最後一日既北京之旅, 個客好好人, 比左RMB1600book左呢架AUDI, 我地一朝早出發去長城, yeah~~
我地選擇去長城既"八達嶺", 到達山腳既一刻好興奮呢~~
我地要搭呢種纜車上山..... MADE IN CHINA..... 感覺有d驚.....
歷史資料:
八達嶺長城史稱天下九塞之一，是萬里長城的精華，也是最具代表性的明長城之一。這里是長城重要關口居庸關的前哨，海拔高達1015米，地勢險要，城關堅固，歷來是兵家必爭之地。
終於上到長城喇, 呢度真係好宏偉!!! 心情勁興奮呀~~
可惜八達嶺真係好難行.... 要上到最高峰位置, 條路好斜.... 好斜.... !! 梯級又多又高, 而且個客行得勁快..... 小妹真係行得超超超辛苦呀.....
小妹我年紀又大, 平時又無做開運動, 呢度海拔高達1015米..... 簡直令我透唔到氣咁滯..... 呢個時候真係諗起mpp... 如果個傻佬係我身邊, 我諗佢會幫幫我, 拖住我上去.....
終於上到最高位置喇..... 小妹話左比個客聽, 我地中國人有句話叫 "不到長城非好漢"... 個客上到去後, 即刻勁興奮咁話自己終於做左個REAL HERO, 哈哈~~
而小妹我呢, 當然不甘示弱... 終於"冷"到上黎.... 我都係一條好漢啊, 哈哈~~
由於要趕飛機, 所以只係長城逗留左20分鐘左右就走人!
今次個trip真係可謂寓工作於娛樂, 多謝哂我個客人, 亦都多謝我個mpp, 批准我同男人單獨出trip, 哈哈~~
沒有留言:
張貼留言