情感複雜的一個團年飯

擒晚同屋企人食左團年飯.... 無攪錯, 今年真係早左好多, 係年十七食年晚飯...

 

點解?? 原因係小妹既一對姪仔, 會係聽日飛走..... 佢地要去紐西蘭讀書......

 

雖然小妹一家成員眾多, 縱然大家可能唔係成日見面, 不過兄弟姊妹之間感情都好好..... 每次家庭聚餐都會好熱鬧同開心!!

 

一件本來應該開心既事情.... 不過, 小妹擒晚既感覺好複雜.... 一方面要慶祝新年, 另外要同年紀小小既一對姪仔farewell.....

 

小妹既一對姪仔只有十二三歲, 佢地都仍然處於天真爛漫階段... 咁細個就要飄洋過海, 實在好令人擔心.... 慶幸小兄弟感情好好, 可以互相照應, 希望佢地兩個會學懂得照顧自己.....

 

諗起唔知幾時先可以再同一對姪仔再見面, 又諗起佢地第日或會面對既困難..... 我呢個無用既姑姐, 係食晚既尾聲大家影相留念時, 已經忍唔住喊左出黎.....

 

今年新年, 原本定下既"頭號"願望同往年一樣, 都係希望同mpp可以繼續開開心心咁一齊....... 不過, 要同mpp講sorry, 小妹而家要改改.... 希望我兩個姪仔事事小心, 自己要學識照顧自己!

 

願慈愛既天父保守我既一對姪仔, 讓佢地可以平平安安, 早日學成歸來!!!  感謝主!!!

開心~~

今日出左雙糧, 好開心呢~~ 有錢身痕, 放工又去shopping先!!

 

擒晚好想食日本野, 同mpp又去左屋企附近既日本餐廳食晚... 由於今日出雙糧, 原本小妹提出請食飯, 不過比mpp拒絕左... 原因係mpp話我知佢加左人工.... 仲要係加到嘩嘩嘩嘩聲個隻, 真係替佢開心!! 

 

不過, mpp份工好用腦, 工作好大壓力, 小妹嘜都幫唔到, 唯有平時唔好煩佢咁多, 做個乖乖既女友, 等佢可以煩少一樣野!! (mpp, 聽到喇, 係咪好"lum"呢, 哈哈~~)

 

好... 睇番我地擒晚食既野先... 雖然每次食既野差唔多, 不過, 一d都唔厭呢~

 

蟹捧壽司

 

玉子壽司

 

長三文魚壽司

 

四色燒三文魚壽司

 

炸蟹捧壽司

 

豬軟骨飯

 

鹽燒三文魚鲛

出手

擒日收工, 突然mood到想shopping.... 因為小妹每年新年都會著新衫, 再過多兩個星期就係新年, 真係時間無多!!

 

今年買衫真係好頭痛, 皆因小妹體重直線上升之餘, d肥膏多到慘不忍睹......

 

擒日係商場行左一陣, 就比我搵到一間shop, 佢地有好多one piece既裙, 全部係自己廠做, 唔會咁易同人撞衫... 平均價錢約$4xx 至 $6xx一條..... 最重要係d款好啱我style, 夠斯文呀,.... (哈哈, 又自己讚自己....)

 

揀左兩條裙去fitting room試, 好失望咁著出黎照鏡..... 小妹當時真係好唔開心呀, 因為小妹個肚腩太大喇, 突哂出黎咁, 超唔得!!!!! Super down!!

 

不過, 個sales好好人, 佢見我有心買野, 不停介紹其他款比我..... 小妹前前後後試左成十條裙, 試到我都唔係幾好意思, 換番衫出黎諗住求其揀兩件買左佢就算... 點知比我有新發現.....

