當造

上星期日大姐夫吹雞返靚靚媽咪屋企食晚飯, 皆因佢有個大陸客, 托人係上海送左一籮大閘蟹黎香港比姐夫食!!

 

當日中午同mpp先返媽咪屋企, 幫手收左呢籮大閘蟹....  當晚二家姐幫媽咪手整蟹, 隻隻大閘蟹都好大隻, 又勁多膏....... 姐夫話呢批蟹如果係酒樓食, 起埋收二百蚊一隻.... 雖然小妹對大閘蟹無特殊喜好, 不過... 我都唔執輸, 食左三隻呀!

 

中午係媽咪屋企收完蟹後, 小妹就出去做"跟車"......

 

因為mpp當日有事做, 要揸車攞野比人, 而小妹係一名切切實實既跟得夫人, 所以跟實mpp, 當作遊車河~~~~~

 

呀! mpp係呢個blog既靈魂人物, 所以要耐唔耐比佢出吓場, mpp, 快d同大家say個hello先啦.......  哈哈哈哈~~~