《讓我愛一次》

公司要年尾放哂d大假, 所以今日攞左一日假係屋企抖抖.... 不過, 最衰mpp無哂大假啦, 如果唔係, 一定出去玩玩....

 

上星期五, mpp又同我去睇話劇, 今次去牛池灣文娛中心睇《讓我愛一次》!

 

《讓我愛一次》講述一單身戇直中年男士，他那顆戇戇純純寂寞心的深情剖白。

男主角趙正男，香港土生土長，三十七歲，大學程度，專業人士，樣貌端正，無不良嗜好，仍然獨身兼無戀愛經驗。一個條件尚佳的男士，身處廿一世紀大都會裏，談情說愛也絕不容易。他在千禧年的願望是追求一段愛情，無論是轟轟烈烈的或是細水長流的，總要讓他愛一次。

 

初聽到呢個劇名時, 以為係d勁浪漫既話劇.. 而且又有歐錦棠, 理應係我杯茶.... 可惜呢套小妹應為太多無謂既攪笑同爛gag場面, 總之就唔係my cup of tea啦~~

 

當中最深印象係一個飾演OL既女演員, 佢係個台落樓梯時唔小心跣左幾級.... 全場觀眾都嘩左幾聲, 希望佢無嘜事啦.

 

唔知係咪舞台起高左幾級關係... 頭個三行無人坐, mpp買張飛係D, 咁我地變相坐第一排..... 前面無遮無擋, 我地個位係正中間, 超正!!! mpp講笑咁講話佢包左頭三行, 比我睇d舒服清楚d喎.... 哈哈~~ 傻佬講笑話呀.... 笑死我喇!!  THANK YOU HONEY~~