 

就係呢條裙..... 唔好睇好似普普通通, 著上身後影得我勁瘦.... 有胸又有腰, 唔覺有肚腩, 又唔覺有背肌, 長度仲勁fit我添, 更更更更緊要係仲有discount!! YEAH~~

 

呢條裙有兩隻色, 紫色同黑色.... 其實黑色最suit我, 啱哂平時著.... 不過, 話哂條裙係買黎新年著, 黑媽媽咁好似唔係幾好.... 所以, 最後我買左兩條, 一紫一黑!!

 

買到啱心水既裙,, 好開心呢~~~ 下一個目標, 希望可買到一件斯文d既外套!!

 

 

 

 

 

好快又一年

過兩個星期又到農曆新年, 呢個時候公私兩忙, 公司鬼咁多野做, 而屋企就要執靚執乾淨!

 

早兩個星期, 小妹已經開始執衣櫃, 一係唔執, 一執就執左六大袋衫係唔要既.... 最誇張係執左六袋衫出黎, 個衣櫃仍然係爆既..... how come??!!!??

 

原本諗住叫mpp將六袋衫攞去樓下屋苑既收集箱, 不過, 真係有咁啱得咁橋, 比我係街上面見到有架回收車, 車上面大大隻字講明可以上門收衫, 仲有錢比番你!!

 

基本上, 衫褲鞋襪, 連玩具回收公司樣樣都收, 不過, 佢地會叮囑唔收呢d物品..... "校服, 制服, 老人家衫 同床上用品 (床單, 枕頭袋個d)"

 

好似賣衫咁, 小妹賣出六袋衫, 有幾十蚊收番.....  唔使自己動手, 又有錢收.... 一舉兩得, 呢個做法都唔錯吖!!

 

 

繼續迷的一天

係無食藥底下, 小妹仍然處於勁迷網, 個人迷吓迷吓咁, 睇黎我又係時候要斗下....

 

mpp今日上左大陸開會, 聽日至返, 呢兩日只得我一個人... 雖然同mpp拍左拖都好一段日子, 不過, 小妹成日都好掛住個傻佬.... mpp: 見字請速電你女友, 佢好掛住你呀!!! (哈哈, 真係唔知醜, 肉麻死人喇!!)

 

又post番我d nail art先...... 呢個花係聖誕節個時畫gar, 係我暫時最鐘意既花款, 襯衫一流!!

 

迷女郎

病足一星期都依然未好, 今朝返工途中, 仲有少少頭暈暈咁, 希望快d好返!!

由於食左藥關係, 小妹成個星期都好迷.... 做嘜野都提唔起勁..... 連相都懶得去影.... 趁今日有番d精神, update番過去一星期既blog先~~

 

16/1/2010 (星期六)

小妹煲左好味又滋補既"響螺煲雞湯"比mpp飲! 秋冬進補... 唔知係咪補得多, 我同mpp之後都病左..... >.<

 

20/1/2010 (星期三) 

放工後趕返屋企煮飯比mpp食, 可惜受藥物影響既我, 做事有心無力咁.... 小妹係豆腐隔水時, 唔小心將豆腐"sir'哂出黎, 八件中有七件跌左落洗碗盤度無得食.... 激鬼死我!!!

 

22/1/2010 (星期五)

mpp帶我去IFC同佢d舊同事食飯, 第一次出席mpp朋友既大型活動, 小妹幾唔精神都要make up一吓, 唔好失禮我honey吖嘛....

呢餐食得好豪, 有乾燒翅食, 仲食左成萬幾蚊一圍添.... 貴係貴左d, 不過, 真係好好味呀, 簡直係回味無窮呀!!

 

24/1/2010 (星期日)

擒晚姐夫又請客, 今次姐夫車左我地去左尖沙咀金巴厘道既"樓上樓"打邊爐, 聽講呢度好多明星幫襯, 好似掌門人咁!

我地六個大人一個小朋友, 總共食左四千幾蚊..... 以打邊爐黎計, 呢餐都真係幾貴!!

必食即製豆腐花, 好滑又好味!!

 

病上加病

2010年開始無耐, 小妹可以講話睇醫生睇到窮!

