近日公司好多野做, 每日返工都係極大既壓力底下渡過, 工作量遠遠超過自己既極限... 遲早捱唔住.....
又要追卜喇... 講番平安夜, 當晚跟左靚靚二家姐返教會開party, 呢度以前係一間幼稚園, 感覺就好似返番以前讀幼稚園年代咁, 都幾得意!
開餐前, 先同靚靚二家姐影番張相留念先, V~~~~
party入面好多野食, 其中有今年"聖X娜"既Cupcake X'mas Tree, 好有聖誕feel!~~~ 不過味道麻麻!
返埋今日工, 要2011年先見!! 因為小妹聽日屋企開P, 要請假一天打點一切!!
預祝大家2011 新年快樂!
最緊要身體健康!!
日日都開開心心!!!
一向好鐘意聖誕節, 好開心既一個節日!
今年既聖誕節我好唔開心..... 原因係同mpp鬧交....... 整個聖誕節都令我好傷感.... 不過已經雨過天青, 我地無事喇!!
同mpp可以認識, 因為我地"有緣"!!
同mpp可以開始拍拖, 因為我地"坦誠"!!!
同mpp可以結婚, 因為我地"真心愛對方"!!!!
曾經睇過一篇文章, 人一出世就等同進入生命倒數!! 我既人生....大慨已經走左超過三份一既旅程, 而家有d後悔嬲左mpp三日, 亦即代表我浪費左我同mpp一齊三日既日子!
出年既今日, 我已經做左林太.... 以後都唔會再發顛, 唔要再同mpp鬧交, 好好珍惜大家一齊既快樂日子!
愛的真蹄 (哥林多前書13:13)
「如今常存的有信，有望，有愛，這三樣，其中最大的是愛」。
上個禮拜休息左差唔多成個星期,
星期一返到公司無停手 >.<
今日開始勁有holiday mood,
原因係老闆今日開始放大假, 要出年先見到佢,
同事們都好relax,
有排都唔使比佢煩,
又要讚一讚我個mpp,
擒晚係冬至,
mpp提出話不如返我屋企, 陪我爸爸媽媽食飯!
好開心mpp咁有老人家心,
怪唔得個未來外母咁錫佢
又到聖誕,
聽日平安夜會跟家姐返教會開party,
今晚又要度吓油嘜指甲好 ??!
post番上次既nail art先,
我個人好鐘意 :)
15/12/2010 (三)
小妹既病房係5樓, 準備好出發見醫生時, 姑娘突然叫我坐輪椅落去.... 小妹即時呆一呆, 同姑娘講 "其實我可以行gar喎?????" 不過, 最後姑娘仍然堅持要我坐輪椅, ok fine!! 沿途, 小妹覺得有不少人望住我, 突然覺得自己好似好可憐咁....
去到見醫生時, 醫生再幫我檢查一次, 然後就同我講解一陣既過程.... 之後, 有一個姑娘見我簽一份文件.... 就係呢個小小手術有可能會發生咩危險, 簽好名後, 就開始喇..........
姑娘先幫我清洗消毒皮膚, 之後醫生就入黎, 先黎一支麻醉劑.... 不幸既事就係呢度發生......
麻醉劑打得我好痛好痛.. 可惜醫生出手太輕, 麻醉劑藥力唔夠, 當佢要吉針時, 我話佢知好鬼痛... 醫生話可能啱啱既麻醉劑份量唔夠, 結果要打多次! 就係咁, 同一個位置比醫生吉左四針.... 先有第一針麻醉劑, 之後有一吓手術針... 再黎第二針麻醉劑.... 跟住又有一吓手術針... 真係痛死我!
由於小妹有兩個位置要攪... 不幸既第二個位置同樣遇上相同問題, 同一個位置比醫生吉左四針.... 雖然呢個位置做法有少少唔同, 不過一樣打左四針, 好痛好痛!!
小妹既眼角不斷有淚水湧出... 小手術只需30分鐘左右, 不過, 小妹瞓係張手術床既感覺, 就好似瞓左一個鐘咁! 為左make sure身體無事, 為有死忍!!
