初四啟市

 

恭喜發財, 祝大家心想事成!! 開工大吉!!!

 

小妹今個新年真係開心到飛起, 最開心緊係日日都可以見到mpp啦, 嘻嘻....

 

除此之外, mpp同我係牛年真係旺到不得了!! 簡直係旺氣迫人!!! 平時既mpp, 係一個不可多得既"好腳" (簡稱水魚.... 哈哈... 實比佢鬧!

), 今次, 佢不單唔使派錢, 仲不斷咁收錢, 真係好勁!!!

 

年廿九: 小妹一家二十口(大家庭, 哈哈!!)一齊食團年飯, mpp先勁輸千幾蚊, 但後勁淩厲, 最後有驚無險追和!! <<好在.... 好在....

>>

 

年三十: 同兩個姐姐一家去維園行花市後, 好玩既家姐同姐夫上左我屋企又竹戰.... 哼! 今次mpp有主場既優勢, 喪嬴二千幾..... 真係開心使我~~~~ 哈哈哈~~~  (啦啦啦~~~ d錢係會繼續黎~~~

)

 

年初一: 大姐夫請食飽參翅肚後, 我地又打馬吊! 今次mpp同我又喪嬴差唔多二千, 真係從未如此興奮過..... 最開心係.... mpp比左錢我, 我之前買既Burburry袋有好大既津貼呀, yeah!!!

 

年初二: 今晚輪到二姐夫請食飯, 食過飯後, 家姐就帶小朋友黎我屋企打Wii.

 

年初三: 今晚到二哥請食飯, 嘩~~ 連續出街勁食之後, 真係覺得d食物好油膩, 仲有d厭厭地添....

 

年初四: 終於要開工喇...... 話咁快就過左幾日假期....

 

每年, mpp都會係年三十晚比壓歲錢我, 今年個傻佬仲比左兩封我添... 攪到我個銀包而家勁漲book book! 係年初一, 我就拆左佢上年既壓歲錢, 500蚊大利是呀, 哈哈!! 多謝哂honey!!!

--> 上面個封係上年既, 已經比我拆左同極速用左, 哈哈!

--> 下面個兩封係今年既, 我會留番下年先拆! 丫..... 唔知下年mpp會唔會有三封壓歲錢呢? 哈哈~~~

Good Health!

擒日發生過一d唔開心事, 踏入牛年, 小好真係好希望自己可以堅強d, 開心d, 勇敢d去面對我既將來:

從來都知道身體既重要性, 舅母擒日朝早上左天堂.... 知道媽媽好唔開心....好擔心媽咪.......  以前細個時候, 甚少聽到親友會有白事..... 不過, 而家人大左, 近幾年突然好似聽得多左.... 兩個家姐之前身體又出現小毛病, 而爸爸媽媽近年身體又好似有d老化, 真係好驚.... 好驚..... 只想屋企人同我愛既人, 個個都身體健康!!

擒晚小妹祈禱, 除左希望舅母安息外, 我既禱告內容居然係.... 希望自己可以善解人意d, 可以咀甜舌滑d, 可以逗得人開心d.... 為嘜?

今日年廿八, 返埋今日就開始放假... 希望新一年一切都會重新, 一切都變得美好!!

  

 

迎新春

話咁快又一年, 下星期就到新年, 今年第一年係新屋過年, 屋苑既佈置又比我好大既驚喜! 超鐘意呢個屋苑, 小妹真係越住越開心!!! 但唯一唔好就係我越住越肥呀.... 噢!!

門口有傳統既佈置!

 

屋苑長廊有一對又長, 又亮, 又生猛, 又肥大既龍, 真係好勁!!!! 好有氣勢呢!!!!

 

see~~ 雙龍吐珠呀~~~~~ 一個字形容:　勁!!

 

小妹都唔執輸, 係屋企貼吓揮春應吓節．．．．．

舊同事"高B"送比我既教會揮春~~

 

"福"字揮春係上星期返教會送既.... 嘻嘻~  唔使買揮春, 又可以慳番筆!

 

預早祝大家：

恭喜發財！！

身體健康！！

笑口常開！！

心想事成！！

財運滾滾來！！！

Annual Lunch 2009

今年市道唔好, 以往食開既annual dinner, 今年改為annual lunch...... 唉! 玩完成個中午, 仲邊鬼有心情開工丫.............. >.<

一開始, 我地成班女仔緊係影餐飽啦... 哈哈......

 

 

今年一開始就講明每人都有現金$500墊底, 大家都開心d... (我地真係好現實呀, 嘻嘻... )

Annual lunch有幾part game, 今年小妹無參與, 簡直係零收入.... (因為嬴左game會有錢分gar.....)....

不過咁.... 小妹係lucky draw環節中左個小小小獎, 四十幾人只有大慨6-8個獎, 頭獎係 i phone呀.... 一向無嘜抽獎命既我當然無我份啦......... 我抽到last一個獎, 就係9吋digital photo frame... (仲要係公司sample)..... oh.... anyway, 始終都算係有LUCK丫!!! 好既開始!!!! 哈哈哈哈~~~

繁忙的週末(下)

星期日一早如常返教會, 當日主日學有我最尊敬既溫偉耀博士主持, 好開心!

