真的緊張了@ 緊張真的了

今朝好早起左身, 突然心情好緊張.... 呢d應該係準新娘子應有既感覺吧!!!

原來聽日要返多一日工, 不過小妹仲有好多鎖碎事要做, 加上跟本無心情返工, 所以索性攞多日假!!  聽日開始, 全面努力迎接做林太既新生活

擒晚做完冬返屋企, 見到屋苑既聖誕佈置, 忍唔住叫mpp幫我同薑餅人一家合照!!

祝大家聖誕快樂, 2012年再見~~

冬至驚喜

今日冬至, 好多驚喜發生~~

先有零晨時份, 一位已離職既舊同事突然whatsapp我, 估唔到佢仲記得我既婚期... 由於同個位同事無嘜聯絡, 小妹唔好意思打擾人, 所以無派帖比佢!!  好開心呢位同事完全唔介意, 小妹當時歡迎佢黎我同mpp既婚禮啦 ~~

中午時, 收到秘書小姐既一份神秘禮物, 好surprise~~~

驚喜一浪接一浪, 啱啱又收到一份禮!! 話說有一新同事搬左黎小妹住緊既屋苑, 早兩個星期我地大家吹水時, 不約而同覺得我地住緊個區好凍, 就算唔開窗, 仍然超凍!!!  估唔到同事好有心, 佢夾左幾個同事一齊送左部暖爐比我, 小妹真係暖在心!!!

真心多謝哂大家, 小妹真係一個幸福既人!!!

進度篇

唔夠一星期就出嫁了... 心情無之前想像中咁緊張!!  不過, 近排心情非常煩躁, 好多牟騷發, 辛苦左mpp... >.<

擒日off左一日, 一早去左做facial.... 小妹好勤力呀, 一星期一次, 希望當日皮膚好d, 易上妝一d !!

呢幾日馬不停蹄, 日日有豐富節目!!!
- 星期一, 返工後去左fitting (好不幸地小妹呢次既減肥無不進行, 條腰同手擘依舊係咁粗.... >.<), 之後去左攝影公司攞banner!
- 星期二, 去左玻璃教堂睇場 + 試cd 及 成長片
- 星期三, 幫爸爸改褲後交比家姐帶番屋企!
- 星期四, 是日做冬!
- 星期五, 到化妝師公司揀accessories
- 星期六, 去mpp屋企執屋
- 星期日, 去攞婚紗
- 星期一, 安床, 下午返媽咪屋企執屋, 晚上取鮮花頭飾!
- 星期二, 做林太太了 ^0^


擒日係玻璃教堂試播成長片, 第一次睇成長片時發覺首歌有d慢, 效果唔係幾好.......  不過, 擒日係靚音響底下, 第一次睇片feel到有感動既感覺!!  緣份真係好奇妙, 將我同mpp係兩個唔同世界拉在一起!!

期待婚禮既一刻!!!

God bless Me ~

黎緊7日天氣~~

25/12聖誕日低至10度...    

26/12氣溫開始上升..... 

結婚當日好需要太陽伯伯呀 ~~~

主呀, 真的需要祢既保守!!!!  

 

12月健康月

今年3月做過既小手術,
 按醫生要求9個月後要做檢查!


 2星期前, mpp陪小妹再入院照片,
 上星期mpp再陪我返去見醫生睇報告,
 好開心小妹身體一切正常!!
 醫生仲話小妹既傷口埋得好好!!
感謝主!!!!


由於小毛病好易覆發,
 醫生建議每年12月都要照片....


即刻話....
以後每年既12月,
小妹會有多野做...


包括預備聖誕...
慶祝我同mpp既結婚週年....
 仲係要book醫生呢~~

cocktail wine

cocktail wine已經準備好
買左3款唔同既酒

紅/白酒係mpp細心挑選
支Andre rose sparkling wine係我特別揀既
因為我怕有d姊妹們唔想咁strong既酒
有氣葡萄酒會啱女仔多d
小妹係咪好細心呢





cocktail 仲有fruit punch同汽水任飲
 睇怕d賓客淨飲唔食野都會飽

 

Honeymoon@茶會

上星期四下午請左假, 中午先去洗牙, 之後去左中環開茶會!!

永安既茶會室環境好大, 佢地提供既茶點仲好好味添~~

每人有一張飛, 可以揀點心或者cake... 古古力蛋糕配似pappagallo雪榚, 減緊肥既我都忍唔住, 將佢地統統送到我個肥肚腩入面, 哈哈~~

有水果, 有飲品, 有小蛋糕... 如果有埋主菜, 呢盤食物就十足十飛機餐咁!! 