姑娘推返我入病房時已經差唔多十二點, 兩個鄰居都已經出左院! 得番我一個.....
一心諗住只需住一日醫院, mpp仲諗住走黎同我出院!! 可惜醫生要得等到六點左右, 睇埋個報告先好走... 無計下唯有等!
mpp六點左右黎到, 醫生都差唔多時間出現... 可幸既其中一個報告出左, 小妹無事!! 但不幸係另一份報告仲未出到, 要第二朝先有!!!!
噢..... 噢.... 噢..... 我.... 真.... 係.... 好.... 唔..... 想.... 再.... 留..... 係...... 醫.....院..... 我好想好想返屋企呀!!!!!
最後, 當然我只好乖乖留低!
16/12/2010 (四)
中午時, 報告終於出左... 雖然小妹既小毛病仍然存在, 不過一切安好!!! 無需要做一個真正既大手術, Thanks GOD!!!
極速交完錢後, 小妹即時打的返屋企!!!! 始終, 都係返到屋企最舒服既!!!!
17/12/2010 (五) and 18/12/2010 (六)
由於傷口痛, 最終要攞多兩日假係屋企休息休息!
今日, 小妹差唔多已經無嘜事, 再次多謝為我擔心過既朋友仔, 快樂的monzozo仍然會繼續營業
多謝大家關心, 小妹已經平安出院!
過去既一星期發生好多野.....
13/12/2010 (一)
星期一下畫, mpp陪我去睇專科醫生, 醫生睇完小妹既超聲波片後, 就建議我入院再作詳細檢查.... 醫生好有效率, 即刻安排到我第二日入院, 而我同mpp都同意醫生既決定, 因為我地都好想知道小妹身體既小毛病如何?!
睇完醫生後, 因為對上兩個星期都減緊肥, 為免身體唔夠體力, 都係暫停減肥計劃, 食番多d野先 :) POKER CAFE d野食真係唔錯呀!!
我既小食併盤
mpp既咖哩牛尾, yummy!!!
mpp再order呢個西士雪榚.... mpp平時好少order甜品, 唔知佢係咪知我驚, 想我食甜品開心d呢?!
14/12/2010 (二)
由於公司既工作太忙, 即使醫生已經開左四日假比我, 上畫我都先返公司交低工作比同事幫我follow.... 辛苦哂我既可愛小助手, 因為佢最近身體都麻麻, 我仲要將極繁重既工作交比佢, 真係好唔好意思.
下畫返屋企執左d輕便行李, 沖涼同洗頭後就出發!! 由於mpp當日公司有function, 佢陪唔到我入院, 原本約好二家姐陪我, 可惜佢突然打電話比我, 話我知佢唔舒服, 想嘔又頭暈, 仲要坐係旺角地鐵站入面....... 簡直嚇死我!!! 小妹即時嗱嗱聲出門口, 見到二家姐時見佢面青青咁, 我都唔好意思要佢陪我.... 最後, 同二家姐一齊坐的士, 先車我入浸會, 然後佢番屋企睇醫生.
去到醫院, 小妹一個人去check-in, 感覺有如去到酒店lobby check-in 一樣, 仲有專人帶我上房!!
入房前, 姑娘同我先做簡單檢查.... 突然..... 小妹當頭棒喝, 望住姑娘講左一句 "死喇, 我唔記得攞張超聲波呀!" 姑娘都比我嚇左一嚇, 好淡然咁講, 叫屋企人幫你而家攞過黎囉! oooohhhhhhh, 小妹係一個人住, mpp又家下係南丫島食飯, 探病時間又話十至十... mpp搭船出黎, 去到中環再飛車返我屋企, 再由我屋企飛車黎呢度, 都起碼成十一點... 點算! 好彩, 姑娘好好人, 話如果呢d special case, mpp十一點都無問題... 就係因為呢件事, 多謝mpp你既幫手, 你真唔好彩, 有個大頭蝦女友!!
最後, 陪我入病房既有"新地" 同 "入院資料", 哈哈~~
晚上, 姑娘突然攞左套手術衫比我, 話我個第二朝十點半入手術室, 叫我九點半要換好衫..... 嘩))))) 小妹當時真係好驚好驚.... 咁大個女都係第二次入院, 第一次只係咳得太耐, 所以入院照肺.... 未見過大場面既我真係十萬個擔心!
