士多啤梨黑森林蛋糕 (附食譜)

終於有時間寫番個蛋糕食譜, 大家仲記得嘛.... 呢個蛋糕係mpp上個月生日, 小妹為佢而做既第一個朱古力蛋糕!

 

 

雖然已經做過好幾次蛋糕, 但係.... 呢個蛋糕仍然有好多不足之處, 有待改善!! 無論點, 一諗到mpp見到個蛋糕時既開心情境, 辛苦少少去為佢整蛋糕都係值得既!!

 

材料及做法:

- 先用"全蛋法"做左一個6吋蛋糕

6”蛋糕的份量：蛋 100g (2隻)；糖 40g；低筋粉 40g；牛油 20g) + 30-35g黑朱古力粉

180度焗20-25分鐘!

 

朱古力蛋糕倒扣放涼後, 切去表面層皮, 然後切開三片!! 每片之間放上打好既甜忌廉 + 新鮮士多啤梨 以及 早一晚特別做好既黑加倫子啫喱!

 

外邊圍上朱古子碎同士多啤梨做deco!

 

平平無其既蛋糕上, 放上特別為mpp而做既生日牌, mpp你真係呢個世界上最幸福既男人啊, 哈哈)))))))))))

 

先熱溶白朱古力, 隨個人喜好界出自己喜歡既shape! 

 

然後用粉紅色朱古力, 畫出自己喜歡既圖案!

 

靚靚蛋糕入盒後, 等待佢既主人mpp打開, 嘻嘻~~~