煮左好幾日野比mpp食之後, 擒晚有回報, mpp帶我去Excelsior食buffet!
呢度都算有幾多野食, 而且有d仲幾特別添....
四個大樽裝住好多糖, 我同mpp突然間變左小朋友一樣, 係度擇糖食....
chocolate fountain見得多, 黑白古古力噴泉一齊出現, 我都係第一次見!!
豆腐花都好普通, 但又有黑芝麻豆腐花, 同普通豆腐花一齊出現, 咁就即時特別哂!!
好多甜品....
好喇, 呢個時候睇睇我擒晚食左嘜先.... (好大食呀.......@_@)
- 魚生好新鮮, 特別一提係個蟹柳蟹子沙律, 我食左兩次......超好味!!
我既甜品時間... yummy!!!
mpp比我食得少, 呢碟係佢其中食既一碟!
由於mpp join左Excelsior member, 擒晚我地用couple免費食buffet, 埋單時好似拍吓pat pat就走人咁, 都幾爽!!!
不過, 邪惡既buffet真係好邪惡, 食完之後好有罪惡感.... 我擒晚又唔知吸收左N咁多個卡路里.... 唉!!
呢幾日又作病.... 之前有微燒, 呢幾日仲有傷風症狀.... 家吓個人仲迷迷地咁....
因為就快出trip, 我係咁迷既情況底吓, 呢星期六/日仍然希望煮D好嘢比我個honey食!
抗氧化藍莓啫喱
- mpp好鐘意食啫喱, 加入勁有益既藍莓, 成杯啫喱即時靚仔哂!!!
(藍莓好處: http://www.petbuddy.com.hk/blueberry-chi.html)
朱古力雲石曲奇
(參考: http://hk.myblog.yahoo.com/jw!Q2pAb1.YHwGRY6eqRP5BE8bB/article?mid=970)
材料：
材料：
牛油 150g
糖粉 60g （我把糖份減至 45g）
低筋麵粉 225g
可可粉 2 湯匙
鹽少許
做法:
1. 牛油室溫放軟後與糖粉打至滑身
2. 篩入麵粉與鹽
3. 把麵粉與牛油搓成麵團
4. 把麵團分成兩份
5. 把其中一份混入可可粉成朱古力味麵團
6. 把原味和朱古力味麵團隨意混合略搓
7. 把麵團捏成長條形，再用保鮮紙包好，放入雪櫃冷凍約一小時至硬身
8. 預熱焗爐，把已冷凍的餅條取出，切成約 0.5 -1 cm 厚片
9. 放在焗盆上，以 190度焗約 10- 12分鐘
10. 取出後放在架上待涼便成
小妹跟足以上減糖材料(45g)去做, 不過覺得個曲奇勁唔夠甜! 但cookie就幾鬆化, 唔錯!!
總共做左三種cookie (有雲石, 朱古力 同 牛油味), 不過小妹唔會成日做cookie, 因為做cookie用既牛油份量, 真係多到嚇死人.................. @_@
正所謂煮開有條路, 擒晚小妹又玩煮飯仔!
今餐原本只有沙嗲醬雞翼同菜, 但見mpp好想食蜜糖雞翼, 小妹臨時決定將一食雞翼, 變為兩食雞翼, 哈哈~~ (好似好勁咁..... 
蜜糖雞翼
做法簡單又好味!!!
- 先用生抽/糖/鹽去醃雞翼(我早一晚已醃定),
- 預熱焗爐210度
- 將雞翼效入已放錫紙既焗盤上 (以妨"痴"底)
- 將雞翼底<向天>, 掃上蜜糖, 先焗10分鐘
- 之後反轉雞翼, 掃上蜜糖再焗10分鐘
- 再掃上蜜糖並灑上芝麻, 再焗5分鐘, 攪掂!!!
沙嗲醬雞膇
做法都好簡單, 個汁送飯一流!!
- 同雞翼醃料一樣
- 先煎香雞膇
- 加入一湯匙沙嗲醬 / 水 / 生抽 / 糖, 大火煮滾
- 約煮15-20分鐘, 待雞膇熟後, 埋獻ok!
鮮蝦豆腐拌西蘭花
材料西蘭花 / 蝦 / 豆腐 <<豆腐係前晚用剩少少既, 唔好side嘛, 哈哈~~
做法:
- 西蘭花放入熱水(加鹽)煮熟, 隔水放入碟中
- 蝦同豆腐洗淨切粒
- 蝦用少少鹽同胡椒粉略醃
- 用油先炒香蝦, 加入豆腐一齊炒
- 然後落鹽調味, 加入生粉水埋一個玻璃獻, 攪掂!!!
今次, 小妹又係自己set既45分鐘內完成一餐飯, 永遠都希望煮一餐晚飯, 可以 快!! 靚!!! 正!!!!
話說, 擒晚mpp一邊"梅"緊雞翼時, 一邊係度讚我煮野好味!!! 小妹真係開心死........ 雖然我只係識煮d好皮毛又勁簡單既餸菜, 仲要係黎黎去去都係個幾味.......... 不過, 係熱辣辣既廚房煮完餸出黎, 得自己身邊既honey咁樣讚一句, 真係值得!!
下星期又要出trip, 又有成個星期見唔到mpp...... 所以帶病既小妹, 擒晚都堅持要親自下廚煮野比honey食!!!
雖然好耐都無玩煮飯仔, 但要煮兩個簡單既餸, 小妹都仲應付到gar..... 嘻嘻~~
今餐有椒鹽老少平安 同 蒜茸炒椰菜, 仲有加料蒸臘腸添 (肥死!!!!).... 成餐飯煮左唔使45分鐘就有得食, so good!!