15/12/2010 (三)
小妹好怕陌生地方, 加上擒日見到手術衫既反應, 好容易預計到自己一定瞓唔到... 晚上直至早上, 病房內所發生既事, 小妹都知道一清二楚!!!
6:00左右, 呀嬸走黎床邊換熱水壺
7:00左右, 姑娘走黎量血壓
8:00左右, 又有兩個姑娘走黎, 一左一右叫你唔使郁, 話而家幫你"come"好將被!!
OH MY GOD!!!! 你地班友仔, 晨好留留逐個走埋黎, 個個都係病人, 病人真要需要休息. 你地咁早就開工, 人地點瞓呀???????
9:00左右, 又有一個姑娘走黎, 要我食定胃藥 + 止痛藥.... 吓))))))) 要食定止痛藥, 我知一定實好痛.... 嗚嗚嗚嗚.... 真係好驚呀~~~
(待續...)
呢個星期過得好精彩, 好一個悲喜交習既一星期!!! 黎個"先甜後苦"吧!
星期日, mpp終於同小妹既雙親提親, 所謂既提親只係mpp要面對面同小妹既爸爸媽媽講我地會係下年結婚, 而事實上小妹一早已經打電話同爸爸媽媽講好哂d細節, 免得提親時有不愉快事情發生!! 小妹知道爸爸媽媽一直好擔心我, 不過而家佢地唔再擔心喇, 因為以為會有個傻佬一生一世咁take care我!!
提親過程順利, 原本mpp好想簡單處理我地既婚禮, 不過最後都比我說服左, 出年我地會有個"簡單而隆重既婚禮", 開心+ing~
之後, 我地就出發去會展睇婚紗展, 當日除左想攞多d結婚資料外, 最主要目的只有一個, 就係去"法國婚紗"既booth睇結婚相package!!
我地有備而去, 小妹一早已經做哂research.... 小妹同個sales女仔好啱傾, 最後我地即場join左佢地有上遊艇同去北潭涌影相既package!! 個sales反過黎比我不斷說, 結果除外會場既優惠減$2000之外, 佢仲送.... 多2幅中size相連相框..... 多8張細size相...... 改水晶面既相簿..... 來賓簽名紙..... 多1套晚裝... 多一套禮服.... total4個造型.... 最開心就係佢仲好好幫我hold住佢公司好出名既化妝師同攝影師!! 真係超級開心!!!!!!
落order期間, 啱啱好有cat walk睇, 當日有3個model, 包括莊思敏, 朱璇, 同model BOBO! 同mpp坐正前排, 近距離接觸咁多靚, mpp睇到眼都唔貶呀, 哈哈~~
莊思敏
朱璇
model BOBO
暫時講完開心事, 聽聽我d傷心事吧!
上星期五晚, 去左醫生度聽報告.... 不幸地, 小妹身體真係出現問題!!
不過, 感恩感恩.... 呢個問題暫時仍然屬於小問題!!! 不過, 小小既問題已經令無用既我哭濕枕頭!
同mpp一齊係醫生房聽醫生報告時, 小妹仍然好陣定, 可惜, 一步出醫生房時, 眼淚就不斷流出..... 好在有mpp係身邊不斷安慰.... 係食晚期間, 小妹打電話比靚靚二家姐時, 無用既我差d漰潰, 喊到差d講唔到野, 攪到家姐仲以為我好大件事... 嚇死佢!
同兩個家姐講完後, 正如醫生所講, 佢地都覺得問題唔算大.... 由於要進一步確定問題係唔係嚴重, 今日下畫, mpp陪小妹再一個專科醫生, 結果, 醫生建議係..... 聽日我要入院做詳細檢查...... 噢....... 希望無事!!!!
人生, 有起有伏.... 滿以為已經走過黑暗, 哈! 個天總要比d考驗你...
THIS IS LIFE!!!???!!!??!!!
有mpp係身邊, 我一定鼓氣敢氣去面對!!! ZOE, 加油!!!
