Happy Birthday to ME ^^ (無添加自家製士多啤梨蛋糕)

星期日, 小妹家人上黎我既新居, 咁啱撞正我舊曆生日, 好似好耐已經都無同家人一齊慶祝生日lu....

 

難得既機會, 又咁啱今年無人買蛋糕比我切.... (係呀! mpp我而家話緊你呀!! 哼!!  ---- 女人真係好小氣呀, 哈哈~~ )... 見星期六day off 咁得閒, 就自己做個蛋糕比自己!!!

 

除左個cream打得唔好之外, 今次好滿意呢個生日蛋糕呀~~~ 

 

上面就落黎個look好靚呢~~~ 無添加自家製既蛋糕, 好味道呀!!

點攪??!!??

高科技產品 + 配以低技術既人 = 唔識點攪!!

 

高科技既I-PHONE真係好多野玩, 好多Apps可以download, 既有書睇, 又有game玩... 而且一機在手, 成個人感覺"潮哂"!!!

 

幣就幣在小妹係一個低技術既人, 本來好多野想今日寫blog出黎, 可惜我唔識安裝d軟件係公司部電腦度..... 唉....

 

好在mpp已經係屋企已經裝哂野, 唯有今晚返屋企再寫blog! 

拍拖週年禮物

7月27日係我同mpp既拍拖週年日!  等左個幾兩個月, 呢份禮物終於到手!! 多謝HONEY!!

 

擒晚同mpp去左奧海城出機, mpp一早已經用緊 I-PHONE 4, 家下終於可以擁有, 同mpp一齊有部情侶手機本應開心, 不過, 擒日發生既事令我心情super down!!  仲因呢件事係屋企喊......

 

話說 I-PHONE 4約實時間出機後係唔可以改時間日期, 否則電話公司會當你自動放棄!

 

擒日小妹攞左半日假, 因為冷氣公司confirm下晝2pm-6pm幫我換過部新機, 而 I-PHONE 4就約左夜晚6pm-9pm, 本來一切係美好既....

 

小妹屬於穩陣派, 可惜好多野都係out of control !!

1)  一早11am, 小妹已經打定電話比冷氣公司, 確認裝機師傅2pm-6pm上黎屋企

2) 2:30pm左右, 小妹一直都收唔到裝機師傅電話, 唯有打電話去冷氣公司customer service (CS) 問, 佢地話裝機師傅今日好多job, 4pm-6pm一定到達!

3) 直到5pm, 小妹依然收唔到裝機師傅電話, 再打去CS問, 佢地又再confirm裝機師傅會係5:30pm-6pm一定到!!

4) 6pm喇, 都係未有電話, 又再打去CS, 佢地又講裝機師傅6:30 - 7pm到!!!

5) 6:50pm, 小妹實有忍無可忍, 再打電話去CS, 當時我已經控制唔到自己, 喊住咁鬧個CS (好無辜咁比我鬧既謝小姐)... 我同佢講如果我再等, 我就無左部 I-PHONE, 邊個可以負責先!!!!  謝小姐好好人, 亦好體量我個case, 不過佢愛莫能助, 因為佢再contact個裝機師傅, 佢地要成7:30pm先可以上到黎!!!!!!!!!!!!!!

 

時間緊迫, 謝小姐建議我先出去攞機, 叫個師傅8:30再上黎!!  就係咁, 我要飛的去奧運城, 又係奧運城飛的返屋企, 來回無左$240!!!  最大問題係如果我用credit card出 I-PHONE, 可以免預繳之餘, 仲有一年無限上網, 再加平價用增值服務!!! 可惜係我要趕返屋企等個死人裝機師傅!!!!!!!!!!!!!!!! 我等唔切個職員問銀行攞code.... 最後, 我要比四千幾蚊出黎!!!!!!!!!!!!!!!!!!!!!!!!!!!!!!!!!!!! 越諗越好火呀!!!!!!!!!!!!!!!!!!

 

成件事最火係, 冷氣公司customer service原本同我約時間時, 我問過佢地可唔可以6pm-7pm, 咁樣我可以唔使請假!! 但佢地講明一定要係office hour 6pm前完成!!  家下我白白請左半日假, 無無聊聊係屋企白等左半日!!! 點計先??!!!??!!

 

不斷打電話去customer service度follow up, 佢地不斷推遲時間, 好離譜!!

 

今朝customer service有個高級職員打電話黎say sorry, 我又鬧左佢一餐, 佢地會出道歉信比我! 另外佢話會送多半年保養比我!!!

 

不過, 我同佢講話呢d野對我一d用都無, 成年事問題係佢地跟本control唔到d員工!  我對事唔對人, 我同個高層講, 我非常欣賞擒晚比我鬧既個位謝小姐, 因為佢真係好有心咁幫我follow, 而且叫佢幫我同謝小姐講唔好意思, 因為我擒晚真係失哂控咁鬧佢!

 

擒晚我同mpp講, 以後唔使旨意我會再買 "飛X" (又或者佢地間代理"太平X")既任何產品!!

末完末了 >.<

住左新屋都有大半個月, 開始發現間屋有d小問題出現..... 其中一個問題係部冷氣!

 

查實全屋冷氣都係work既, 不過全部冷氣裝左成十年, d冷氣成日發出"轟轟聲", 特別係睡房, 好disturb!!