 

打從上年十月開始, 小妹因為條頸痛要睇物理治療, 前前後後睇左成三個幾月, 家下先有d進展, 物理治療師話我整傷肌筋膜喎.... 而家keep住每星期做兩次物理治療, 再加針灸!!  好在公司無乍形, 我可以係office hour內趕去睇, 希望可以快d好番!

 

至於我d燒, 我諗家下應該退左, 不過d藥食到我個人好迷... 而且仲有d想嘔既感覺, 擒日率之忍唔住, 打左電話比醫生, 佢叫我攞埋d止嘔藥一齊食會好d....

 

小妹好想讚一下呢間診所...話說小妹擒日OT到成7點先走人, 去到診所見到姑娘啱啱熄燈, 當時我至知原來佢地7點收舖! 不過, 由於我之前打過電話比醫生, 所以佢地一早已經ready左d藥比我....

 

當時我同姑娘講我好似仲有少少發燒, 姑娘好好人, 佢地即時比左探熱針我探熱, 最後check過無燒....

 

要讚佢地既原因係當時醫生已經走左, 姑娘們又已經熄哂燈, 基本上佢地可以比完d藥我後, 叫我聽日再黎同醫生講 or 再黎覆診! 

 

呢班姑娘有美貌之餘而且心地好, 認真抵讚!!!  加上徐醫生d藥好鬼勁, 怪唔得徐醫生生意咁鬼好!!! 好, 等我都幫你地賣下廣告先...... 哈哈~~

 

徐興盛醫生.

地址. 香港銅鑼灣電器道145號地下

電話. 2570 6733

勞累

經過整整一個星期辛勞既工作,

小妹可以話比個客"玩謝"左...

早兩日終於捱出病來!

 

今日請左一日假係堅企休息休息... 

希望可以快d好番,

因為office仲有好多野等住做....

唉.... 

 

突然有感而發...

引用一個國內supplier既句子

"生活不容易" (要用國語發音... >.<)  

一個人在途上 @ 上海

今日終於可以係公司坐定定, update吓我個卜!

 

講番上星期出差d事先.... 1月7日(星期四), 小妹晨早起身出發... 小妹搭港龍中午機, 可惜班機delay, 攪到成四點幾先到上海!  搭左個幾鐘的士後, 終於到達酒店!

 

今次公司秘書小姐好好, 佢幫我update左上deluxe套房, 我仲可以享用club floor既lounge, afternoon tea 同 evening cokctail添 << 不過, 可惜行程緊密, 除左早餐外, 我嘜都無用過.... @__@ >>

 

我住呢間套房有個客廳! 間房靚就靚, 不過部電視就削左d囉.... 哈哈~~

客廳隔離係睡房, king size bed..... cool~~~

 

 

由於第二日先會meet個客人, 當晚小妹自己搵節目.... 小妹算得上係一個勁驚青既人, 不過, 為左不枉此行, 而且小妹又極愛食小籠包....... 一場黎到上海, 一定唔會放過去食小籠包既機會!!  係酒店出發, 搭左幾十蚊的士, 終於黎到城隍廟...

 

第一站, 當然係黎呢度啦啦啦啦~~

 

蟹粉小籠包 20蚊 16隻, 超抵!!!!!!

 

個晚天氣只有零下二度, 呢度小籠包熱辣辣, 零舍好味道!!  不過, 一個人食野真係好lonely.... 好掛住mpp..... >.<

 

 

食飽飽後就去shopping, 係城隍廟度買左d手信.... 小妹已經黎過呢度三次, 係呢幾年都無嘜變化, 仍然好古色古香!

 

特別一提, 上海好快有世博會, 上海四圍都有好會世博會大公仔, 比d人影相... 而且仲有shop專賣世博會公仔同souvenir...

