Short trip

今日又再出trip, 今次要去兩個地方, 下星期二會搭早機返香港....

 

呢兩日可謂馬不停蹄, 非人生活...... 好! 先時光倒流兩日前..... >.<

 

29/10/2009 (星期四):

晨早去酒店等個客, 客字兩個口, 有d客遲到已經叫做好, 但有d客可以衰到disappear ..... 今日呢個遲左少少, 個人好幾nice, 不過衰爛玩, 成個大細路咁!!

全日通告如下:

10 至 13 -- 帶"客人J" meet suppliers.

13 至 14 -- 放飯 (香港official lunch time, d supplier踩你都傻, 好少同你係lunch time時間內meeting.... 不過咁都好, 如果唔係, 邊有咁梳乎有一粒鐘食飯...)

14 至 18 -- 同 10至13 一樣, 見客....開會.... !! (so boring.... zzzzzzzZZZZZZZZ)

1900       -- 打的返到公司, 小休15分鐘食晚飯

19 至 00 -- 係公司non-stop做野, 可惜都做唔完.... 實在太攰, 唯有放棄打的返屋企!

01           -- 洗完白白搵周公...

 

 

30/10/2009 (星期五):

呢日都唔好過....

0845 -- 晨早約左mpp食早餐, 爭取出trip前多d見下... ... 代價係好眼瞓.....

10 至 13 -- 先同客人A開會....

13 至 14 -- 好在第二個客遲到, 可以有時間食飯之餘, 仲可以比我做埋前一晚未做完既工作!!

14 至 18 -- 攪好哂D野同客人J開會....

1820 -- 個客未走我先走.... 因為小妹約左mpp食晚

 

 

31/10/2009 (星期六):

又要帶客出trip..... 加油加油!!!!  下星期見~~~

 

返歸!!

擒晚終於返歸, 四個字形容呢個trip....... 攰到"luck look" !!!

 

不過攰還攰, 呢六日出trip期間都有幾多開心事發生..... 時間關係, 先講最最最最開心既事先!!

 

呢件事就係mpp陪我食飯... 話說mpp咁啱係星期一要上廣州開會, mpp好好呀, 佢開完會後特登坐車過黎我住個間酒店, 陪我食晚飯... 好sweet呢!!!

 

不過, 呢個sweet就難為左mpp, 因為食完飯後, 佢要花成三個幾鐘至返到屋企, 辛苦你喇sweet heart!!

 

呢幾日勁忙, 要同d客開會.... 過幾日又要再出trip, 重過非人生活.... 唉!!

 

 

 

 

Zoe 加油!!!

呢兩晚都要OT到十點.....

雙眼就黎打開唔到!

 

 

聽日又要出trip,

睇怕短期內都update唔到個blog...

 

 

突然大量既工作湧至.....

有d吃不消...

希望我可以支持到....

 

 

咖啡...

係我而家最需要既....

因為今晚仲要繼續工作...

 

加油呀Zoe!!!

(又自己同自己講添... 嘻嘻 )

忙

踏入十月,

小妹又開始瘋人生活.....

 

 

 因為呢個月好多歐洲客來港,

開會.... 出差....

再開會.... 再出差....

再再開會......

 

 

今朝先同客人開會,

中午後同客人出去.....

再過幾日會出trip.....

有排忙....

舞台劇 - 《情信》

擒日係初一, 中午陪靚女媽咪食齋, 媽咪不知幾開心... 因為我同家姐真係好耐好耐無陪過媽咪食齋, 見到佢開心, 我都開心..... 不過, 我真係要檢討一下, 因為又係一個"懶"字, 我差唔多成個月先返屋企一次, 枉我個媽咪咁錫我..... 真係衰女包..!!

 

食完齋後, 我同mpp即閃, 因為我地要趕入沙田大會堂睇話劇... 今次mpp又買左我個idol陳文剛既劇 --- 《情信》!!

