搵到個客, 未知佢有無辦法可以用其他方法轉機黎香港!!
東歐客人過兩日至正式出發, 小妹唯有每日同客人keep住contact... 不過家下個客都好無奈, 因為佢地仍然等緊airline回覆!
最新消息: （法新社倫敦 20日電）
歐洲今天放寬空域封鎖，幾乎半數定期航班得以起飛；而歐洲最繁忙的機場、倫敦希斯羅機場（Heathrow），終於重新開放。
儘管艾雅法拉火山（Eyjafjoell）噴發的火山灰已逐步減少，但飄往英國 的火山灰雲導致當地各大機場延後至今晚才開放。
接近晚間10時（格林威治時間2100），英國航空公司（British Airways）一架從溫哥華 起飛的班機終於降落在希斯羅機場，是有關單位上週關閉英國空域以來，首架降落於此的班機。
比利時 、法國 、德國 和愛爾蘭 等國家，都逐步恢復航班起降，以紓解大批滯留旅客。
協調歐洲大陸空中交通管制的歐洲航管組織（Eurocontrol）在聲明中表示，除了芬蘭 上空，2萬英尺以上的空域皆已開放飛行。
該組織預期，歐洲空域今天會有1萬3000個航班起降，相較於正常的2萬8000個。
所有事發生係4月15日.....
當日係小妹大家姐生日, 係度補祝佢Happy Birthday!!!!!
同日中午, 收到同事S傳來SMS : "今日係咖啡日.... 拿隻保暖杯去星巴克就有免費咖啡飲架喇"!!
睇完呢個SMS不以為意, 繼續工作!! 不過, 陸續有同事拿住香噴噴既咖啡返公司... 咖啡既香味, 真係超級引死我!!!!!!!!!!!!!!
小妹終於忍唔住, 問問我個可愛助手有無興趣, 可惜小妹妹話出面落緊雨, 所以唔想出去..... 就係咁, 我.... 唯有打消攞咖啡呢個念頭!!
隔左一陣, 小妹見到有同事手上正攞住隻杯出門口.... 嘩)))))))))) 知道佢要出去時, 小妹九秒九極速返位攞杯, 一齊向Starbucks出發!!
去到Starbucks, 一大班白領, 各自攞住隻私家杯係度慢慢嘆咖啡, 而小妹當然都係其中一份子... 職員沖完咖啡比我後, 小妹好開心咁拎住隻私家杯去加調味!!
此時, 小妹突然發現我隻杯有問題..... 原來Starbucks個職員, 將我個杯蓋同人對調左..... 我坎唔實隻杯蓋呀 >.<
由於攞錯杯蓋既人已經走左... 小妹無耐地通知Starbucks職員, 佢地知道自己出錯後有同我道歉... 我亦將有問題既杯留係佢地個度, 希望有人會發現個杯蓋唔啱後, 同佢地聯絡換番!!
可惜等左成三日都無人聯絡佢地... 最後, Starbucks係擒日比隻保溫杯我作賠償, 呢隻杯價值 $135....
Buppalo隻杯係N年前舊公司抽既獎品(成套有三至四個唔同保溫杯同樽).... 而家又係唔使錢多左隻Starbucks杯, 到底我有得?? 定係有失呢?????
BTW, 當日小妹好唔開心, 因為成件事小妹睇到哂..... 當時小妹已經見到有兩個同樣係藍色既保溫杯, 小妹眼既職員"疑似"將個杯蓋轉一轉, 當時我仲以為佢有試過, 所以無再double check!
加上當日係免費贈飲, 所以事發後小妹一直好自責, 自責自己點解當時唔即刻check吓.... 又自責自己係衰貪心!!!!! Anyway, 小妹自知我呢個典型香港中女既貪性難改..... 
小妹寫blog, 完全係為左記低自己同mpp既少少生活點滴, 可謂完全無人氣可言.....
坦白講, 就算無人睇小妹個blog, 小妹並唔在乎!! 皆因小妹知道, 有個傻佬會永遠係我個fans就得喇!!! 
但唔知點解, 小妹呢個無人氣既blog, 每日都同人氣blog既卜主一樣.....每日都飽受勁無聊既spam襲擊... 日日都要delete.... 到底係Yahoo問題, 定係人為問題呢???
以下既spam, 係無聊定有趣 ??!!??
色情spam.... Yahoo係咪須要正視吓呢!!!!!!!!!!!!!!!!!!!!!