溫博士既講道別樹一格, 既funny, 又易明... 好啱我呢d知d又唔知d既人! 係排隊入教堂期間, 小妹已經同靚靚家姐講: "你真好彩呀, 今日有溫博士呀!!".

家姐當時都唔知我發嘜up風, 完全聽完就算咁..... 當中段溫博士出黎講道時, 全場人固之然好肅靜咁去聽道, 但當中就總有笑聲, 因為每次溫博士總會講出好多可以令人發笑又有宣道既話語.... 實在令我尊敬!!

好開心係家姐聽完主日崇拜後, 佢居然send SMS比我, 話今日既講道感動到佢! 嘩~~~ 真係超感恩!!

下午, 小妹就同mpp去shopping, mpp一如以往一樣, 佢一係唔買野, 一買就一定大手買入 (哈哈~~), 今次佢d戰利品多我好多呢!!  今晚, 我地會join埋靚女家姐去睇Burberry, 希望有斬獲啦~~

 

                  

 

另外, 小妹有d好消息要宣佈吓:

1) 前後整過三次, 小妹既薑汁撞奶係星期日終於成功完成, yeah!!!!!

 

 

2) 我個叻叻mpp又上報紙呀!!!! 因某d獎項關係, mpp代表公司去領獎而上報紙! mpp, 你真係好叻呀~~~

大頭蝦既我一早忘記買報紙, 攪到mpp上畫打電話黎既時候, 嚇得我即刻衝出公司落街買報紙! 好在... 好在.... 小小既報紙擋仲賣剩兩份, 嘻嘻~~ 

為左讚揚mpp, 小妹仲送左禮物比佢, mpp好鐘意呢份禮物, 仲話會將佢放係公司添, yeah!!

 

繁忙的週末(上)

係星期六, 靚靚家姐終於成功捉左靚仔爸爸去銅鑼灣睇註明靚女中醫師 - 張琛!

查實小妹上年都有睇過佢, 佢又後生又靚女, 醫術先唔好講, 佢有好多明星睇佢, 又上電視, 收費貴之餘, 仲要做booking預約..... 如果佢醫術唔好, 我覺得佢唔會日日都有咁多人睇佢lor....

張琛話有信心去醫爸爸隻腳, 而家姐亦有信心地買左個package比爸爸, 成三千幾蚊.... 價錢可接受, 最緊要醫得好爸爸!!

由於爸爸要做針灸, 小妹一等就等到成四點, 好在有部NDS係身, 如果唔係, 都唔知點樣去打發成兩個幾三個鐘!!

送爸爸番屋企無耐, 媽咪都煮好飯, 係媽咪度食飯一定有老火湯飲, 今餐就有菜乾湯喇, 好味!!

靚女媽媽仲特登提早整年榚同蘿蔔榚比我帶走... 小妹真係好幸福有呢個好媽媽呢!!

<-- 星期六晚唔記得影相, 擒晚係雪櫃攞出黎, 個樣當然無咁靚仔, 不過, 好好味呢!

<--  小妹擒晚既晚餐呀 ^0^

辛苦搵黎至在食!

近呢兩個月忙到真係"PA"係度... 有見及此, 同事們又攪一年一度既食好d - 西餐篇!  擒晚, 我地一行8個人去左銅鑼灣 - ANTIPASTO食西餐!!

我地點左好多野食.........

 

小妹先黎一杯red wine, 其他同事有d一樣飲red wine, 有d飲champagne, mix juice, pineapple juice 同 lemonade!

 

龍蝦湯 (我無order, 不過同事話ok好味)

 

水牛芝士蕃茄片 (麻麻... 因為小妹唔係太鐘意生食芝士, 食到我打冷震.......)

 

燒三文魚沙律 (ok好味)

 

 

芝士焗粟米片 (配有四個sauce, 好好味!!!!)

 

 白汁海鮮天使麵 (好味道!!!!)

 

招牌Pizza (ok好味)

 

海鮮併盤 (ok好味)

 

Ribs (ok好味)

 

墨魚圈 (好唔掂!!!!  唔入味之餘, 墨魚圈一d都唔爽口... )

 

呢碟"唔知乜東東", 老闆娘推介.... (小妹覺得勁難食.... 因為好似好多印度果d薄荷香料....I don't like it, sorry.)

 

Cream brulee (ok好味)

 

藍莓芝士餅配雪榚 (ok好味, 不過個presentation幾樣衰...)

 

心太軟配雪榚 (好味道)

 

餐廳環境及服務ok, 但食品就好一般......  好就好在可以坐得耐, 大家一邊食, 一邊吹吓水.... relax!!

同事話個set lunch幾抵食, $88有以上同等份量既餐湯/main course同甜品! 小妹個人頂多會再試個lunch, 但肯定唔會再食dinner, 因為完全無特別! 無驚喜!!