 

 

 

內容:

　糊塗戲班即將為香港觀眾搬演美國當代著名劇作家及小說家艾亞‧葛尼（A.R. Gurney）的繼《笑之大學》、《火星人》及《離留記》後，再次感動人心！

　　這次演出由陳文剛及魏綺珊再一次合作，以動人的演繹，把這段跨越數十年的流離所愛奉獻給天下有情人。導演梁榮忠展示他笑匠以外的戲劇實力，必定令你刮目相看！他特別為這個二人戲加插兩個年輕角色，由劇壇新進蔡瀚億及張嘉琳擔演，嶄新意念豐富多姿，包括佈景上的多媒體視覺效果，還有鋼琴即場伴奏，在悠揚樂韻下，創造出超現實的浪漫情懷，秋日戀人們又豈能錯過！

　　艾亞‧葛尼的《情信》獲美國普立茲戲劇獎（一九九○）提名，其雋永深刻的情懷令不少觀眾潸然淚下，更在美國百老匯上演超過一百場，不少荷里活影星以演出此劇為榮，曾擔綱演出的包括米路吉遜、威廉赫特等。殿堂級巨星伊利莎伯泰萊曾於二○○七年演出《情信》一場為泰萊愛滋病基金籌款，門票每張高達二千五百美元，共籌得一百萬美元，成為一時佳話。

　　《情信》講述一段由童年開始的愛情故事。數十年來兩個人分隔異地，各有際遇，兩人透過書信訴說彼此的憧憬、夢想、希望及憂傷。究竟信紙拉近他們之間的距離、維繫愛情？還是信來信往之間，蕩失了自己，蕩失了愛情，將兩人愈扯愈遠？

 

感想:

雖然兩位主角成套劇都一齊係個舞台上面, 不過, 佢地並無面對面去交談演出, 全套劇係透過讀出雙方既書信而導出兩人由兒時至老死既愛情故事!

好睇... 除左因為兩位主角係我"飛佛"外, 亦因為陳文剛同魏綺珊既合拍, 特別鐘意佢地兩個演既愛情劇, 真係好鬼死投入...

呢套劇仲有精彩既地方, 就係有一個女仔即場彈鋼琴伴奏, 兩位主角既演出已經好觸動人心, 加上鋼琴聲在旁陪奏, 更加突出喜惡衷樂既情感.... 正!!

劇尾時, 小妹已被感動到而落淚..... 好多人都會因為失去愛情後而後悔...... 既然已經擁有, 就應該好好珍惜....... 因為都係個一句, 人生苦短. !!

 

 

睇完話劇返到屋企附近已經差唔多成六點, mpp先同我去食日本野, 食飽飽後我地去左shopping買野, 都開心咁過左一個weekend!!

波波

好耐都無post我d nail art作品, 皆因小妹之前玩甲油玩得太盡, 令到d指甲有少少變黃... 怕死既我即時小休兩個星期, 比我d指甲抖抖氣!

 

除左上網學下人地既nail design外, 仲要多得我個honey mpp..... 佢個個星期都會買雜誌比我睇, 除左比我update吓d娛樂八卦事外, 我仲可以睇吓nail design!!

 

每當見到有nail design後, 我都會剪低佢, 貼落我本小小NAIL記事薄內!

 

上個星期, 指甲休息左兩個星期後, 小妹即刻開工!!  TARGET: 玩波點 !!

 

以為屋企支淺粉紅色可以做到以上效果, 點知油出黎鬼咁淺色, 帶半透明咁....... 所以我最後加上閃粉甲油, 做多層coating, 希望效果會出d!! 

 

第一次用出成七至八種顏色甲油, 同以上圖片係就係有出入, but NOT BAD吖, 我收貨喎, 哈哈~~

 

多舊魚.... =__=

呢個星期, mpp馬不停碲咁出trip, 小妹都知佢辛苦, 擒晚OT左一陣, 放工後急急腳走人, 為既係可以快d買齊材料返屋企煮飯比mpp食!

 

呢兩個餸配以糙米飯, 本應係我心目中既"有營晚餐"...

