28/3/2010 (星期日), 亦即係去完日本既第二日, 雖則前一晚落機後, 攪到成三點至瞓覺...... 不過, 小妹同mpp好乖呀, 約埋家姐姐夫們, 一早去媽咪屋企附近飲茶, 順便比埋手信佢地!!
飲茶後, mpp要返公司做野 (星期日返工, 就真好無陰公, 不過, 呢d係高層既代價, 哈哈~~)... 而我呢個小職員, 原本打算係返屋企瞓覺.... 不過, 比姐夫佢地既節目吸引左..... 所以, 小妹當日做左"跟車", 跟住佢地去玩~~~
第一站, 我地去左呢度......
唔怕老實講句, 小妹咁大個女, 都係第一次黎許願樹!!! 第一次黎, 緊係許番個願啦~~~~~ 祝我同mpp
拋個膠橙上樹, 除左困難重重之外, 仲有好多攪笑野發生.... 大家都笑唔停又好努力咁拋個橙上去...
小妹幾經努力下成功將個橙拋到樹上, 當時不知幾高興!!! 可惜...... 隔離有班ABC, 佢地膽敢將我個橙撞番落地.... xuposer)*(wer&)&#)&$)&^!)^@9@&# _
小妹唯有執番起再拋過..... 頂!!!! 我拋拋時, 個膠橙比我拋到上樹上, 不過, 將許願紙趺左落黎...... 好唔"老黎"呀!!!!!! 小妹唯有走去問番d姐姐, 佢地比多個橙我, 最終小妹可以將個橙同許願紙拋上樹上!!! 感恩感恩!!!!
我地四個 (家姐, 姐夫, 姨甥女同我)瘋癲咁玩完一輪後, 姐夫就揸車入去粉嶺去佢朋友屋企打牌兼BBQ!!
姐夫朋友屋企有對可愛狗仔, 兩隻狗仔都好乖, 小妹最鐘意白色個隻狗 (佢叫"仔仔")... 不過, 可憐既係仔仔多年前已經失聰, 醫極都醫唔好... 但好在, 佢有個好錫佢既主人!! 仔仔, 下次有機會再黎探你啦!!
沒有留言:
張貼留言