Happy New Year 2009

話咁快又展開新一年喇, 今日返工仲要係最凍既一日, 今朝得十一度咋....

 

回顧2008一年, 小妹整體都算順利, 同mpp係上年都試過有d小風波, 好在... 好在.... 我地既感情仍然唔錯, 希望我地既感情有增無減....  而係十一月同十二月期間, 有d唔開心既事困擾住.... 好感恩地小妹身邊有個可以共患難, 可以甘苦與共既mpp, 佢的確幫左小妹唔小!! 多謝你同辛苦你呀honey!

 

係除夕夜, mpp帶左我去灣仔睇煙花.... 我地身旁有幾堆鬼佬, 佢地個個都有備而黎, 帶齊哂香檳/紅酒/紙杯/party眼罩同吹BB, 企係佢地身邊都feel到好開心呢.... 特別一提, 有個鬼妹仔勁熟練地用單手開香檳, POP一聲! 咁就單手開左樽香檳, 好勁呀!!

 

10... 9... 8... 7... 6... 5... 4... 3... 2.... 1.... HAPPY NEW YEAR!! 同mpp就係咁樣一齊渡過左一年...  IFC放既煙花唔多, 但感覺仍然好好, 因為有個mpp係我身邊嘛, 嘻嘻...

 

2009年, 希望大家都身體健康!! 心想事成!! HAPPY NEW YEAR!!!