終於到聖誕月喇~~
除左情人節,
聖誕係我第二最鐘意既節日!!
好懷念細個個時,
大家會買好多聖誕咭,
送比d同學同朋友仔!
而聖誕咭上大多數都會寫:
Merry X'mas and Happy New Year...
呢個年代吓吓興環保,
送聖誕咭好似老土左d...
好多人會用e-card代替,
而我...
已經懶得send左好多年.....
家下無哂d好warm既感覺!!
anyway,
聖誕亦係我最傷腦筋既節日,
因為,
又係時候要諗諗買d嘜野送比mpp.....
2009年11月29日 星期日
)2009年11月26日 星期四
離哂譜!
唔想係自己個blog鬧人, 但唔鬧條氣又唔順....
話說擒晚無覺好瞓..... 皆因瞓到夜晚差唔多一點時, 突然聽到d掘路聲.... 初時都唔係好敢相信... 小妹住係四十幾樓, 唔知係咪d聲音往上升關係... d掘路聲好似越黎越大... 簡直難以入睡!
小妹明白某d道路日斗可能比較多車, 需要夜間進行維修... 但都唔使成一點鐘至開始整吖.... 可以九點, 十點呀咁開始....
大部份人一點鐘都應該處於熟睡啦..... 呢個時間至開始整.... 簡直痴線!!!
結果好似攪左成兩個鐘至停.... 我仲要"山"窗先瞓到 (要特登開廳個窗, 打開房門 ).... 離哂譜! 攪到我家下鬼屎咁眼瞓!!!!!!
2009年11月25日 星期三
)... 2009年11月24日 星期二
史上最強
擒晚去左唱k, 有件勁爆笑既事發生....
話說, 我既可愛既助手出左部新電話.... 本來係無嘜特別.... 不過, 當佢拎出黎時大家勁爆笑......原因係...佢部新電話勁長.... 長到同卡拉ok個remote一樣.... 笑到我傻!!! 我地仲叫佢唔好收埋個電話, 比我地來黎點歌.... 哈哈... 激死佢!!
分類： 影相手機 品牌： LG 推出日期： 約 2009 年 11 月 一般介紹： - 價格： 約 HK$3,880
更新日期：2009-11-04網絡系統： HSDPA / UMTS / GSM 850 / GSM 900 / GSM 1800 / GSM 1900 像素： 500 萬像素 短片拍攝： VGA@30fps 手機型狀： 直身 機身顏色： 黑色 尺寸： 128 x 51 x 10.9 mm 重量： 129 gram 天線： 內置天線 操控： 輕觸式 電池種類： 鋰電池 (1000mAh) 通話時間： 400 分鐘 備用時間： 370 小時 內置記憶容量： 1GB 可擴充記憶： MicroSD 最大支援記憶體： 32GB
2009年11月22日 星期日
同甘
同mpp一齊咁耐, 我成日都跟住佢... 佢去邊, 我去邊.... 佢睇嘜, 我睇嘜.... 佢食嘜, 我食嘜(多數啦~~ 哈哈).... 估唔到, 佢作病, 我都作病!!
話說上星期同mpp去酒店食完buffet兩日後, mpp肚痌要睇醫生, 見到佢個樣殘殘地.. 我都唔開心...
點知係星期六, 我開始肚痌... 返公個朝早痌左三次, 中午返到屋企好唔舒服, 瞓完個晏覺起身食完野食仲更加唔舒服.... 到左夜晚, 忍唔住衝左入廁所狂嘔.... 小妹都已經記唔起對上一次幾時嘔過, 應該至少有成廿年無嘔過.... 嘔個下好辛苦... 不過嘔完個心就無咁辛苦!
擒日痌左大半日, 好左而家無嘜事, 不過個人就好唔精神.... 如果今晚唔係約左d同事唱K.. 相信今日攞sick leave既機會好大....
Good health原來真係好重要!!
2009年11月19日 星期四
多謝分享 ^0^
呢篇blog好想分享一下網絡既偉大...
一向無知既我, 自覺而家好多野都可以係網絡上面搵到答案... 特別係整餅, 從未上過任何烘焙課程既我, 萬想不到自己可以成功做出一個如此成功既蛋糕! 真係要多謝一d無私又肯同人分享既blog友們!!!
今次整餅成功, 特別要鳴謝"韋太"... 我係you tube上搵到佢教人"如何平均將海棉蛋糕切開"既短片! 雖然唔識韋太, 但係都要同佢say THANK YOU, 多謝妳無私既分享!!!
BTW, 我屋企無轉盤, 所以我用左平底碟, 然後一手楂刀, 一手自轉個碟... 雖然有少少鈍鈍地咁... 不過一樣work gar~~~
2009年11月18日 星期三
MPP 慶生buffet夜
17/11 mpp生日當晚, 我地去左尖沙咀Holiday Inn食buffet!!