月底歐洲天氣好凍, 我同mpp已經買好哂預寒衣物, mpp仲download左好多戲入i-pad入面, 等我地可以坐飛機時唔使咁悶, mpp你真細心呢~~

越洋賀禮

 

好開心, 擒日收到北歐客人越洋寄來既賀禮, 小妹真係好開心 !!

睇吓佢地自製既咭, 真係好有心思呀~~






唔經唔覺, 小妹係公司已經做左6年幾, 同上面既男客人合作足咁耐!!  呢個男客人好錫小妹, 我地一齊去左好多地方出trip, 同呢個客出差好開心, 因為我地兩個成日都有好多趣事發生!!

另一個女客人, 小妹05-06年同佢合作, 我地出過2-3次trip, 雖然相處時間好短, 不過小妹同佢可謂一見如故!!  小妹當時仲同分享左好多心事, 而佢仲比左好多意見我!  記得有一次出trip最後一日, 佢突然送左支lip gloss比我.... 而家雖然已經無再同佢合作, 不過每次大家見到面都會有個big hug, 大家問候一下咁, 佢對小妹真係好好... ,想唔到佢仲對我咁有心送賀禮比我, 小妹真係lucky有呢兩個咁sweet既客人!!

睇番06年10月出trip d 相, 我地當時係大陸義烏機場上機, 當日我地仲坐頭等位添, 好懷念呢~~

倒數兩星期

仲有兩星期..... 緊張+ing!!

呢排真係好忙... 係堅忙!!!  身. 心 都咁忙... 好多野攪.. 好多野諗... 莫非小妹有婚前憂慮症, 哈哈~~

上星期五, 我同mpp分別都相約左d好朋友派帖!!  我個朋友仔Irene係聖誕出trip, 好可惜佢出席唔到我個婚禮, 當日小妹一心諗住Irene會請我餐飯, 點知反過黎我要請番佢.... 點解?? 請看下文分解

呢餐由小妹請客, 我地去左新港中心既"一風堂"食...  味道唔錯呀, 小妹例牌唔食澱粉粉, 不過唔記得影Irene既拉麵 >.<

呢個豆腐沙律配芝麻醬好好味!!


辣味炸雞都幾好味, 不過小妹食完先擔心, 驚太熱氣, 希望唔會爆瘡啦 ~~

食飽飽後, 街上既氣溫實在太低.... 好凍, 好凍!!  小妹再邀請Irene食糖水!!  唔知係咪天氣太凍關係, 許留山入面好多熱糖水都沽清 >.<




無想過會收到Irene既厚禮, 小妹當然要請食飯作為回禮啦~~~~  呢個禮封係大口仔design, 好cute好可愛, 多謝哂 Irene, 小妹收到哂你對我既祝福 ^^

話說星期五晚尖沙咀既食店超多人, 小妹6:50pm到新港中心!!

先去一風堂攞飛, 當時有好多好多人等緊....  所以小妹再去Ruby Tuesday攞多張飛, 不過Ruby Tuesday話留電話, 有位就打比我!!

最後等左個幾鐘, 8pm係一風堂等到位...... 食飯期間小妹miss左Ruby Tuesday既call, 睇番當時既時間係9:30pm, 亦即係話如果我係Ruby Tuesday門外等位, 我要等成2-1/2鐘先有位, 認真誇張!!!!

花仔花女

小妹同mpp既婚禮已經進入倒數階段, 心情實確好開心.

花仔花女人選早已定好, 不過所謂既定好, 其實係由花仔花女本人決定, 佢地就係我既姨甥仔同姨甥女喇!!

佢地細細個已經話要做我花仔花女, 等左好幾年, 呀姨終於嫁得出, 哈哈~~  呢兩位小朋友已經成9歲10歲, 特別係姨甥女, 家下已經同我差唔多高, 相信到時呢個花女一定好攪笑~~

為左令我對花仔花女cute可愛d, 我呢個呀姨就準備定花藍比佢地 (特別要多謝我個好同事十蚊, 佢好有效率地幫我搵到個好靚既心型藍, thank you~~)!!

