姊妹夜

小妹既姊妹團增添多一位成員, 早前相約我班好姊妹一齊出黎食飯聚一聚!

 

我地人數唔多, 不過小妹可以想像我地一定好鬼嘈, 幾個女仔一個墟, 肯定有排傾....  ..... 有見及此, 我揀左風月堂, 因為呢度啱哂我地!! d野食好味之餘, 仲可以有排坐!!

 

食左幾個主菜後 (傾得太開心, 唔記得影相...), 我地就order甜品食!!  呢度d甜品, 個個look都好吸引... 最後我地order左兩份甜品share黎食!!

 

最經典莫過於呢份雪榚窩夫, 呢度有6種唔同味道既雪榚, 我地最後用左"搓包剪揼"去揀雪榚味道.... 好開心又好玩既一夜!!

 

 

 

喜與悲

呢幾年小妹身邊發生好多事, 亦令我緊加知道, 我要去珍惜所以自己現在擁有既一切!!

 

擒日突如其來既兩個消息, 令我一日之間, 好似處於天堂同地獄既感覺... 感覺難以形容.....

 

可愛小助手早上傳來message, 佢陣痛左21小時, 終於誕下小公主, 母子平安, 小妹真係好替可愛小助手開心!! 可愛小助手陀B時好多問題發生, 佢個BB真係得來不易, 好想快d見吓佢個B女, 同BB玩吓~~~

 

前助手同我感情好好, 平時佢會耐不耐就會搵我, 小妹見好耐都無佢消息, 下午就打電話比佢.... 電話中聽到前助手既聲音好低落... 原來佢媽媽係屋企抹窗時, 懷疑頭暈下, 墮樓身亡............ 聽到呢個消息, 小妹已經泣不成聲.................... 前助手提到自己呢排瞓唔到, 而家要食藥.......... 呢個消息實在太突然, 無用既我跟本唔知點樣去開解前助手.............. 小妹唯有叫佢努力堅強去面對!  痛失至親, 實在難以想像前助手既心情... 小妹都好難過!!

 

晚上跪在床邊, 為前助手禱告! 求慈愛既天父將前助手既媽媽帶到天堂, 好好照顧! 亦求天父保守前助手同佢一家人!!!

 

人生無常, 好多事自己都無法控制... 生有時, 死亦有時.... 一定要好好珍惜一切!!!

致林先生

親愛的林先生,

 

時間真係過得好快, 一貶眼, 同你一齊已經有365日 x N次方....

 

聽日係我地既拍拖週年紀念日, 今年係我地最後一年以"男女朋友"名義慶祝, 一心諗住會好浪漫底下渡過... 無奈地, 聽日你要出差, 今日你又好忙... 左改右改下, 最後突然改我係擒晚提早慶祝!

 

擒晚既一餐飯好平淡, 不過我仍然覺得自己好幸福, 因為有你係我身邊!  而最開心係, 擒晚當你遇上一位朋友時, 友人問你我係咪你太太時, 你答"係"!! 我.....簡直係甜在心頭~~~

 

期待出年林生同林太第一年以老公老婆身份去慶祝拍拖週年紀念日, 希望我地以後既日子, 日日都過我咁開心+幸福+快樂~~~

 

你的林太太上

食食食

mpp好鐘意日本, 不論日本既文化, 日本既景色, 日本既女仔, 日本野食, 甚至日劇... mpp統統都好鐘意!!

 

出街食飯, 唔使問阿貴, 我地每好多時都會不其然咁選擇食日本野.... 好在, 小妹都鐘意食日本野, 同mpp真係perfect match喇~~

 

食完呢個好味沙律, 小妹已經飽飽地...

 

當日我同mpp坐壽司bar, 當呢碟14件壽司上檯時, 小妹旁邊既兩位女子勁望我同mpp.... 估計佢地諗緊點解我地咁大食, 哈哈~~

 

最後, 當然唔少得我既至愛, 今次呢個三文魚鮫唔係鹽燒, 而係醬燒, 味道一樣咁好味~~

 

婚期迫近, 小妹手術後放縱左四個月, 係時候要努力keep fit~~

DIY婚禮簽名筆

上個星期好忙... 好忙... 忙得好緊要!

 

忙... 皆因小妹既可愛助手要生BB, 放緊產假!!

 

忙... 亦因我地個team入面有個女仔走左, 多左野做!!

 

忙... 最主要係小妹又開始攪結婚d野!  今次有呢個新攪作, 靚嘛???  我自己超鐘意, 呢舊係嘜東東呢??!!!??!