 

為左有個安靜環境瞓覺, 小妹同業主傾掂數, 小妹津貼小小錢買過部新冷氣! 上兩個星六係"豐X"買左部"飛X"冷氣!

 

部冷氣如時係上星期一晚送到, 師傅就安排係上星期二晚6-7點黎安裝.... 上星期二晚, 小妹同mpp係屋企等... 等... 等.... 一直等到八點都未有人黎!!!

 

小妹真係等到火都黎... 咪打去"豐X"問吓! 佢地聯絡過師傅, 個師傅竟然講大話, 話搵我唔到.... 我同個"豐X"職員講, 我成日都無miss到call, 何來打過電話比我呀?!?!  況且, 就算我搭緊LIFT, 佢地有無再打多一次比我先??!!  搵我唔到呢個藉口, 簡直係廢話!!!!!

 

部冷氣最後要等到上星期四先裝 (因為星期三小妹牛一, 東主有喜唔係屋企)... 本來以為當晚實有覺好瞓, 發一個sweet dream... 點知.................... 部死人冷氣夜晚突然NON-STOP咁"發發聲".... "發"到我完全瞓唔到!!  真係豈有此理!!!!

 

第二日朝早(星期五), 小妹打電話比個安裝師傅, 本來佢話星期五晚上黎屋企幫我check check, 點知個師傅"luck底"... 到星期六上黎睇過後, 佢話唔關安裝問題, 估計係部冷氣問題!

 

真係煩死人... 師傅走左後, 小妹唯有打電話比"豐X", 佢地叫"飛X"派職員上黎再檢查部冷氣!

 

擒晚, "飛X"職員check完後, 佢都覺得係部冷氣問題, 話會同公司講安排換機!!!!

 

幾時可以換機我到呢一刻都未知.... 好煩!!! 夏天都就黎完喇, 真係激死人!!!!

開心第一步

星期日同mpp去左尖沙咀同中環睇野...

個日天氣好熱, 我地兩個都行到成身"立痴痴".....

不過就好開心!!

因為個日所睇既野, 係為我地既將來!

開始踏出呢一步,

雖然大家有唔同意見,

但無論點,

所有事都一定既美好, 又值得回憶!!

 

 

當晚mpp仲同我一齊揀禮物,

買左兩份我超期待既禮物,

心情難以形容...

份禮物而家改緊,

攞到手後再同大家分享!

 

 

呢兩份禮物成五位數字,

不過, 係我心目中係無價,

最重要係我感到自己越黎越幸福!

多謝你呀, hoeny!!

 

 

咁啱商場攪緊event,

買滿$2500送曲奇一盒,

商店職員好好人, 幫我地開左兩張單換左兩盒曲奇!

盒曲奇好靚好吸引!

 

 

 

回禮

話說小妹牛一當日, 見mpp為自己花盡心思, 為我安排送禮送花兼食大餐既活動, 小妹係一個有情有義, 知恩圖報既人(又自己讚自己添....), 見第二日係屋企咁得閒, 就煮左一餐飯比mpp食!

 

好似已經有成個幾月無煮過飯, 今餐有兩餸一湯!

清蒸桂花魚 + 呀蘇咖哩雞翼

 

赤小豆扁豆粉葛煲豬尾骨湯

 

 

今餐所有餸菜都係為mpp而做:

1) 咖哩雞翼 -- mpp特別order, 因為佢話好耐無食呢個餸, 跟足呀蘇既做法, 煮左成個鐘, 味道真係一流!!

2) 清蒸桂花魚 -- 同mpp一齊咁耐都未蒸過魚比佢食, 呢條魚蒸左七分鐘啱啱好, yummy~~

3) 赤小豆扁豆粉葛煲豬尾骨湯 -- 據聞呢個湯去骨火, 啱哂mpp飲, 因為佢成日都唔夠瞓!

 

 

有個咁好女朋友煮定飯等你放工返黎食, mpp你係咪覺得自己好幸福呢~~ 哈哈~~~

慶生 @ HARBOUR GRAND HK

9月1日生日當晚,

mpp帶我去左Harbour Grand食buffet!

 

第一次黎呢間酒店食buffet,

第一個感覺係攞野食既地方好大,

成條長廊!

 

呢度既紅酒, 白酒同汽水係任飲既,

咁開心既日子,

mpp同我就飲紅白酒!

cheers!!!

 

先食冷盤,

魚生好新鮮,

有mpp喜愛既海膽....

 

仲有佢至愛既鵝肝,

mpp前前後後好似食左成五件....

 

冷盤有我至愛既長腳蟹,

仲有大大隻龍蝦,

而且不停供應,

好好味呢~~

 

酒店每人送上焗螺一大隻!

 

熱盤都有幾多野食,

不過小妹當時我肚已經飽飽地....

所以無嘜點食熱盤!

當中叉燒超好味!!!

 

甜品種類唔算多,

味道中規中矩!

 

mpp既楊枝金露!

 

燕窩燉蛋白好正,

我食左兩碗呀,

哈哈~~

 

雪榚時候,

MOVENPICK雪榚味道較濃,

mpp就覺得雲喱拿最好味! 

 

 

食飽飽,

多謝mpp!!