- 香煎白鱈魚(配以鰻魚汁)

- 玉子豆腐伴西蘭花

 

可惜..... 失望.... 擒晚一一擺係眼前!! 小妹好比心機去煎條白鱈魚, 點知結果係有得睇, 無得食!! 何解??? 皆因條魚太腥喇!!

 

我同mpp都只係食左一口就放棄唔食, 條魚真真真係勁腥.... 買左成幾十蚊, 食得兩啖.... 唉!!! 難為mpp出trip後趕返黎食飯.... 結果成餐飯只有玉子豆腐同西蘭花食... 同食齋無嘜分別.... 噢.......真係very dry呀!!

 

Sorry呀honey!!!

又黎餃!

我唔係北方人, 但唔知點解好鐘意食餃子, 不論水餃, 雲吞, 甚至蝦餃都鐘意食!

由於仲有好多大假, 早兩日又攞左假係屋企hea... 呢幾日最大作為莫過於包左我既"飛佛"-- 韮菜餃......... 同埋煮飯比我既至愛mpp食!!

 

為左mpp健康著想, 今次用左瘦肉, 口感肯定比梅頭(or半肥瘦)無咁好.... 不過, 為左mpp無計啦, 最緊要食得健康!!

 

今次小小地買左$5餃子皮, $2買左韮菜, 加上$15瘦肉 (仲用剩左d豬肉).... 全數$22做左27隻韮菜餃, 既經濟又好味!!!

舞台劇《四千金》

上星期五放工後, 同mpp去左西灣河文娛中心劇院睇舞台劇《四千金》!

 

故事講述二十年前一張中獎彩票離奇消失，改變了金家的命運：金爸自殺、金媽坐牢；大姐Guage終日埋首鐘錶世界，只愛與神對話；二姐Dolly變成對人歡笑背人愁的怨婦；三弟Cay是只愛吃薯片、看電視的隱蔽「電車肥男」；四弟Coy則愛流連酒吧泡妞，但閒時不與人溝通，只對小鳥說話。一天，坐牢二十年的金媽回來，早已冰封的關係突變得熱哄哄、亂麻麻，四人在生活中狂歌亂抓，抓出一道道舊傷痕，傷口越痛，唱得越高音，震撼這條僻靜的Soul Lane。失去多年的母愛即將回歸，帶來的是四千萬的生命密碼，抑或是一首動人的輓歌？

呢套劇四位主角做得好出色, mpp特別欣賞佢地四個合唱時個種默契, 而且佢地仲將一個細細既舞台做出好似百老匯式既歌舞表演, 勁!!

 

上網search後先知道, 原來今次演出雲集香港舞台劇獎得主，計有演技出眾、分別飾演金家四姊弟的廖淑芬、林澤群、黃龍斌和林小寶，還有執導經驗豐富的林立三博士...... 仲有我勁欣賞陳文剛, 原來佢係呢套劇既填詞人, 怪唔知得佢同埋佢個舞台parter魏綺珊親身到場啦!

 

睇完套劇後, mpp仲買埋佢地出既原聲CD + 琴譜, 可見mpp對呢套劇都相當滿意!

默默祝福

有關blogger Carmen, 相信有好多網友同小妹一樣, 雖然同Carmen素未謀面, 但一樣都好關心佢, 希望佢可以早日康復!

 

按Carmen老公Anthony要求, 小妹早兩日已經準備好慰問片, 仲比埋mpp, 同事, 同埋屋企人寫上佢地既關心說話落去.

 

擒晚摺好左一堆星星後, 一直擔心點樣寄出, 因為好驚會係郵寄過程時, d星星會被壓爛!

 

哈哈~~~ 感謝主又比我今朝有新idea, 比我搵到兩個玻璃天使!!! 一個天使雙手合十祈禱, 另一個天使雙手奉上一個心, 好有意思!!

 

用左一個膠盒, cut左一個片紙底坐(以固定兩個小天使), 放埋d星星落去....  效果都唔錯!! 

 

希望Carmen見到呢份禮物會高興!!  願主祝福你同你一家, 加油呀!!!