食之前, 我地緊係影番張相啦~~ 今年送左幾份生日禮物比佢, 其中一份就係mpp著緊個件冷衫, 配埋個superman頭...... mpp, 你好靚仔呀, 哈哈~~
Holiday Inn都有幾多野食, 地方夠大, 擺放出黎既野食好吸引!
我同mpp本身食量唔大, 不過, 每逄食buffet, 我地個肚皮同胃口都會突然變大, 因為d野食真係好吸引呀, 嘻嘻~~
除左buffet外, 酒店仲有一個menu, 當中有一d特色食品比客人任order!
我地就order左醉雞....
泰式蝦餅....
燒汁帶子....
同埋好滋補既蛋白燕窩喇!!
~~ 完 ~~
mpp生日蛋糕食譜
今日攞左一日假, 係屋企休息一天... 咁凍天氣stay係屋企, hea吓咁, 感覺真係好呀!!
講番mpp個生日蛋糕, 第一次做有蛋糕餡既birthday cake, 可算係膽粗粗!! (之前整過五個蛋糕, 全部都係cheese cake)!
有過一次用"全蛋法"做海綿蛋糕既經驗, 再加上睇吓人地既blog, 同埋問吓同事... 今次用左三個鐘, 成功做左呢個咁靚既蛋糕出黎, 真係好開心!!
材料同步驟唔算難, 原本"只要有恆心, 鐵柱磨成針"係真gar!!!
材料及做法:
1) 蛋糕
- 先用"全蛋法"做左一個6吋蛋糕 (詳細可以"click"呢度, 參考上次篇blog)
- 蛋糕倒扣放涼後, 切去表面層皮, 然後切開三片備用!
2) 脆餅底
- 材料: 朱古力脆脆60g, 黑朱古力35g
- 黑朱古力用熱水坐溶後, 混合朱古力脆脆, 然後舖在6吋餅模, 放入雪櫃雪1小時
3) 打起甜忌廉備用
4) 手指餅一包
5) 新鮮水果
雪好脆餅底後, 之後既過程都幾好玩!!
A) 脆餅底脫模後, 用刀塗上一層打好既cream, cream上面平均放上雜果 (我用左士多啤梨, 奇異果 同 芒果), 然後放上第一片蛋糕!
B) 之後重複以上步驟, 直致放上第三片蛋糕!
C) 在最面層(即第三片蛋糕上), 以及蛋糕周邊全部塗上忌廉!
D) 在蛋糕周邊圍上手指餅 (因為手指餅兩端圓圓地, 所以要切尾, 咁樣可以令手指餅企穩)
E) 圍好手指餅後, 可以舖上裝飾既水果, 再打上靚靚既絲帶, 攪掂!!
後話:
呢個膠盒好好用, 而且環保嘛, 唔使成日買紙盒!!
先係碟上試放水果擺位, 然後移放蛋糕面, 咁就萬無一失啦~~ (呢個芒果花都係比我試下試下咁試出黎gar, 哈哈~~)
睇吓, 切開蛋糕後, 一層忌廉一層蛋糕咁... 而且d cream上面又有雜果, 好好味呀!!! 我真係好有滿足感呢... yeah~~~
mpp見到蛋糕都好開心, 仲問我係咪買番黎, 哈哈~~ 最攪笑係佢話個芒果花好似我好鐘意食既"花之戀人".... 咦.... 睇睇吓又幾似喎....
2009年11月16日 星期一
Honey, Happy Birthday~~
Mpp今日生日,
祝mpp生日快樂,
身體健康!!!
擒晚已經同mpp食左生日蛋糕,
今晚會同佢食buffet慶生!!
小妹之所以呢幾日咁開心,
原因係我係weekend準備左一d生日禮物比mpp,
其中最開心係....
我整左一個我好滿意又好靚既生日蛋糕!!
只要mpp開心,
我就開心~~
Honey, Happy Birthday!!!
2009年11月15日 星期日
2009年11月12日 星期四
2012 末日預言 (2012)
擒晚同mpp去左荷里活睇<<2012 末日預言 (2012)>>,
好彩趕得切買飛,
我地睇7點場!!
之前好幾套災難片都勁垃圾,
不過,
呢套戲一d都唔垃圾, 仲勁緊張添!!
當中仲有一d笑位...
認真唔錯!!
一向對爆谷麻麻既我,
擒晚居然同mpp戲院入面爭食爆谷...
唔知有係肚餓關係,
定係擒晚既爆谷真係好好味呢??!!?
訂閱：
文章 (Atom)