 

呢個係小妹自製既婚禮簽名筆, 係咪好靚呢, 哈哈~~ (自滿中.... )

 

放入玻璃樽內, very good ar~~~

 

玻璃樽上既珠珠同閃石, 係小妹比好心機一粒一粒咁"痴"上去!

 

花左好幾個鐘去製, 見到製成品真係好開心!! 最最開心既係mpp都好鐘意!! 12月快d黎啦~~~~~~~~~~~~~

行街街

星期日同mpp睇完話劇後, 我地去左THE ONE行街!

 

小妹唔係一個鐘意行街既女仔... 正確可以講話我唔鐘意行街!!  好唔明白點解有人可以行街行足幾粒鐘, 真係好佩服!  嘜對腳唔攰既咩??!!?!??!!

 

同mpp行左大半個鐘, 小妹真係項唔順... 未到六點, 我地已經坐係餐廳order晚餐

 

小妹既豬軟骨拉麵

 

mpp既咖哩吉列豬扒飯

 

最後黎個雪榚冰.... 食完成杯雪榚冰之後, 成個口成個人都凍到痺哂....

 

** 相片唔小心影到mpp對手, 就咁睇對手, mpp你好似好大隻咁喎, 哈哈~~

《波音情人》

擒日同mpp又去睇話劇, 今次我地去文化中心, 睇《波音情人》.

詳情
CHOK男以一敵三航空姐 瘋狂愛情大亂局

A2創作社 繼大受歡迎喜劇《爆肚王》後，全新改編經典法國獲獎喜劇《Boeing Boeing 波音情人》一齣令你睇住笑、笑住叫的瘋狂喜劇。由安信弟＋麥記型男，配上劇場三位索空姐，引爆一場擋不住的「瘋」情。

故事簡介:
以為掌握時間就掌握所有女朋友的Bernard，用他最殺食的外貌整古做怪，享盡男人夢寐以求的生活；直到遇上一個颱風，三女回歸，上天決意要令他的雄風不再……

主要演員:

陳仕文　安信 Brother搖身一變風流財子
（Actors’ Square (A2創作社)創辦人之一，香港小劇場獎最佳男主角提名，演出包括《莫札特之死》《點點隔世情》《爆肚王》等，憑「安信兄弟」廣告廣為香港人認識）

文傑聰 麥記型男試 Chok Seven 仔宅男
（Actors’ Square (A2創作社) 創辦人之一，演出包括《柯廸夫》《起碼拉阿爸》《四千金》等，積極參與廣告及影視製作，憑「McDonald (法式漢堡篇) 」廣為香港人認識）

馬沛詩　劇場 A Mui化身索爆坡妹
（香港戲劇協會「傑出年青演員獎」、香港舞台劇獎最佳女主角(悲/正劇) 提名，演出包括《點點隔世情》《我不要被你記住》《情話紫釵》等，以《壞女孩A. Mui Live》廣為香港人認識）

于曉君　正氣OL演盡 Pubbing港女
（憑《一拍兩散偷錯情》獲香港演藝學院「傑出演員獎」，積極參與電影製作，電影包括《家有喜事2009》《天水圍的夜與霧》《鎗王之王》等）

張紫琪　長腿姐姐大玩 Kawaii架妹
（年青新晉演員，演出包括《我的快樂時代》；香港演藝學院《魔方變奏》《我要高飛》等）

黃呈欣　爆Hot劇后玩轉騎呢管家
（香港舞台劇獎最佳女主角，演出包括《胖侶》《戀愛總是平靜地意外身亡》《小人國》系列《老婦還鄉》及《四千金》等）

 

 

小妹感想:

第一次睇A2創作社既劇, 一套完全令小妹, mpp以及全場觀眾可以笑足全場既一套爆笑話劇!!  加上mpp買左第一排正中既位, 位置真係超正呀!!

男主角一腳踏三船, 三個女友都係空中小姐, 分別來自三間航空公司! 男主角以為可以分配好時間, 享齊人之福, 但陰差陽錯下三位女友同一時間出現, 因而鬧出唔少笑位!

值得一讚既飾演管家既黃呈欣, 全套劇之所以咁好笑, 黃呈欣可算佔左大部份功勞!!!  呢套劇係小妹同mpp睇劇以來, 最最最最好笑既一套!!!! 激讚!!!!!!!!!!!!

 

 

buffet at 馬會

上星期日係馬季最後一日, 同往年一樣, mpp帶我入沙田馬埸, 今次又係book左member房, 我地坐張檯係正玻璃門位, 坐係冷氣房睇馬又真係幾爽!!

 

今年buffet比往年貴, 上年buffet仲有三百幾蚊, 今年就加到四百幾, 食品質素差唔多! 唯一一樣無變.... 就係一樣係咁少野食.......

