葉問 (Ip Man)

一直有聽身邊既屋企人同d同事講, 佢地異口同聲都話"葉問"好好睇.... 呢套上映左都差唔多一個月, 前日終於同mpp去左睇.... "葉問"果然勁!!!

 

坦白講, 小妹一向對甄子丹d戲麻麻地... 對佢今次套戲, 小妹個人認為佢d表情好木... 毫無表情個隻..... (你可以話佢演繹緊葉問... 但.....真係太小表情lor.....) 加上熊黛林..... 兩個人木上加木! 單講佢兩個人既單獨演出, 太平淡喇.......  另外, 螢幕上既甄子丹, 塊面勁幼滑....??!! 唔知真人d皮膚係咪真係咁好呢??

 

不過, 論到打鬥場面, 嘩!! 簡直excellent!! 成套戲好流暢! 好緊湊! 故事交代得清清楚楚! 唔老套之餘, 又好有意義!! 簡直可以宣揚我地中國人既武術!!! 勁呀!!!

 

值得一讚係樊少皇, 佢個外省佬look好掂... 比起佢要做番個後生仔好百倍!!

 

遲到好過無到!! 好在, 小妹都無錯過睇呢套好片!! 大力推介!!!