「三少一多」

由於mpp呢期身體麻麻地, 同無記劇集個名一樣, 小妹決定要做個"有營主婦".....  雖則我唔係吳魯太, 但我要學吳魯太一樣, 要煮多d有營養既野比honey食!!

而家煮飯要「三少一多」, 即係要少鹽, 少糖, 少油, 多纖維質!!!

擒晚, 小妹坐言起行, 用左一個鐘, 煮左三個餸比mpp食:

1) 蒸冬菇豆腐魚柳片

- 做法:

豆腐, 魚柳, 冬菇全部切片, 分隔排好後, 蒸15分鐘

蒸好隔水後, 淋上獻汁攪掂! (獻汁: 少少蠔油+少少豉油+少少糖+豆粉)

- 註:

呢個餸所有材料都有益, 而且用上清蒸無油方法煮, 有益又好味!!

 

 

2) 木耳炒雞柳

- 做法:

新鮮木耳要先出水及過泠河, 切絲備用

新鮮雞柳洗淨後切絲, 用少少豉油, 老抽同豆粉略醃

用少少油爆香薑絲後, 先炒香雞柳, 再加入木耳同炒, 坎蓋一會至雞柳全熟後, 加少少鹽調味上碟.

- 註:

小妹都係第一次煮木耳, 多得超市呀姐教路, 煮出黎既木耳口感唔錯... 木耳好有益, 能軟化血管 ..... 唔理mpp鐘唔鐘意食, 小妹決定每星期要煮一次!!

 

3) 蒜茸炒小豆苗

- 做法:

洗淨小豆苗

用少少油炒香蒜茸, 加入小豆苗同炒, 落雞粉調味!

- 註:

電視廣告Ricky都有教, 炒菜時可少改用雞粉調味, 會比鹽健康好多!!

無奈

擒日睇完西醫同物理治療, 醫生話我條頸靭帶發炎...

食左一日消炎藥同做過一次物理治療, 除左瞓覺ok外, 暫時好似無嘜大分別, 條頸仍然覺得痛...

擒日個物理治療師建議我帶個頸"cush"... 佢話因為個頭重達20磅, 有個頸"cush"可以幫輕條頸.... 不過個頸"cush"實在太樣衰, 我又貪靚..... 所以無買到!!!

 

不過, 家下有d後悔, 因為條頸到而家仍然忍忍作痛..... 睇怕聽日再做物理治療時, 無奈地都要買番個先得!

 

 

病病

擒日下晝, 收到姐夫急call, 話家姐唔舒服又痾又嘔.... 由於當時姐夫唔係香港, 所以放工後, 我九秒九極速去家姐屋企睇佢!

 

約八點左右姐夫返到即刻送家姐入院, 而我就做左一晚保母, 睇住姨甥女.... 姐夫幫家姐攪完入院返到屋企已經成十二點... 習慣早睡既我已經超眼瞓, 即刻飛的返屋企攪攪豬....

 

不過, 擒晚瞓得好差, 我諗我應該整傷左d頸骨, 而家條頸勁痛....

....一陣要去先睇西醫, 再轉睇脊醫做物理治療, 好煩!!!

 

過兩個星期又要出差, 一定要先醫番好條頸, 如果唔係, 我驚到時先黎痛, 個時真係唔知點算....

長假期

上星期五, 小妹攞左一日假, 連同國慶加中秋, 總共有四日長假!!

 

一心以為呢四日假會好梳乎, 點知"咋"一聲, 就咁就過去左.... 今日又要返工..... @__@

 

呢四日假期, 小妹見足mpp四日, 而且我地日日都有節目.... 不過, 每日節目過後返到屋企, 小妹都不忘繼續follow up有關blogger -- Carmen既情況!

 

好開心知道佢每一日都有新進展.... 而更開心既係, 我係facebook開既group, 短短幾日, member既數字已經上升到500位... 亦即係話, 至少起碼有500人為Carmen禱告或為她打氣!!!  而更更更開心係, mpp都係我member之一, mpp好支持我, 同我一齊關心Carmen!

 

繼續祝福Carmen同Anthony, 加油呀!!!