擒日下午, 發生左一d事令到我好唔開心.....
事件發生後整個下午, 好唔開心!
放工後, 仍然好唔開心!
諗住買完衫後會開心d, 點知都係好唔開心!
又諗住唔減肥喇, 食一晚出前一丁啦, 可惜仍然係唔開心!!!
成晚瞓唔到, 因為內心不停咁自責, 點解自己咁"豬"!!! 不過, 今日有d轉機..... 下星期就會知, 到時再講!!!
青海地震, 雖然無四川大地震咁嚴重, 不過從電視可以見到, 到處都係滿目瘡痍...
見到呢d畫面, 內心好心酸, 好難過!!
祝福救援人員, 支持你地繼續努力救出被困既人事!!
祝福青海市民, 希望你地振作, 早日重建家園!!
祝福黃福榮, 以及遇難者.... 一路好走!!!!
香港義工青海地震中救人犧牲性命
在青海地震中捨身救人喪生的香港義工黃福榮，十多年來一直致力內地慈善工作，無論為血癌病人籌款還是為汶川地震災民奔波，他都自發參與。
患有糖尿病的黃福榮「阿福」，原本是貨車司機，四十五歲的他近十幾年走遍全國，身體力行做善事，志願者都稱呼他「阿福」。零二年為了喚起社會人士對血癌關注，由香港出發步行八十三日上北京籌款；而零八年四川汶川地震後，更不理家人反對到災區當義工。
今次青海地震，黃福榮原本可以安全逃生，但有志願者指，阿福為了救三個孩子及一個老師，犧牲了自己的生命：「跑出來以後，有三個孩子三個老師，他們壓在廢墟下面，然後阿福他只能回去救這六個人，然後三個孩子救出來以後，還有一個老師救出來。還有兩個老師未救出來之前，餘震來了，結果阿福遇到不幸，救出來結果有生還的跡象，很快找到當地醫生過來急救，救了半個小時左右沒有救過來。」
一個網站發布了阿福罹難的消息，在內地引起很大迴響。有關他的故事，在大小討論區轉載，網民紛紛撰文讚揚他英勇的行為，亦希望他們家人能早日領回遺體，讓阿福能早日回家。
擒晚同mpp去左大會堂睇話劇《獨坐婚姻介紹所》!!
mpp一般會買星期五, 又或者會買星期日既飛!! 擒日明明係星期三, 所以小妹好奇怪咁問mpp... 傻佬mpp好有心呀, 因為《獨坐婚姻介紹所》係我偶像陳文剛做, 佢除左買第一行正中位比我睇之外, 原來擒日仲係尾場添!!! mpp, 你好sweet呀~~~
講番呢套劇《獨坐婚姻介紹所》!! 今次係第五度公演, 唔通佢地想破彭秀慧29+1既記錄, 哈哈~~
故事簡介
獨坐婚姻介紹所服務簡介
無論顧客的愛情是否一帆風順，我們也會為各界男士提供最佳的婚姻介紹服務，重塑你獨有的男性魅力，替你處理所有愛情困難。
過程簡單愉快，你只需坐於為你專設的私人房間內，我們便會因應不同顧客的獨特要求，作出不同的提問及指引，務求發掘你至真至誠的一面！當然，若顧客對「指示」的提問解答得不盡不實，婚姻介紹所保留繼續發問的權利，並對謊言嚴加懲處！
但願世界上所有男士都所向無敵，成為女士心目中的理想對象。
※
他，20歲，想要的，卻求不到，仍奢望能至死不渝。
他，30歲，得到的，多不勝數，卻想放棄整個森林。
他，40歲，渴望的，講不出口，還要再等多十年嗎？
這所傳聞中百分百成功的婚姻介紹所，
分店遍佈香、澳、台，
4月再度營業，
帶你笑闖男人20．30．40的情關！
人揀你，你揀人，你又有幾認識男人？
小妹感情:
電影有20.30.40, 以女人做主題, 家下呢個戲都係20.30.40做主題, 不過係講男人!!
三個唔同歲數既男人, 有著唔同既問題... 三個男主角都演得非常入戲, 好投入!!
小妹既偶像陳文剛演30歲男人, 演技唔使講一定係正!!! 而演出20歲既黃兆輝都好突出呀....佢完全將一宅男活生生咁放係舞台上面!! 值得一讚!!!
