過兩個星期又到農曆新年, 呢個時候公私兩忙, 公司鬼咁多野做, 而屋企就要執靚執乾淨!
早兩個星期, 小妹已經開始執衣櫃, 一係唔執, 一執就執左六大袋衫係唔要既.... 最誇張係執左六袋衫出黎, 個衣櫃仍然係爆既..... how come??!!!??
原本諗住叫mpp將六袋衫攞去樓下屋苑既收集箱, 不過, 真係有咁啱得咁橋, 比我係街上面見到有架回收車, 車上面大大隻字講明可以上門收衫, 仲有錢比番你!!
基本上, 衫褲鞋襪, 連玩具回收公司樣樣都收, 不過, 佢地會叮囑唔收呢d物品..... "校服, 制服, 老人家衫 同床上用品 (床單, 枕頭袋個d)"
好似賣衫咁, 小妹賣出六袋衫, 有幾十蚊收番..... 唔使自己動手, 又有錢收.... 一舉兩得, 呢個做法都唔錯吖!!
沒有留言:
張貼留言