椒鹽老少平安
呢個餸易煮又好味:
材料: 豆腐 / 鯪魚肉 / 蛋1隻
做法: 將以上材料連同小小豆粉/豉油/胡椒粉mix埋一齊, 然後攞去半煎炸, 上碟時灑上椒鹽係面就可以!!
註: 呢個食譜原本係"蒸"既, 但小妹唔鐘意蒸呢個version, 所以改用半煎炸+椒鹽.... 雖然肥係肥d, 但香口d嘛... I like it!!! <
蒜茸炒椰菜
炒菜更加easy job啦...
- 椰菜一個切絲洗淨
- 先炒香蒜茸, 再加入椰菜絲炒熟, 放鹽及糖調味!!
復活節假期最後一晚, 姐夫又請我地食好嘢!! 今晚我地總共6大1細出發(mpp無去), 去金龍船食晚飯!!
大家係咪好奇怪點解我地日日都食中餐..... 原因係小妹既媽咪同爸爸係勁傳統中國人, 佢地係餐餐一定要有飯落肚個隻!!
由於呢個假期真係食得太多中國野, 當我地去到酒樓時, 侍應問我地飲嘜時, 我地都好厭悶又勁無耐咁講.... 一壺普洱, 一壺壽眉!!! 全因為媽咪要飲普洱, 而爸爸飲壽眉!!!
而家經濟唔好, 好多酒樓就算係假日都拍哂烏蠅.... 金龍船而家都要做平價套餐去吸引市民, 最平既有$1200一圍.... 認真超抵!!
不過, 豪邁既姐夫又點會食呢d平野吖..... 我地無order個套餐, 我地選擇散叫.....
乳豬併海踅
雞飽翅 -- 好味到我飲左兩大碗!!
籠仔蒸蒜茸龍蝦配糯米飯底 ---- 特別係d糯米飯, 超超超超超好味!
蒸魚 (唔記得係?班添..... >.<)
咸魚煎肉餅 (呢味係姐夫突然想食既餸... 我都好耐無食, 正!!!)
蟹鉗拼鮮果沙律 -- 好味!!
西芹花枝炒珊瑚蚌 -- good!!
仲有薑汁炒菜, 不過無影到相!
之後仲有甜品.... 蛋撻仔.... 桂花榚..... 紅豆沙.... 杏汁南瓜露!!
以上美食, 六個大人加一個小朋友, 基本上無可能食得哂... (除左姐夫屬大食一族之外, 其餘既全部都屬細食...) 由於食餘太多野, 最後我同媽咪仲要打包一d返屋企添!!!!
就係咁, 小妹係呢個假期吸收左數唔盡既卡路里........... >.<
去哥哥間房放低行李後, 我地去左 氹仔「大利來記」食嘢!
呢間大排擋好出名食豬扒包, 但由於豬扒包要三點至出爐, 所以我地只係order左"豬扒麵", "豬扒多士" 同 "咖哩雙拼"(魚蛋+魷魚)!
坦白講, 小妹覺得呢間大排擋名多於實.... 豬扒並無想像中咁好味!!! 不過, 呢道真係好多人黎食, 未到兩點, d人已經開始排定隊買豬扒包..... 如果要等成一個鐘買個包, 真係NO WAY!!!!
由於無影相, 係網上搵黎一D相比大家睇睇
(Photo copy from http://ganasia.mysinablog.com/index.php?op=ViewArticle&articleId=580451)
之後我地去左威尼斯人, 小妹帶住媽咪去"打老虎" (我勁鐘意玩老虎機, hahaha~~), 一開始我同媽咪都好旺, 嬴左百幾蚊, 超開心!! 可惜力有不逮, 我地輸番落去... @__@
夜晚我地又去食好嘢 (即係鮑蔘翅肚個d咁啦.... ^0^), 呢餐哥哥做波士!!!!
食飽飽後, 我地去左葡京玩!!! mpp好厲害, 幫我嬴番哂d錢返黎!!!!!!!!!!!!!! 不過, 姐夫仲勁, 佢嬴左成萬六蚊, 認真高興!!!!!!!!!!!!!!!
玩到十一點半, 我同mpp返哥哥房攞行李走人, 點知不幸既事發生左..... 就係去到碼頭居然無船飛................... 當時我地十二點三到左碼頭, 但賣緊既係第二朝六點船, 真係超誇張!!!
呢個時候, mpp已經變哂樣, 即係咁 -------> >.<........... >.< ........... >.<............ (個樣都幾得人驚..... :S )
無可耐何下, 我地打比姐夫求救!!! 姐夫隨即打比佢個澳門朋友, 幫我地即時攞多間房住多晚!!! (查實姐夫同家姐之前已不斷叫我地留多晚, 但我同mpp都堅持唔肯.....到最後我地一樣要留低, 仲要麻煩到姐夫"夜媽媽"打比人, 真係有D唔好意思!!)
攞好房後, 叫埋哥哥一齊去食消夜, 個晚攪到成點幾二點至瞓!!
第二朝又一早起身, 我地去左酒店七樓既"呀一飽魚"飲茶! 呢度既XO醬蝦米煎腸粉勁好味, 外脆內軟! 極力推介!!!! 我地仲食埋燕窩燉鮮奶, 真係YUMMY!!
就係咁, 我地完成左呢個三日兩夜開心又豐富既旅程!!!