加工後既花藍, 已經感覺到當日既喜悅了~~

未加工前既花藍

MZZ 無添加晚餐

 

星期日晚, 小妹煮左餐"甜蜜無添加二人晚餐"比mpp食


今餐有 "MZZ好味但樣衰燒肉" , 以及 "MZZ好味又靚仔冬菇炆花膠"

燒肉係跟電視MAY姐食譜整呀, 第一次整燒肉, 其實都算易整, 不過可能小妹屋企既焗爐火力低, 跟MAY姐食譜所焗既時間唔係好得, 最後焗出黎既燒肉皮超脆又好味, 只係個LOOK有d樣衰... (因為小妹心急, 較大左個火 >.<)

食譜…From馮美基may姐

五花腩   500g(我買左一件$45)

幼鹽 1/2湯匙

粗鹽    150g

紹酒     1湯匙


做法：

1. 洗淨五花腩, 用薑蔥水出水
2. 灼完後即放入冰水浸，五花腩要浸到變涼, 沖淨後抹乾水 (五花腩要請肉檔刮淨)


3. 用紹酒、幼鹽抹勻整件五花腩, 醃過夜!
4. 到第二日焗前30分鐘, 要將五花腩攤暖, 之後再抹乾水
5. 用粗鹽鋪上五花腩豬皮上, 約半吋, 然後放入預熱150度焗爐焗一個鐘

6. 一個鐘後, 五花腩拎出黎, 刮走豬皮上既粗鹽後,  再用200度焗爐焗15分鐘
<<小妹就係呢度出問題, 焗15分鐘後個豬皮無完全爆開, 最後我多焗差唔多30分鐘 >>

(焗15分鐘, 豬皮無完全爆開)


(多焗差唔多30分鐘, 豬皮爆開哂... 不過因為小妹心急, 較大左火力到210-220度去焗, 所以部份豬皮起左個大泡泡, 個look好樣衰 >.<)




7. 最後將五花腩放涼10分鐘, 切去底部d肉(因為個底d肉好硬), 再斬件, 小妹自家制既燒肉終於做好左!!

第一次整既燒肉雖然有d樣衰, 不過呢個燒肉真係好味道, 而且個面勁香脆~

 

又一姊妹夜

過大禮後, 呢幾星期都忙終約d同事朋友仔出黎食飯, 派帖比佢地.

上星期約左班舊同事, 去左旺角食飯!! 今次又係揀"風月堂", 因為我貪呢度可以比我地慢慢坐, 可以傾耐d, 哈哈!!

小妹家下減緊肥, 所以order左"煙三文魚沙律"... 不過, 食完唔係好飽 =D

舊同事K黎之前, 上左openrice做定reseach, 話呢款海鮮麵comment好好~~  果然同事K都話呢個麵唔錯!!



有兩個舊事一樣order呢個白汁蝴蝶粉.... 我都好鐘意食呀... 不過有得睇無得食 >.<

另有一同事order意粉, 不過傾得太開心唔記得影相, 哈哈~~


食飽後, 呢度d甜品咁好食, 我地又點會錯過呢~~   好味!!

黎緊仲會約d朋友出去食飯, 小妹一定會忍口, 繼續努力keep fit,~~~  :)

感恩

 

仲有三個星期做林太了, 唔知係咪好多人都feel到小妹狠嫁狠到出哂面, 公司有一男一女同事們好鬼馬, 成日都叫我做林太, 攪到人地鬼死咁尷尬! 不過就好啱聽~~


某重要事情要係呢個星期內攪掂, 由於dealine既時間太迫切, 有好大機會唔可以係限定時間內處理好... 為左呢件事, 小妹整整一個月都瞓得唔好, 好擔心... 真係好擔心.... 差唔多每晚都瞓得唔好!.   


有宗教信仰既小妹, 開心同唔開心時都會禱告, 同天父分享!!   上星期, 小妹為左呢件事禱告, 求天父為我行神蹟, 小妹實在非常希望此事可以早早解決!!  禱告係求主可以係星期一將事件處理好, 唔好再令我擔心!!  真係好感謝主, 擒日件事真係突發性咁解決左!!!!!!!!!!!!!!!!!!  好感恩!!!!!!!!!!!! 原來天父真係有聽到我既禱告, 為我解決問題, 實在好感恩!!!

攪結婚呢段時間, 我同mpp都好左唔少錢攪婚禮!!  唔知係咪神知道我地唔係有好多錢, 我地總會搵到合適又平既野~


小妹打算買一個紅色綉球, 放係女家門外玩接新娘時用, 市面上紅色綉球既款式好娘, 小妹唔鐘意!!  見訂帖公司入面一個小小既粉紅色玫瑰花球好靚, 雖然size細左少少 (約10cm), 不過小妹都照訂, 但叫老闆娘幫我改為紅色!!


上星期終於收到個紅色綉球, 個綉球好靚, 小妹非常滿意!!!  最開心係老闆娘特別幫我用左比較大既紅色花, 綉球睇落大左好多, 啱哂放係門口度!!  唯一問題係綉球上既絲帶太短, 小妹又係時候要搞作下....





登登登登... 只係簡單加左條紅色絲帶, 哈哈, 攪掂哂!!!  獨一無二, 屬於我同mpp既"紅色綉球", 好拎拎啊~~