 

小妹係城隍廟留左半個鐘度就急急腳走人, 打的返酒店.... (因為一個人係異地, 真係驚驚呀..... >.<)

 

第二日 (8/1/2010) 一早會合個客, 我地坐左差唔多兩個鐘車, 去左蘇州.... 做左成日野後, 成八點先返到酒店!!

 

第三日 (9/1/2010) 又係一早起身, 因為要搭早機返香港!!  完成左三日兩夜既行程!!! 

 

唔知係咪一個人出差好鬼孤單, 全程都好掛住我個honey...... 而且成個trip好多感想,  一方面感謝主賜我平安順利完成呢個行程, 不過, 另一方面又感到自己好疲累... 唔知我仲可以捱到幾耐呢???!!!??

忙!

上星期六,

小妹已經平安返港....

 

可惜個客仍然在港,

小妹呢幾日仍然要硬住頭皮,

家下仍然係公司努力工作....

 

努力...

努力....

努力.....

努力呀.....

(自我催眠中.... )

又食大餐~~

擒晚公司既team leader請食飯, 今次我地一行七個靚女 (嘻嘻~~), 去左中環一間餐廳食飯!!

 

Candle night dinner開始喇.... red wine一定唔少得.... 到底我飲左幾多杯呢??

 

我既海鮮忌廉湯, 正!!

 

生蠔... 我唔食既, 不過同事d comment話唔錯喎!!

 

Parma ham, 好食!!

鴨胸!

 

蝦刺身... 勁好味!!

 

兩款小食拼盤!

煎鵝肝... lovely~~~

 

香蒜炒牛仔粒!!

 

黑松露菌意粉!

 

最後, 終於上甜品.....

 

呢餐真係飽到要扣喉....... 真係要多謝"親愛的"!!

 

聽日又要飛喇..... 好耐都無單拖出trip... 今次要加油!!  下星期再見~~

 

 

Day 2 @ 澳門 2010

mpp一心買定旅遊書, 帶小妹去馬交飲飲食食, 可惜卻因為我沉迷係五光十色, 紙醉金迷既角子機世界入面.... 第一日浪費左好多時間係賭場入面!

 

第二日一早, 我地出發去覓食!!  第一站按旅遊書資料先去十月初五街搵呢間叫"南屏雅敘"既茶餐廳!

 

呢個就係我想食既"波蛋多士".... 好味!! (明明order既波蛋多士係無火腿既.... 不過個呀姐落錯單, 原本$8.5既波蛋多士, 而家要比多$3.5.... 變成$12... >.<)

 

見隔離檯有個哥仔食蛋治好吸引, 我地又order一份蛋治.... 點知個無啦啦又係多左d火腿..... 價錢又一樣由原本$8.5.... 變成$12... 我地懷疑個呀姐係有心既.... 大家如果有興趣黎呢度食野, 一定要小心小心!!!  anyway, 食物好有水準, 好味同好有懷舊feel~~

 

到十一點左右, 我地去食翅!! 呢間叫"翅客", 個名好吸引呢!!

 

呢度有大中小翅客.... 我同mpp梗係做"大翅客"啦~~~~~ 型d嘛...... 哈哈~~~

 

$55一個大翅客, 都算幾足料!!

 

中午時, mpp帶我去食豬扒包, 呢間叫"葉熾記"... 一睇就知歷史悠久!!

 

豬扒飽.... yummy yummy~~~

 

牛扒飽, 味道唔錯, 不過略嫌塊牛扒有根, 有少少難咬開...

 

 

食飽飽後, 同mpp返酒店check-out... 我地又去打老虎... (嘻嘻~~ 我真係好鐘意玩呀)...

 

去左威尼斯人玩足兩粒鐘, 儲夠分後攞免費船飛坐5:30船返香港, 結束左兩日一夜開心打老虎之旅....

 

最後, 好多人都想知我地有無嬴錢.... 答案係: "我敗家... mpp救番頭家!!!" 哈哈~~~~ 我地嬴左使費, 呢個trip唔使錢, yeah~~~