活在當下

難挨一星期終於完結, 擒晚終於送走客人.....

打從星期一開始, 連續三日同兩個客出去做野..... 每日都工作到半夜至返到屋企, 成個人散哂.... 感覺自己同一條"行屍"無嘜分別, 成個人係就係棟左係度, 不過只係一個軀殼, 完全無靈魂咁....

係星期四好d, 個客上黎公司meeting, 諗住佢會六點前攪掂走人, 點知佢做到成6點半都無反應話要走..... 幣就幣在mpp約我大約7點食飯..... 嘩... 勁心急又唔知點算好!!! 一來又唔好意思催個客走喎.... 二來更加唔想mpp等咁耐...... 最後, 我就同個客講公司d冷氣7點前會關 (呢點係事實), 我地最多只可以做到7點.... 哈哈.... 客人都好明白事理, 所以個晚mpp只係等左一陣...

擒晚, 個客last一日係香港... 一早佢好乖咁又上左黎公司meeting (比我更早呀... 因為我擒日遲到, 嘻嘻...), 之後, 又要帶佢去尖沙咀meeting.... 然後返公司攪埋d手尾..... 漫長5日既行程終於結束, 個客擒晚搭夜機返歸! 而我.... 擒晚, 當所有同事放工去happy Friday時... 小妹仍然一個人係公司度埋手工作..... 9點幾時, mpp突然打比我, 當個傻佬知我OT後, 即刻催我收工... 仲同我一齊去食糖水添! 真係sweet sweet.....

呢個星期, 突然有d感受...

- 好少係幾日內meet到唔同國家既人 (意大利, 瑞士, 英國, 希臘, 以色列, 韓國, 台灣, 大陸, 香港.....), 突然覺得自己比起以前成熟左好多好多... 由一個無經驗, 唔敢講英文又英文好鬼"使"水皮既人... 變成而家都可以ok地去handle客人, 當中當然仲有好多地方要學習...不過, 已經自覺自己進步不少.

- 壓力.... 越黎越覺得自己處理唔到壓力..... 試過有一晚OT時, 收到mpp既sms後, 淚水突然湧出黎.... 有時諗.. 點解自己會咁苦命.. 點解我份工會咁辛苦... 點解... 點解..... 正當自己又諗歪時, 哈哈, 全能既天父會給我智慧.... 係星期四晚, 經過三晚馬拉松式工作, 真係累到不得了....  難得一晚可以早小小放工, 梗係要係屋企攤"斗"一吓.... 睇電視時聽到一段好有意思既旁白...... "PRESENT"解作現在, 亦可解作禮物, 能活在當下, 係上天一種恩賜....  用自己既能力活於每一天, 亦是一份禮物... 感恩!! 感恩!!!!