幸運是我!

小妹係家中排行最細, 自細就覺得, 除左大哥之外, 屋企所有人都好錫我, 同媽媽+家姐既感情就特別好!

早幾年自己有d唔開心事發生, 特別感受到家人既愛護, 好感恩我有一個好好既家庭!!

靚女媽媽 -

相信每個人都好鐘意自己個媽咪, 而我媽咪就最值得我自豪, 因為佢真係超級正!!! 不論佢幾辛苦, 幾唔舒服都好, 佢都會堅持煮飯比我爸爸食..... 不論細個生活幾艱難都好, 佢都會為我d哥哥儲錢 (例如哥哥比家用, 媽咪會暗地裡為佢keep起一半或大半, 到哥哥話要結婚時, 媽咪會突然攞一筆錢出黎比佢結婚用......) oh... 真係非常偉大! 如果係我.... 哈哈.... 仔女比幾多我都會照代啦.... 哈哈哈哈....

靚仔爸爸 -

自細爸爸好鬼惡死, 小妹超驚佢... 記得細個做錯野時, 比爸爸打到飛起..... 不過佢而家越老越變得頑皮同可愛... "火" -- 佢到而家仍然好勁, 聲大大咁.... 不過, 當中就多左份稚氣, 鐘意人地氹吓佢咁!

家姐 -

我好lucky有兩個超超超超超好既家姐, 成日都好似呀媽咁為我操心.... 呢點令我覺得幾慚愧..... 不過, 我地到而家, 仍然仲好似細個個時一樣, 有時都會鬧吓交, 甚至會發吓顛, 大家唔搵一排, 玩絕交!!  不過, 切肉不離皮, 我地仍然好close呀.... 坦白講, 我呢兩個家姐, 真係好到無野好講........ I'm really so lucky!!!

哥哥 -

兒時同d哥哥關係好一般, 感覺有d疏離, 好日都唔會通吓電話或者傾心事.... 特別係大哥, 細個個時成日蝦我, 超唔鐘意佢..... 不過, 自幾年前既一d事件, 小妹發現原來哥哥們對我都好好, 好關心我, 亦好擔心我......

三哥係內地工作, 近年小妹同呢個呀哥感情就最好... 擒日佢突然打比我, 因為大陸有四日元旦假期, 所以返左黎香港, 佢打電話比我係約我打邊爐.... 哈哈... so surprise!!! 就係咁, 第一次同兩個呀哥+呀嫂.... 係無爸爸&媽媽係身邊既情況底下(真係好少有), 四條友仔單獨出街食飯... oh.... 感覺好特別! 只可以講, 親情真係好可貴!!!!