SAKURA血拼東京 @ 27/3/2010 (DAY 4)

SAKURA血拼東京 @ 27/3/2010 (DAY 4)

終於黎到last一日, 好唔捨得走呀......

 

今日依然好好天, 最高有成十度, 池袋..... I will be back !!

 

話時話, 小妹好似未係日本食過老麥.... 今朝終於有機會一試!!  係香港廿幾蚊有個豐富既早晨全餐....  呢度價錢double. 又一次再提醒自己, 要再黎日本玩, 小妹一定要努力工作!!!

 

小妹既MCGRIDDLES SAUSAGE (420YEN = HKD36).... 雖然個飽只得一片牛肉, 不過個飽係muffin黎嫁, 咬落去一鹽一甜咁, 幾特別~~

 

mpp既MCGRIDDLES SAUSAGE & EGG CHEESE (460YEN = HKD40)

 

睇睇, 個飽面有"M"標記呀~~

 

小妹order呢杯lemon tea, 不過個人認為呢杯野唔好飲..... 皆因佢地提供既唔係一片片檸檬, 奉上既係liquid lemon..... liquid lemon得個酸字, 唔掂!!

 

酒店check-out時間係11:00am, 可能係peak season, 我地攞唔到late check out, 否則1,000 YEN / HOUR.....

 

食完早餐已經差唔多十點幾, 所以我地嗱嗱聲趕返上房執野check-out.... 順便係酒店買埋去機埸既巴士飛!!  我地買左13:20既巴士飛, check-out後仲有大把時間, 我地keep左d行李係酒店lobby後就即時出去再走走, 增取時間嘛....

 

早一晚已經鎖定今日要黎呢間食壽司!!

 

呢間廻轉壽司均一價 (126YEN = 約 HKD11/碟), 佢地11點開門, 我地就成為佢地今日既第一個客人!!

 

所有壽司都好新鮮, 見住師傅即場做出不同既壽司, 啱啱食完老麥既我地, 美食當前, 我同mpp決定黎個終極放縱....

 

三文魚壽司... 超新鮮好味, 我地食左兩碟!! 

 

呢個應該係蟹捧沙律壽司, 好好味呀!!

 

八爪魚壽司... 香港個d好似見唔到吸盤... anyway, 好味!

 

鰻魚壽司... 正!!

 

玉子壽司... mpp飛佛!!

 

除左三文魚外, 小妹對其他魚生麻麻... 但mpp就唔同, 佢見到任何魚生都會好happy.... 係未得小妹同意下, 佢就攞左以下壽司!!  後果.... 當然係mpp要食哂佢自己攞既壽司啦.... 哈哈~~

 

食到尾聲想埋單時, 有個女店員走黎比張有相既menu我地, 我同mpp緊係say THANK YOU啦...  點知個女店員突然用國語問我地係咪香港黎... 哈哈~~ 原來呢個女仔係哈爾濱過黎既.... 我地緊係唔放過佢, 問吓佢有嘜好介紹啦~~~  呢間廻轉壽司除左均一價126YEN一碟既壽司外, 佢地仲有其他野食, 包括生蠔 (可惜我同mpp都唔食)..... 以及280YEN(= HKD24)既特級壽司!!

 

雖然當時我地已經好飽.... 不過為食既mpp即時order多兩碟280YEN既壽司, 有海膽壽司!!

 

同埋呢碟我都有食既吞拿魚腩壽司.... 入口即溶既感覺, 小妹到而家都仲記得!!! 真係超超超超超超好味呀!!!!!  如果唔係飽到上心口, 肯定同mpp會order多幾碟呀!!!!!!!!

 

唔使HKD200就食到一餐又平又新鮮又好味既正統日本壽司, 真係超滿足呀!!!

 

襯仲有時間, 小妹又再增取時候去shopping... last一日, 我地去左100YEN SHOP入面, 進行清袋行動.... (不過無影相)

 

真係要走喇....... 帶住唔捨得既心情, 以及帶住好重既行李離開(嘻嘻~~)....   我地特登早D黎機埸, 可以睇吓野, 買吓野, 以及食吓野!! 

 

係機場shopping左一輪後已經勁攰, 我地去左一間餐廳食小食... 坦白講, 我地志不左食tea, 我地係志在可以係呢度舒舒服服既坐一陣!!!

 

呢個名為"哈密瓜飽"係呃人呀... 完全無哈密瓜味, 味道同菠蘿飽一樣, 不過個面有層白沙糖!!  薯角同mpp飛佛--啫喱相比下就好食好多!!

 

就黎boarding喇... 最最最後一激, 食埋呢個300YEN既綠茶雪榚, 呢個trip都小妹黎講都應該可以話係無憾!!!

 

回程我地都係搭JAL, 不過有d delay, 我地成十點半至到達香港...  anyway, 好開心咁同mpp完成左呢個旅程,!!!

 

再次多謝我個honey mpp又帶我去玩!! 錫哂你呀~~~