 

 

《辛辣人妻》

呢幾日發生好多事....

 

星期六下午, 同mpp又去左我地成日出沒既地方 --- 大會堂, 今次我地睇 《辛辣人妻》!

 

 

詳情
Loft Stage x 梁榮忠 x 唐寧 x 王浩信
全新演繹經典浪漫溫情喜劇
Tony Award得獎舞台劇 New York首演達4年共1530場次 百老匯十大最長壽劇本

我叫你死佬,你叫我衰婆,咁先至叫做相愛?

 

小妹感想:

故事講述唐寧同王浩信相戀只有六日就結成夫婦, 可能因為夫婦欠缺了解, 因而引起誤解而鬧離婚... 而結局當然係happy ending啦!

 

呢套劇有梁榮忠做導演, 對白生鬼, 兩位主角仲做得好出色!  

 

已經睇過好幾套唐寧所演出既話劇, 但第一次睇王浩信做話劇, 無諗過佢會做得咁好, 當中有至成三至四個位, 觀眾因為佢既好戲而為佢拍掌!!

 

多謝mpp帶我去睇, 呢套咁好睇既話劇!!!

 

 

婚禮倒數日程表

仲有五個月左右就成為林太, 見好多準新娘子都會做張婚禮倒數日程表出黎!  為左remind吓mpp同自己, 我都試吓整呢個list先.....

 

粉紅色部份已經處理好, 小妹處理紫色部份, mpp你要follow好綠色部份呀~~

 

婚期大日子 : 2011年12月某日

婚宴地點: 九龍某酒店

註冊+Cocktail場地: 玻璃教堂

証婚律師  : 玻璃教堂已包

酒樓佈置: 酒樓提供

婚紗相: 法國婚紗 (已影, 八月有相)

當日婚禮攝影攝錄: 「純美」

新娘化妝師︰ Maggie Yeung

姊妹化妝師︰ 姊妹自己攪掂

新娘婚紗及晚裝及裙褂︰ 已hold, 不過未confirm裙款

媽咪及奶奶衫： 未買

新郎禮服： OK

 

新郎黑皮鞋： OK

晚裝鞋： OK

褂鞋： 未買

Girdle  : 已買

伴郎及伴娘： (未定) & A子

兄弟團：

名單(未定)

姊妹團： 名單(已定)

兄弟制服： 普通西裝

姊妹裙： OK

婚禮司儀： 玻璃教堂已包

過大禮時間： 10月某日

過大禮物品：未傾

婚前檢查： 已抽血, 8月見醫生

婚前輔導 ： 唔需要

嫁妝︰ 未買

首飾： 租衫set頭已包

請帖： 未搞

利是封︰ 未買

西餅咭： 東海堂 (已買)

唐餅咭︰ 奇華 (已買)

結婚戒指： 未買

結婚公仔： 未買

新娘花球: 未訂, 已有心水花店

主婚人襟花：  未訂, 已有心水花店

兄弟姊妹手花襟花 ： 未訂, 過已有心水花店

花車︰ mpp處理

花車佈置： 兄弟團負責

 

28座旅遊巴：唔需要

接新娘道具︰ 伴娘姊妹處理

簽名冊 / 布︰ 法國婚紗

結婚證書套: 玻璃教堂已包

介子枕: 玻璃教堂已包

羽毛筆 : 玻璃教堂已包

簽名筆： 末買

婚宴音樂： 已有一大堆, 正在選擇中

回禮小禮物： OK

門口油畫架 : 玻璃教堂已包

餐牌：由酒樓提供

枱號咭：小妹自己design

紅酒： mpp處理

敬酒杯： 由酒樓提供

賓客名單： 已有初稿

座位表： 待處理

當日Rundown： 見步行步, 哈哈~~

住屋︰處理中 .......

蜜月︰ 歐洲 or 日本 (煩惱中...)

 

 

午餐短敘

小妹公司同mpp公司好近, 我地一個星期會有兩三日一齊放工, 感覺好似同學仔咁一齊放學, 都幾sweet!!

 

雖然大家公司好近, 不過, 我地好少一齊食lunch, 可能幾個月都無一次... 上兩個星期, mpp約我食lunch, 難得既機會, 緊係搵一間好既餐廳比我同mpp黎個"午餐短敘"啦~~

 

食過幾次公司附近既呢間餐廳, 一向食物質素都好唔錯!! 不過, 當日食既set lunch就唔多掂!! 好失望囉~~

 

mpp order既鴨胸! 肉質好"硬", not good!

 

小妹order既牛扒.... 生到有d驚