廣州trip -- OCTOBER 2010 (Part 2)

上廣州工幹好忙, 身心疲累!! 皆因要長時間... 全天侯式去照顧客人..... 同埋我地個boss!! >.<

 

早上

每朝我地都會係酒店食完個豐富早餐buffet先至出發工作, 叉足電!!

 

中午

不幸地大多數客人都做都唔知時間.... 有時可能要成三四點先有break食lunch..... 有時甚至無lunch食... 好無陰公!!!

 

黃昏

呢個時候, 係我地返酒店既時間!!! 唔好以為可以抖抖... 查實我地要帶埋notebook上大陸, 每晚要將當日客人所做既野, 全部入番哂電腦...... 好彩既話可以好快攪掂..... 唔好彩既話, 可能要做通宵.... 小妹就試過做到朝早六點... 然後勁急咁要執行李趕飛機..... 唉!!!!!!!!!!!!!!!!!!!!

 

晚上

等齊一team同事返到酒店時, 我地會出去食晚飯.... 雖然有大量工作在手, 不過, 做完成日野真係好鬼累... 今朝有酒今朝醉.... 我地一定要relax吓呀!

其中一晚我地一行八人, 走去一間香港都有既酒樓打邊爐..... 叫左好多野食, 雖然價錢同香港差唔好, 但至少食物好似會有d保證 !!! :) 

 

消遣

長時間工作, 太容易令人乏味!!! 快速減壓方法...??!!?? 行吓街, 買吓野應該會有d幫助, 哈哈~~

 

亞運就快到, 廣州到處都有亞運消息!

 

為左亞運, 廣州到處都加左好多燈飾... 不過, d燈飾多到... 你會有too much既感覺!!!! 

 

點解有呢種感覺??? 因為我地住既酒店, 係正亞運既運動場附近, 佢地每晚都開哂D埋射燈.... d laser誇張到可以射入房間..... 唔知仲以為好似拍電影咁, FBI要捉人..... 誇張又唔環保!!!