Day 1 @ 澳門 2010

2010年只係開始左幾日, 今年小妹自我預測會"驛馬星動", 因為我啱啱同mpp去完澳門"反".... 再過兩日, 小妹就要隻身出差去上海!!.... 我呢個預測係咪好準呢!!!

 

擒日一早, 小妹同mpp出發去澳門, 姐夫係某酒店既超級VIP, 佢知我同mpp去澳門, 就攞左兩張頭等飛比我! 等我地可以慳番成500幾蚊!

 

我地既座位係控制船艙附近, 小妹見無人就走入去影相.. (哈哈~~ 我都幾大膽呀)

 

頭等飛有cup noodle食, 而且仲有汽水, 咖啡同奶茶任飲添!!

 

到達後, 我同mpp先去酒店check-in, 之後第一站去"新濠天地"... 賭場門口呢個3D美人魚勁真, 好靚好特別!!

 

係賭場玩到五點幾時好肚餓.... 為左貪方便 (應該係話小妹貪小便宜), 我強烈要求mpp係賭場入面度食buffet... 因為只係$168一位, 而且買一送一, 每位仲送一個翅喎.... 好似好抵食咁!!

 

可惜又一再證明"平野無好野"...... 睇睇... 一碗無嘜翅既翅.... 容許我叫呢碗係"暖暖地既打獻湯"吧!!!!!!!!!!!!!!!!!!!!!!!!!!! @__@

 

食品方面, 將價就貨.... 我係ok接受gar..... 

 

食飽飽又玩多一陣到六點幾, 我地轉移陣地.... 先係新濠天地出面影吓相, 呢度連接住HARD ROCK HOTEL!

 

對面係威尼斯人!!

 

同mpp係威尼斯玩到成九點幾, 小妹至捨得走..... 只怪我中"角子機毒", 真係中得太深喇...... 哈哈~~